|
#1
27-08-2011, 07:13 AM
|
||||
|
||||
عربيه A516 موديل 2011 تقسيط (حلو كده ولا اصرف نظر)
السلام عليكم ورحمة الله وبركاته
اخوتي الكرام من ملاك السياره الجميله A516 انا عاوز ابني رأيي في العربيه دي بناءا على اراءكم وردودكم وارجوكم جاوبوني بأمانه لأني لسه جدييييييييد لنج في حوار العربيات ده اولا :أنا عندي 25 سنة والمهنة مهندس مدني (معيد بكلية هندسه) واستخدامي للعربية معتدل يعني انا لسه على قدي في السواقه او بصحيح العباره لسه بتعلم السواقه  ثانيا :استخدامي للعربيه تقريبا هيكون سفر يومي بمعدل 100 كيلو يوميا 50 كيلو من الشغل للبيت و50 كيلو من البيت للشغل والسفر الطويل يعني ممكن كل شهرين تلاته مره في معظم الأحيان العربيه هتبقى مليانة سواء بحد من العائلة أو مع أصحابي وخصوصا في السفريات ودي أكتر حاجة شدتني للاسبرانزا (وسع صالونها). المهم كلمت شركه اسمها (لوجيستك موتورز) علشان اشتري العربيه وده طبعا تقسيط فعرضهم كان كالآتي : المقدم 24000 جنيه وقسط شهري 1085 جنيه على 60 شهر للعربيه الكامله (F/O) والمطلوب مني صورة البطاقه فقط بس في حظر بيع على الرخصه وكمان تأمين اجباري على العربيه وفيه اللي هي هاف اوبشن (LS) دي المقدم 18000 جنيه والقسط 1050 جنيه على 60 شهر وبرضو حظر وتأمين اجباري فأرجوكم انتوا ايه رأيكوا في العرض ده ؟؟ وخاصة الــ(LS) لان دي امكانياتي ارجوا الرد بسرعه لأن لو العرض كويس ممكن اروح استلم يوم السبت الجاي ان شاء الله ملحوظه : مش انا اللي هستلمها واحد صاحبي وهيعلمني عليها طبعا لاني زي ماقلت غلبااااااااان في السواقه
|
|
#2
27-08-2011, 10:58 AM
|
|||
|
|||
رد: عربيه A516 موديل 2011 تقسيط (حلو كده ولا اصرف نظر)
بص يا بشمهندس انا معايا العربية ديه,العربيه ديه جميلة جدا فى السفر و مريحة على الطرق المسفلتة كويس من الأخر انا برده استخدامى ليها فى السفر مرتين فى الشهر مصر اسكندرية,جميلة على السرعات العالية بس فى الكرق المدغدغة و المطبات بتبقى غلسه لأن عفشتها ناشفه اوى.وبعدين ابعاد العربية كبيرة حتتعبك مدام انت اول مرة حتسوق يعنى من الأخر حتتبهدل منك.فخليك فى حاجة استعمال نضيف و تكون حجمها اصغر حبتين عشان التخبيط و الذى منه
|
|
#3
27-08-2011, 11:07 AM
|
||||
|
||||
|
رد: عربيه A516 موديل 2011 تقسيط (حلو كده ولا اصرف نظر)
انا بشجعك جدا للزيروا مريح جدا و اعتقد ان المعرض عرضة مناسب على الرغم انه طالب صورة البطاقة بس ومن راى مادمت انت معيد فى جامعة يبقى ممكن حد يضمنك لو متاح وتجيبها تبع بنك ناصرنسبته قليلة ومش هيكون هناك تامين اجبارى الى ساعت الجد لا بيودى ولا بيجيب . وربنا يوفقك ان شاء الله
__________________
 geologist the best 
|
|
#4
27-08-2011, 10:29 PM
|
||||
|
||||
رد: عربيه A516 موديل 2011 تقسيط (حلو كده ولا اصرف نظر)
 وبعدين ياصديقي وضحلي اكتر دا انا غلبااااان يعني ايه الابعاد الكبيره هتتعبني  وشكرا على مرورك على موضوعي ورديت عليا وحياة ربنا انت فيك الخير 
|
|
#5
27-08-2011, 10:33 PM
|
||||
|
||||
رد: عربيه A516 موديل 2011 تقسيط (حلو كده ولا اصرف نظر)
 انا كده اتلخبت  انت شايف ايه ياصاحبي؟؟طيب ممكن تقولي ايه خطوات ومتطلبات بنك ناصر يعني هدفع مقدم كام والقسط على كام سنه ولازم احط وديعه زي ماسمعت في البنك ولا لأ وايه مواصفات الضامن ؟؟؟؟ وميرسي جدا على الاطاله في استفساري وشكرا على مرورك 
|
 |
|
|
