|
|||||||
| وظائف مصر موتورز Automotive career opportunities , jobs , Career , find jobs ,وظائف خالية,مواقع وظائف خالية, بحث عن وظائف خالية, كهربائى سيارات عمل خالية, طلب وظائف ,وظائف شاغرة, وظائف مهندسين سيارات ,وظائف بالخارج ,فرص عمل ,البحث عن عمل, وظائف ,توظيف, ميكانيكى فرصة عمل , مصر موتورز وظائف خالية , مهندسين للتوظيف, وظائف خالية ، وظائف شاغرة ، وظائف مصر ، وظائف الخليج ، البحث عن وظائف |
 |
|
|
أدوات الموضوع |
|
#1
19-09-2011, 04:04 PM
|
|||
|
|||
حصريا علي مصر موتورز الفرق بين ايصال الامانه والشرط الجزائي في العمل
ده رد من محامي علي السؤال بتاع الفرق بين ايصال الامانه والشرط الجزائي وان شاء الله يفيد الناس اللي بتدور علي شغل وقابلها الموقف ده وازاي تعرف تتصرف
ونبتدي علي بركة الله اولا ده السؤال اللي هيتسئله المحامي ويليه رد المحامي علي السؤال الأستفسار بتاعى هو أستفسار جميع الخريجين وهو أغلب الشركات بتمضى المتقدمين للوظائف على شروط جزائية لمدة سنتين المصيبة بقا ان الفترة الأخيرة باقت الموضة هى الأمضاء على وصل أمانة وساعات بتبقا بقسم غير معروفة ياريت المختصين بالمجال دة يفيدونا عشان فى ناس كتير ممكن تقع فى الغلط يعنى انا مثلا مش عارف الفرق اصلا بين الشرط الجزائى ووصل الأمانة .. ولو الاتنين لمدة سنتين مثلا هيبقا اية الفرق الناس كلها بيقولو بلاااااااااااااااش وصل أمانة .. للأسف باقت شركات كتير بتعمل الموضوع دة مش عارف بصراحة دة عشان يربطونى ولا عشان يحبسونى ولا دة نصب ولا اية؟؟ وللأسف مجموعة شركات مثلا زى الصب كونتراكتور المسؤلة عن تركيب أبراج الموبايل الشغل فيها بيبقا أكتر من 10 ساعات فهل دة قانونى ولا لآ .. ولو مش قانونى نعمل اية عشان نبلغ عن الكلام دة ياريت بس الشرح يكون واضح بالذات فى موضوع شرط الجزائى ووصولات الأمانة حتى لا يضيع أحد فى هذة المواضيع وتقبلو فائق إحترامى وجزاكم الله خيرا .... وده رد المحامي بالنسبه الى الموضوع ده تم السوال عنه مرات عديده وكان ردى دائما هو ان البحث عن فرصه العمل ليس بالامر الهين ويجب ان يكون هناك مجازفه ولكن المجازفه قبل ان تقدم عليها يجب وضع حزااااااااام الامان بمعنى.................... .. معظم الشركات تشترط امضاء ايصال امانه هذا شائع ولكن هو مفهوم خاطى للشركات ايصال الامانه اذا انتفى منه ركن تسليم المبلغ فهناك براءه فى ايصال الامانه بمعنى لو انك مثلا روحت الشركه ومضيت على الايصال والحمد لله استلمت العمل اطلع بعدها على القسم و اعمل محضر انه تم امضاء على ايصال امانه بقيمه كذا لتوصيله الى كذا او حتى دون تسطيره اى ما كان وذلك من ضمن شروط مفردات التعيين وحتى تحصل على فرصه العمل واحفظ رقم المحضر جيدا او خد منه صوره رسميه وفى حاله لاقدر الله تم رفع دعوى عليك فباذن الله براءه فى الايصال لانتفاء ركن تسلم المبلغ وانه ايصال صورى من مفردات التعيين وانا قمت بنصيحه الكثير بهذا الامر اقبل العمل واتركها للمولى عز وجل وتوكل على الله وغالبيه الشركات المحترمه لا تستخدم هذه الايصالات فهى لمجرد تجعلك اكثر احتراما والتزاما للعمل ليس الا هذا بخصوص النقطه الاولى اما بخصوص الشرط الجزائى بالعقد لعدم ترك العمل قبل فتره معينه فهنا التزامك بهذا الشرط واجب النفاذ واذا اخليت بالزامك وجب الشرط الجزائى وبالتوفيق لكل من يجد فرصه عمل بمثيل هذه الظروف الصعبه وتحياتى طيب تمام كدة هل الموضوع دة بيكون على علم من الشركة ولا بروح أعملة مع نفسى ؟؟ وهل عشان أعمل المحضر دة لازم يكون فى حاجة معينة فى الوصل تدل على أنو ينفع .. بمعنى هل فى وصل أمانة ينفع أعمل علية محضر ووصل أخر لا ينفع اعمل علية محضر ؟؟ وهل الوصل بيكون بمدة معينة يعنى مثلا وصل الأمانة بيكون مكتوب علية مدة سنتين مثلا ولا مش لازم ؟؟ وهل الموضوع بياخد وقت فى القسم ولا فى نفس اليوم ؟
