ساعدونى مشكلة فى الفتيس الأوتوماتيك مع الكيا سيفيا

[somaa259]

السلام عليكم و رحمة الله و بركاته
ارجو مساعدة كل من له خبرة فى الأوتوماتيك معايا سيفيا 99 اتوماتيك لسه شريها من شهرين.
فى اجازة العيد كنت مسافر بالعربية و انا راجع على طريق مصر اسكندرية الصحراوى قبل البوابة ب10 كم كنت ماشى على 120كم/ساعة فوجئت برائحة غريبة تصدر من السيارة هديت و ركنت و نزلت لقيت العجلة الشمال قدام نايمة غيرتها و جيت امشى بالعربية لقيت العربية ما بتجبش اكتر من التانى 40كم/ساعة و لوحاولت اقرص عليها الRPM يعلا قوى و السرعة مابتزيدش علما أن العربية اتخبطت من تحت فى مطب خبطة جامدة بس فضلت ماشية طبيعى بعد الخبطة اكتر من ساعة.
فضلت ماشى على كده لحد ما وصلت و ركنتها و اتصلت بناس كتير قالولى دى مشكلة فى الفتيس اتصلت بميكانيكى قالى يا فلتر الفتيس مسدود يا إما بلوف فى الفتيس و لازم نحطها على الكمبيوتر. انا كنت قرأت ان ممكن تكون حساسات السرعة أو TPS ارجوكم ساعدونى

[somaa259]

توضيح :
قبل ما الموضوع ده ما يحصل بفترة كانت العربية لما تيجى تنقل من الأول للتانى تنتش و ال RPM يزيد و تنقل على التالت مباشرة "كأنك نقلت من الأول للتالت فى المنوال"

[حسام البورسعيدى]

الخبطة دى ممكن تكون جت فى الكرتيره بتاعت الفتيس وطبقتها وبالتالى قفلت على فلتر الفتيس وطبعا بقى ضخ الزيت ضعيف ..

اتاكد من الموضوع ده قبل كل شئ ...