تزييق العربيه سببه؟

[بسام عادل]

يا جماعة ارجو الرد على المشكلة دى انا عندى دايو لانوس 1996 كان عندى المساعدين الاماميين بيعملوا دبدبه فقلت اغيرهم ناس نصحتنى انى اشترى الاستيراد كاملين بالتيل والطنابير والركب هايكون افضل وفعلا عملت كده المهم بعد ما ركبتهم بالظبط يومين ولقيت العربية اسوأ من الاول فرجعت تانى لتاجر قطع الغيار لانه كان قايلى ان لو فيهم حاجة بتوعى فجرب العربيه قالى لا ده مش عيب مساعد دى اكيد المقصات فانا هاقولكم حاله العربية بالظبط لانى بصراحة مش عارف اصدقة ولا ايه العربية فيها صوت لا مؤاخذة يعنى سمعتم صوت سرير بايظ لما تيجى تنام عليه بيعمل ايه اهو العربيه بتعمل كده بالظبط تزييق عالى جدا لدرجة يوتر انا بصراحة بقيت بكرة العربيه وعلى فكرة هو بعتنى لميكانيكى تبعة قالى لا دى المقصات هى اللى تعمل الصوت ده فانا طبعا ما صدقتوش فسؤالى ليكم لاهل الخبره هل الصوت ده من المساعد ولو من المساعد اطلب من تغيير المساعدين بس ولا يشيل الجنبين اللى انا اشتريتهم منه ارجو الرد وافادتى وانا هاستنى ردكم عشان لما اروحلة واكلمه يحس انى فاهم

[mar mar]

انا اعتقد ان التزيق ده من المقصات
لان عربيتي بتزيق برضوا والميكانيكي بتاعي قالي انها المقصات
وانشاء الله الاعضاء يفيدوك اكتر مني في الموضوع ده
شكرا ليك

[بسام عادل]

اشكر الاستاذ mar mar جدا على الاهتمام والرد لكن يا
جماعة فين باقى الردود

[tarbook]

هوه المقص لو فيه حاجه بيعمل غربه فى العجل وتحس بيها فى الدركسيون على سرعه معقوله 90 مثلا او هوه واخد خبطه ومعووج او الجلب تعبانه لكن فى حاجه كويسه ممكن تفيدك تروح بنزينه ترفع السياره وتغسل السياره كلها من تحت بزيت على سولار هما عرفينه فى البنزينه لان الزيت على سولار بيلين السوست والمقصات السكاتره والعفشه كلها وجرب ومش هتكلفك كتير اوى

[mar mar]

هجرب الحل ده