|
#1
06-04-2009, 01:18 PM
|
|||
|
|||
|
بخصوص الوان الإسبيرانزا A113
اتصلت بالتوكيل علشان اسأل عن آخر اخبار العربية A113 لأني بفكر اجيبها و سألت على اللون اللي انا بفضله و هو الأزرق السماوي و لكني فوجأت بالأخ اللي رد عليا انه بيقول ان اللون ده مش موجود لأنه اتوقف من الشركة المصنعه !!!!!! مش عارف هل الكلام ده صحيح ؟؟؟؟ و لو كان صحيح ايه سببه يا نرى ؟؟؟ مع ان اللون ده من احلى الألوان في العربية دي.
و يا ريت يا جماعه اي حد اشترى العربيه دي و جربها يقلي ايه اخبارها معاه بأمانه. انا طبعا ناوي اشتري موديل 2009 و هو قالي انها دلوقتي بـ 52900 جنيه و الضمان 3 سنوات أو 100000 كيلو متر . و لما سألته ايه اللي انا باستلمه مع العربيه قالي ان انا باستلم مثلث و شنطة عدة و كوريك. فهل حد عنده اضافة ؟؟؟ و يا ريت تفيدونا في موضوع اللون . و لو حد يعرف تاجر بيبيع اللون الأزرق السماوي يا ريت يفيدنا و شكرا ptmnlo123per122 
|
|
#2
06-04-2009, 02:10 PM
|
|||
|
|||
رد: بخصوص الوان الإسبيرانزا A113
سيدى الفاضل
حضرتك من انهى محافظة علشان اجيبلك الموزعين المعتمدين الاقرب اليك و تعرفنى اتصلت بفرع مين و قالك ان اللون سماوى مش موجود ؟ اما عن الحاجات اللى بتستلمها مع عربيتك : بالنسبة للأوراق تستلم كتالوج السيارة - ضمان السيارة - مع ملاحظة انك بتستلم الضمان الخاص بالسيارة بعد الترخيص يعني بعد ما بترخص بتروح للمعرض اللي انت اشتريت منه بياخد صورة من رخصة العربية ويديك ضمان العربية - وبتمضي انت لحظة استلام السيارة على إقرار بالإستلام - وطبعا اهم حاجة المبايعة الأصلية الخاصة بالسيارة ( وديه بتبقى من ابو الفتوح للمعرض ) ومبايعة من المعرض ليك - ويتم تسليمك مفتاحين مفتاح ريموت والتاني عادي بالنسبة للأدوات :- استبن عجل - كوريك - مفتاح عجل - مفك صليبة - مثلث عاكس - 5 جنوط اسبور بالوشوش بتاعتها - ولاعة - وصلة USB للكاسيت وسمعت انهم ضافوا كهدية شنظة الإسعافات وبالنسبة للطفاية انت بتشتريها وطبعا لازم تفحص العربية قبل ما تستلمها من جوه ومن بره وتجرب كل الأنوار والسنتر والشنطة . و لو فيه اى استفسار انا تحت امرك م/مروان عزت نادى الاسبيرانزا
__________________
م/مروان عزت www.speranzaclub.com موقع ملاك الاسبيرانزا 
|
|
#3
06-04-2009, 02:26 PM
|
|||
|
|||
رد: بخصوص الوان الإسبيرانزا A113
و اتصلت بفرع المعادي و ردت عليا واحدة ست و لما بدأت اسأل عن الاسبيرانزا A113 قالتلي لحظة واحد و حولتني على واحد تاني مش عارف هو مين و لما سألت عن اللون الأزرق السماوي قالي مش موجود و لما سألتت عن السبب قالي انه مبقاش بييجي لأن الشركة المصنعه بطلت تعمله طبعا انا استغربت بس ما طولتش معاه كنت عايز اعرف كل التفاصيل عن عمليه الشراء و هل ممكن الواحد ينتظر قليلا و يستلم اللون اللي هو عايزه و هل الواحد يشتري من التوكيل افضل وللا من اي موزع و خلاص مع العلم اني سألت في 6 اكتوبر عند موزع اسمه المهندس و قالي انه هيبيعهالي ب 53500 جنيه و لما قلتله اني ممكن استنى شويه قالي خلاص هيديهالي زي التوكيل ب 53000 جنيه. فايه رأي حضرتك يا م / مروان وشكرا جزيلا لك و لكل الموجودين
|
 |
|
|