طيب على كدة بقا يبقا اللى فهمتو من حضرتك ان الشرط الجزائى أخطر بكتير من وصل الأمانة على عكس ما الناس فاهمة طيب وهل هذا قانونى موضوع الشرط الجزائى لآن ممكن يكون فى أسباب لعد الحضور للوظيفة وبالتالى هكون تحت رحمة صاحب الشركة ولا انا فاهم غلط؟؟ وجزاك الله خيرا .... وده رد المحامي بالنسبه للتعليق الاول على الايصال انت بتروح طبعا بدون علم الشركه واى اما كان الايصال انت بثبت واقعه الايصال انه مفردات تعين وشرط من شروط التعيين وانك لم تستلم اى مبالغ وملهاش علاقه بتاريخ ولا اى شىء اما بالنسبه للشرط الجزائى هناك الموضوع هيكون طويل اوى على الشركه انها تتخذ امامك اجراءت لاثبات انك تركت العمل قبل المواعيد وانت ايضا يمكنك تقديم ما يفيد انك لم تترك او انهم اجبروك على الترك ......... الخ وهرجع واذكرك بان الشركات مش فاضيه للكلام ده ولو الشركه هتقاضى كل موظف ترك العمل يبقى مش هتعمل حاجه غير انها تروح المحكمه وبعدين مشى موظف يجى الف ولا ايه هذا هوا ما يحدث فى الكثير من الشركات انا متأسف لو كنت طولت على حضرتك بس عايز أعرف حاجة بردو ,, يعنى هل فى حاجة المفروض أخد بالى منها قبل ما أمضى على وصل الأمانة يعنى مثلا تاريخ معين أو فلوس معينة؟؟ عشان انا سمعت من ناس انهم بيمضو على وصل أمانة على بياض فمش عارف الكلام دة قانونى ولا إية؟ طيب وإية اللى هيعرف القسم انى مستلمتش فلوس طالما انا هروحلهم مجرد بعمل محضر فى شركة وخلاص ولا هما بيبقو عارفين اللى بيحصل ؟؟ السؤال بقا اللى بيجننى بجد انا نفسى أعرف هل موضوع الشرط الجزائى أو وصل الأمانة هل دة مذكور فى قانون العمل المصرى وهل مذكور أيضا الشغل بيكون 12 ساعة ؟؟ لو الكلام دة مش قانونى أعمل إية - كشباب - عشان نقدم بلاغات فى الشركات دى عشان بجد الشباب تعب جدا من البهدلة بتاعة الشركات ليهم كحديثى التخرج وجزاك الله خيرا .... وده رد المحامي بص انت بالنسبه وانت بتعمل محضر خد حد معاك كشاهد على واقعه الامضاء مثلا حد بيتعين معاك ومتفرقش التواريخ او الفلوس انت بتثبت واقعه اما بالنسبه لقانون العمل فنص على عدد ساعات العمل 8 يتخلها ساعه راحه اما الساعات الاضافيه تكون بزياده محسوبه الاجر ويكون جهه العمل مصرح لها بذلك لكن اغلبيه الشركات لا تطبق قانون العمل فاذا ارت التقدم بشكاوى لمكتب العمل ضد الشركه ويا رب اكون قدرت افيدكم بالنقل ده 
|
|
#2
19-09-2011, 04:21 PM
|
||||
|
||||
|
رد: حصريا علي مصر موتورز الفرق بين ايصال الامانه والشرط الجزائي في العمل
ايوةةةةةةةةةةةةةةةةةةةةة اية دة
يعنى علشان اشتغل فى شركة فى مصر امضى وصل امانة او شرط جزائى
__________________
لا حول ولا قوة الا بالله
|
|
#3
19-09-2011, 04:22 PM
|
||||
|
||||
|
رد: حصريا علي مصر موتورز الفرق بين ايصال الامانه والشرط الجزائي في العمل
شكرا يا باشا على المعلومات المهمة دى
|
|
#4
19-09-2011, 09:45 PM
|
|||
|
|||
|
رد: حصريا علي مصر موتورز الفرق بين ايصال الامانه والشرط الجزائي في العمل
تسلموا يا جماعه ونورتوا الموضوع وتقبلوا تحياتي
وفعلا يا ميمو اغلبية الشركات في مصر بتتعامل بنظام العقد والشرط الجزائي اكتر من ايصال الامانه
|
|
|
|
