|
|||||||
| ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
 |
|
|
أدوات الموضوع |
|
|||||||
| ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
|
|
|
أدوات الموضوع |
|
#1
13-09-2011, 01:37 AM
|
||||
|
||||
الرأي ....والرأي الأخر !!!
هو مجرد تجميع لردي في موضوع هي دي الثورة ولكن ......
نوع من وسائل الاقناع!!! القضية مش معناها ان انا عشان عندي وجهة نظر وعايز الناس تقتنع بيها لازم اقول للتاني انت كافر او مبتفهمش عشان اقف انا فوق جثته طبيعي جدا اختلاف الاراء في كل مواقف الحياة ولكم في رسول الله اسوة حسنة لما بعث للعرب بدين يخالف دينهم عمل اية يعني بيقول لواحد غير عقيدتك كان عمل كدة ازاي بالاقناع لان الاسلام لم يكن له وجود اصلا في ذلك الوقت الي ان دخل في الاسلام نفر غير قليل وبدات شوكة الاسلام تقوي ماذا حدث؟ كان يدعو صلي الله عليه وسلم ازاي؟ كان يبعث رسل ليعلمو الاخرين باحكام الاسلام ويدعوهم اولا بخطاب الي الاسلام فان رفضو تبع ذلك الحرب يعني سبحان الله ناخد من كدة 1- الاسلام ضعيف = الدعوة بالفكر وباستمالة الاراء 2- قوي الاسلام = أ)الدعوة بالكلام اولا = الخطاب ب) بالاقناع = الرسل ج)اذا استمر العند = القوة طيب لية الافراد بيتمسكو باراءهم ولية ابو طالب (عم الرسول صلي الله عليه وسلم والمدافع الاول عنه ) لما دعاه الرسول حتي في فراش الموت الي الدخول في الاسلام رفض؟ لسببين 1-لان ابو جهل قال يا ابا طالب اترغب عن ملة عبد المطلب؟ ؟ شوف استمالة القلوب حتي الكافر يملك من الوسائل للدعوة الي الضلال في ثوب الحق؟ 2- حرجه من اهله وقومه ماذا يقولون عنه انه غير دينه في اللحظة الاخيرة ! يبقي المخالفين الموجودين دلوقتي مخالفين لية 1- لمعتقدات داخلية ناتجه عن اعراف وعادات وتقاليد مجتمع رافض للتغيير ومتمسك بكل ما هو معتاد علية حتي ولو كان به بعض الخطا هيقولك واية امشكلة ؟؟ خطا اعرفه احسن من جديد او زي ما بيقولو فوضي (والله اعلم هيكون صح ولا غلط)وكمان معرفوش زي ما في واحد بيحب يركب عربيات ياباني والتاني يقولك لا يعلي علي الالماني 2-واحد احساسة بالانا جامد شوية وحاسس انه لازم عشان يكون له راي ومش ماشي مع الموجة انه يبقي مختلف 3- ضعف و(حرج اجتماعي ) انه يغير فكره !!! 4- مصالح شخصية انه كان في النظام القديم ينتفع من مصالح معينة اوالان خلاص بح يبقي الحل اية اولا في الدعوة الي مبدا 1- الهجوم المباشر للراي الاخر يكسب عداوة اكثر من خلخلة المعتقدات ! وبالتالي لاستمالته مرة اخري نحتاج لوقت اكبر الاول اشوف انا فين انا قوية ولا ضعيفة ولا قوية في مواضع وضعيفة في مواضع اخري2- الخلاف في الراي لا يفسد للود قضية بمعني ان زي ما انا توصلت للفكرة اللي في دماغي دي بناء علي اراء ومعلومات وكلام هو كمان زيي بس سمع اراء تانية من ناس هو يثق فيهم او يعطينا الاعلام فكرة عن انهم ناس لا غبار عليهم 3- اخلخل الراي الاخر بوسائل وبكلام ووساءل اعلامية كتيرة جدا توضح الحق والباطل من غير تسفيه او وضع الاخر في خانة المخطئ بالعكس كلنا في الاخر طالما لم نختلف في عقيدة احنا اخوة يبقي بالكلمة او بالرسل !!! الاعلامية المقروءة اي حاجه بقي 4- مرضيش وانا لسة برضة مش عارفة اوصل فكرتي ومش معناه ان احنا هنعمل غزوات لا طبعا ولكن في وسائل اخري للتعبير زي ما الثورة مثلا حصلت حصلت ازاي؟ يبقي الهجوم غير المباشر او بالتورية يفقد الطرف الاخر فرصة الاختلاف الصريح وابراز الاسلحة والمدافع !!!وكمان بيديلة فرصة اكبر انه يسمع! طيب ..... الثورة ماتت؟ طيب عظيم جدا والحل اية انعاش قلب رئوي للثورة او سكوت وصمت تام ايا ما كان الحل الحل هييجي ازاي؟ لازم يبقي في داخل نفس كل واحد حاجتين: 1-زعل علي حال المصريين وحال مصر والفساد 2-امل ورغبة وعزيمة قوية وخارقة ان احنا هنغير ومحدش يستقل بنفسه ولا بمن حولة ما هو رئيس الدولة دة كان اية هو شخص واحنا 80 مليون شخص! يبقي منخليش واحد يطغي علي اتنين لان انكسار العزيمة يؤدي الي الاحساس بالفشل وبالتالي السبات العميق قال تعالي إِن يَكُن مِّنكُمْ عِشْرُونَ صَابِرُونَ يَغْلِبُواْ مِئَتَيْنِ وَإِن يَكُن مِّنكُم مِّائَةٌ يَغْلِبُواْ أَلْفًا مِّنَ الَّذِينَ كَفَرُواْ بِأَنَّهُمْ قَوْمٌ لاَّ يَفْقَهُونَ * الآنَ خَفَّفَ اللَّهُ عَنكُمْ وَعَلِمَ أَنَّ فِيكُمْ ضَعْفًا فَإِن يَكُن مِّنكُم مِّائَةٌ صَابِرَةٌ يَغْلِبُواْ مِئَتَيْنِ وَإِن يَكُن مِّنكُمْ أَلْفٌ يَغْلِبُواْ أَلْفَيْنِ بِإِذْنِ اللَّهِ وَاللَّهُ مَعَ الصَّابِرِينَ يعني لازم وحتما يبقي داخل كل واحد ايمان قوي وعزيمة صادقة ويقييييييييييييييييين بان اللي خلقك قادر علي ان يخلق بلد نظيفة بس برضة لا ندعو للتواكل والدعة والاستسلام ( ان الله لا يغير ما بقوم حتي يغيرو ما بانفسهم ) يعني لا افراط ولا تفريط!!! ومع كل اللي بيحصل دة لازم يبقي في ثورة شخصية في كل فرد وفيمن حوله ونبقي عارفين ان دة اختبار وفتنة ولازم نثبت فيها ونكثر من الطاعة والتضرع والاستغفار والعمل الصالح قال تعالي أَمْ حَسِبْتُمْ أَن تَدْخُلُواْ الْجَنَّةَ وَلَمَّا يَأْتِكُم مَّثَلُ الَّذِينَ خَلَوْا مِن قَبْلِكُم مَّسَّتْهُمُ الْبَأْسَاء وَالضَّرَّاء وَزُلْزِلُواْ حَتَّى يَقُولَ الرَّسُولُ وَالَّذِينَ آمَنُواْ مَعَهُ مَتَى نَصْرُ اللَّهِ أَلا إِنَّ نَصْرَ اللَّهِ قَرِيبٌ قال تعالي أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لا يُفْتَنُونَ * وَلَقَدْ فَتَنَّا الَّذِينَ مِن قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ طيب سؤال دلوقتي بغض النظر عن اللي حصل في السفارة صح ولا غلط هو حصل لية؟ احنا بعد اللي حصل في سينا كل الشعب كان مترقب ومنتظر الرد ......... منتظر ...............لسة منتظر .............كمان منتظر لحد ما جت لحظة هدوا الجدار !!! الجدار الي الناس الظاهر كانت عارفة ان دة منطقي وكان هيحصل ما عدا الشعب ! وكمان اعتقد ان كل الوثائق اللي كانت في السفارة دي واللي اتحرقت ملهاش اي لازمة لان هم كانو عارفين ان دة هيحصل طبيعي بعد غضب الشعب وبرضة يعني احقاقا للحق لو كان الكبار رافضين اللي حصل في السفارة اكيد كانو عملو او خدو احتياطات قبل المظاهرات لان بعد ما نزلو علم اسرائيل متوقع ان يحصل حاجه من هذا القبيل من الاخر هد جدار السفارة دة تمثيلية برضة لامتصاص غضب الشعب اللي بيغلي واهو يهدو الجدار احسن (لهاية عن المساس باسرائيل) "وان كان حقيقة ناس كتيرة جدا ولو برضة حاسة بالفرح من الموضوع دة !!" ان مكانتش اسرائيل هي نفسها اللي اوحت للناس في مصر بكدة !!! بدليل ان لو كانت اسرائيل مش متوقعة حاجه زي دي او دي مشكلة كبيرة بالنسبة لها كانت بدل ما قالت لا كدة عيب وميصحش !!!اكيد كانت هتعمل حاجه!! اخيرا ......... ليس تكرار ولكن لايماني بالفكرة!!!
