|
#1
17-08-2011, 12:01 AM
|
|||
|
|||
السواقه بقت حاجه تخنق
فيه حد شايفنا هنا يابنات
 اصل بصراحه عايزه افضفض علشان مخنوقه وهفرقع من اللى بشوفه على الطريق  من اول ما بخرج من البيت لحد ما بروح وكميه معاكسات ملهااااااااااااااااش اول من اخر اللى يعاكس واللى يبقى معدى من جمبى طالع كله من الشباك وداخل جوه الصالون  واللى يعدى ويبصلى بقرف كانه عايز يحدفنى باى حاجه فى وشه وف مره ماشيه فى طريقى عادى وفيه بنزينه وقدامها يوتيرن للطريق الموازى المهم عربيه نص نقل طالعه من البنزينه وداخل اليوتيرن وانا ادى كلاكس واقلب نور وده واخد فى وشه وانا مش هلحق االم نفسى انا ماشيه بسرعتى المهم سبحان الله فرملت قدامه بالظبط فبيقولى حد يمشى كده ؟؟؟؟  فبقوله انت اللى حد يقطع الطريق كده ده طريق سريع هو انت ف وسط البلد ماشى براحتك المهم قعد يزعقلى وانا معرفتش ارد واقنعه ان هو اللى غلطان لقيت عربيه جمبى راح نازله وقاله انت غلطان وبتقاوح فى ايه هى مغلطتش ولسه هيشد معاه المهم لقيته اتكتم ومشى قلت ياريتنى كنت ولد ومره نقل كسرت عليا وكانت هتشيلى الجمب الشمال كله وبكلمه بيقولى مانا يخبطك ياخبط اللى قدامى  يعنى انا بنت هتخبط وتجرى ولو ولد مش هيسيلك الا لما ياخد حقه بجد انا كرهت السواقه اوى اوى اوى مع انى حباها ومريحانى جداا لان فى شغلى بعمل 5000 كيلو فى 3 شهور بجد هى ايدى ورجلى بس اعصابى باظت وبقيت بتنرفز من اقل حاجه تحصل مش عارفه هو احنا مش بشر برضه وبنشتغل ومحتاجين نرتاح ؟؟ يعنى بتبهدل فى المواصلات ونجرى ورا الاتوبيسات ونتزلل للتاكسيات احسن ولا نركب عربيتنا بكرامتنا ونشوف شغلنا والله فى الاخر بقيت بقول اللى مش عاجبه يخبط دماغه فى الحيطه بمشى براحه محدش يمشى ورايا وخلاص بطلع الكرسى لقدام عن الولاد براحتى انا قصيره وعايزه اشوف الطريق كويس محدش ليه عندى حاجه ايه اللك ده كله  يلا بقى ادينى طلعت الكلمتين الى جوايا التعديل الأخير تم بواسطة poussi ; 17-08-2011 الساعة 12:51 AM 
|
|
#2
17-08-2011, 01:40 AM
|
|||
|
|||
رد: السواقه بقت حاجه تخنق
hhhhhhhhhhhhhhhh gamda awi el fadfada de betfakareny be okhty kol yomen tetsel beya wo tgebny 3ala mala weshy men el shoghl 3ashan 7ad 5abatlaha el 3arabya bas dayman heya ely betkon ghaltana wo medamara 3arabyat el nas wo bet3ayat :D rabena yekon fe 3oon el banat begad kefaya sawa2een el taxi wel microbus
|
|
#4
17-08-2011, 02:39 AM
|
||||
|
||||
|
رد: السواقه بقت حاجه تخنق
ما انا اقولك ايه مش لاقى غير
عشان انت مصرى لازم تعانى ..... ربنا يهدى الجميع دول بقى بسميهم بلطجية الطريق تعرفى موقف فظيع خالص حيوان ومش هقول سورى لانه افظع من الحيوان بيغسل عربيته فى الحارة اليمين على طريق المحلة طنطا وايه جايب دبش من بتاع التل توار وراصه حوالين العربية واخد لحد الخط الابيض اللى فى وسط الطريق وطبعا قدامنا نقل ماشى فى الشمال كلاسكات انه يعدينا مفيش فصاحبنا اللى سايق خد يمين لقى الحيوان ده فخد شمال تانى بسرعه انا حسيت ان العتب بيحك فى الاسفلت بس الحمد لله ربنا سترها وعدت ... تخيلى بقى ان الحيوان ده بيزعقلنا ...... بصراحة اى حد بيعمل اى حاجة من اللى حضرتك قلتى عليها يبقى مش متربى وقليل الادب .... مرة وانا بتعلم كنت بالليل والطريق فاضى خالص فقلت لما اوسطن العربية على الخط الابيض زى مابشوف الناس بتعمل انا اللى بيعلمنى كلنى قلم قالى تمسك حارة متبلطجش على الطريق وبالمناسبة كان سواق نقل 
__________________
|
|
#5
17-08-2011, 02:41 AM
|
||||
|
||||
رد: السواقه بقت حاجه تخنق
ما تزعليش ولا تستغربي دى طبيعية فينا احنا  واكيد انتوا برضوا بتحبوا تشدوا معانا علشان تثبتوا انكم بتعرفوا تسوقوا مع انكم عمركم ما هتسوقوا زى الرجالة :D
|
 |
|
|