__________________
 بسم الله الرحمن الرحيم
وما كان ربك نسيا صدق الله العظيم 
|
|
#3
13-09-2011, 10:13 PM
|
|||
|
|||
|
رد: الرأي ....والرأي الأخر !!!
حلو اوي الموضوع ده لاننا ببساطه نطالب بالديمقراطيه ولا نطبقها على نفسنا ولا نحترم وجهة النظر المخالفه
وفيه ملحوظه بما اننا شعب متكلم بشده ويعمل بالراحه هذه الملحوظه اننا كتير جدا نختلف في الرأي لمجرد الاختلاف وموضوع السور بتاع السفارة مثال صارخ الجماعة بتوع المليونية قالوا ف الاول دي ارادة الشعب طلع الاسلاميين لمجرد انهم يختلفوا معاهم قالوا ده تهديد لمكانة مصر الدولية ردوا بتوع المليونية انتوا بتدافعوا عن اسرائيل وانتوا بتوع احنا اسفين يااسرائيل هوب ... الحرايق اشتغلت راح المليونجيه قايلين برئ يابيه ولا لينا دعوه احنا مجرشين من الساعه سته ومعانا فيديوهات بتؤكد ان فيه ملتحين وصفوت حجازي اللي طالب بهد السور يقوموالاسلاميين لمجرد الاختلاف يقولوا وماله ماهيا دي رغبة كل مصري الانتقام لدم الشهدا .......المجلس يتدخل ويهدد يقوم المليونجيه يقولوا دم الشهدا فين واللي اتعمل ده رد شعبي على اسرائيل طالما ان المجلس ماردش عليهم الشعب رد تناقضات غير طبيعية واختاف لمجرد الاختلاف المهم كنت عايز اتناقش معاكم في فرضيه جدليه لولبيه تخص نفس الموضوع اللي هوا الرأي والرأي الاخر نفرض مثلا مثلا يعني ان الشعب اختار التيار الاسلامي للحكم هيكون رد الفعل من المعارضين ايه والعكس بالعكس طيب عايزين نروح لما هو ابعد من كده شويه طيب لو فرضنا بلد ما من البلاد غالبية الشعب مدمني مخدرات المتوقع انهم ينتخبوا حاكم منهم مدمن زيهم علشان يراعي مصالحهم (والعكس بالعكس )ايضا بشرط نزاهة الاختيار وحياديته التامه يعني بدون لعب في الانتخابات وجت النتيجه كده ما هيا دي الديمقراطيه اختيار بالاقتراع على اساس تساوي الاصوات بين المصوتين بدون التصنيف على اي اساس فكري او علمي او ثقافي او ديني او عرقي او .. العكس بالعكس هنا قاسيه شويه لان معناها اذا اقيمت انتخابات ديموقراطيه نزيهه وجاءت نتيجتها تولي فاسد الحكم فشعب البلد غارق في الفساد حتي الركب تمام كده حلو الكلام ده يبقى الشعب لو اختار راجل من التيار الاسلامي شغال مافيش مشاكل راجل من التيار الليبرالي مافيش مانع بشرط نزاهة الاختيار ولا يحق لاحد ايا كان ان يسفه اختيار الشعب او ان يسخر منه او يعترض عليه طالما كان الاختيار حر ونزيه
|
|
#4
13-09-2011, 10:25 PM
|
||||
|
||||
|
رد: الرأي ....والرأي الأخر !!!
شكرااا علي القاله المحفزه يا دكتوره...
متابع الاراء ولو اني اتفق مع العضوdieseltrucker في اننا شعب كلامنا كتير جدااا....
__________________
وأتت ملائكة النعيم كما روت* روحي بطون أكفها خضراء* صعدت بروحك والعبير يحفها* والنور ترسم دربه الأنواء* شرقت حشاشات النحيب وأينعت* وشوى الأنين قلوبنا فتفطرت*خلف الجفون دموعنا الخرساء* أكبادنا فبكاؤنا إيماء*
|
|
#5
14-09-2011, 01:36 AM
|
||||
|
||||
رد: الرأي ....والرأي الأخر !!!
زي ما رحنا في استفتاء الدستور كان مثال للنظام والشعب اقتنع بالنتيجة يبقي برضة اكيد نفس الشئ الشعب كلة يتمني ان احنا نبقي مثال للتحضر والنظام واكيد دة لو حصل كلة هيبقي مقتنع لكن لو شك للحظة ان كان في اي تزوير وان كنت اشك ان يحصل كدة اكيد هيبقي الوضع مختلف
__________________
بسم الله الرحمن الرحيم
وما كان ربك نسيا صدق الله العظيم
|
|
|
|
