اسعار كبالن ومساعدين النترا الشكل القديم 2005 اوتوماتك

[muslim_nsb]

عندي العربيه لما بكون طالع ولافف الدركسون يمن او شمال بسمع زي خبط وطقه كده رحت للميكانيكي طلع بالعربيه وجربها و قالي انه ده كوبلن يمين عاوز يتغير
1- ياريت لو حد يعرف علامات تغيير الكوبلن وكيفية الكشف عليه يقول
2- وكمان عاوز اعرف افضل انواع كوبلن للعربيه واسعارها والافضل اغيرهم في التوكيل ولا عادي بره مع العلم ان العربيه عامله 100000 كيلو ( مائة الف كيلو ) وعامله صيانه في التوكيل لحد 95000 كيلو
3- عاوز اعرف ازاي اكشف على المساعدين وياريت اعرف افضل الانواع للانترا 2005 واسعارهم لاني لو لقيت مشكله فيهم اغيرهم بالمره
لاني بصراحه بحب العربيه دي جدا وانا مشتريها من 3 شهور وكانت عامله 95000 ومش عاوز افرط فيها
ورمضان كريم وكل عام وانتم بخير ،،،

[hanzz]

هو فيه كبالن يمين وشمال ؟؟؟؟ مش واحد ولا ايه ؟؟ بيبقى واصل بالعجلتين الاماميتين وانت بتقول الطقه يمين وشمال اما المساعدين هتحس برزعه عند المطابات وممكن طقه احيانا فى احد المساعدين ام عن الاسعار مش عارف بصراحه

[muslim_nsb]

المشاركة الأصلية كتبت بواسطة hanzz هو فيه كبالن يمين وشمال ؟؟؟؟ مش واحد ولا ايه ؟؟ بيبقى واصل بالعجلتين الاماميتين وانت بتقول الطقه يمين وشمال اما المساعدين هتحس برزعه عند المطابات وممكن طقه احيانا فى احد المساعدين ام عن الاسعار مش عارف بصراحه

انا بصراحه معرفش موضوع يمين وشمال واول مره اعرف من حضرتك انه هو كوبلن واحد جزاك الله خير
بالنسبة للمساعدين لما اكون مهدي وباخذ مطب بشعر العربيه كويسه جدا وكأنها بتتمرجح بيا ولاكن لما اخد مطب على سرعه بحس بهبد ورزع في العربيه او ناحية العجله الى عدت على الحفره او المطب

[aymangalal]

المشاركة الأصلية كتبت بواسطة muslim_nsb انا بصراحه معرفش موضوع يمين وشمال واول مره اعرف من حضرتك انه هو كوبلن واحد جزاك الله خير بالنسبة للمساعدين لما اكون مهدي وباخذ مطب بشعر العربيه كويسه جدا وكأنها بتتمرجح بيا ولاكن لما اخد مطب على سرعه بحس بهبد ورزع في العربيه او ناحية العجله الى عدت على الحفره او المطب

كل عربية فيها عدد 2 كوبلن واحد يمين وواحد شمال وتلف احدهما يؤدى الى سماع صوت الطقطقة ( طقطقطقطقطقطق) اثناء لف الدركسيون فى احد الاتجاهات سواء يمين او شمال ولو الصوت مسموع بوضوح من ناحية معينة يبقى الكوبلن اللى فى الناحية اللى طالع منها الصوت بوضوح
بالنسبة للمساعدين درجة التلف بتتفاوت من تالف تماما الى بداية التلف ( ممكن تمشى بيه شويه لغاية ما يلزم تغيره) ومن ابرز علامات تلف المساعدين صوت الرزع المعتاد عند النزول من المطب بصرعة عالية او الوقوع فى حفرة بسرعة عاليه لكن مش هاتحس بأى رزع او خبط طالما السرعة بطيئة يعنى مش بتكتشف الا لو عديت على مطب او حفرة بسرعة عاليه تؤدى الى انضغاط المساعد اكثر من اللازم وطبعا بما انه تالف مش هايمتص الصدمة وهايخبط فى بعضه
عن الاسعار اسف مش هاقدر افيدك لانى مش عارف غير اسعار ستروين AX

[حماده المصري]

راس الكوبلن الخارجي بيبقى ب 250 جنيه للاتنين تقريبا صيني او كوري

وفي ايطالي وفي ياباني بيبقوا في حدود 500 جنيه طبعا قابل للزياده او النقص

انما الكوبلن الكامل الي هو داخلي وخارجي والاكس اللي في النص مش هتلاقي جديد هتلاقي استيراد

والكوبلن الكامل يمين وشمال استيراد يعمل من 250 ل 500 حسب المكان والحاله

المساعدين طبعا هيونداي مش بتصنع مساعدين في شركه اسمها ماندو بتصنع المساعدين لهيونداي

الماندو الكوري العادي ب من 380 ل 420 الجوز برضو حسب المكان

الاصلي في منه اتنين

hyundai mobis هتلاقي عليه محفور ماندو والعلامه المائيه مكتوب عليها موبيس 600 ل 650

hyundai genuine parts طبعا الاصلي بتاع غبور ب 750 الجوز ولو في التوكيل هتلاقي الواحد 750 بس طبعا التجار في المحلات خصومات عاليه عشان كده رخيص

هيونداي عموما ليها نوعين من قطع الغيار الاصلي هيونداي جينين بارتز وهيونداي موبيس

موبيس دي شركه واخده توكيل من هيونداي لصناعه قطع الغيار وهي برضو اصلي وارخص بكتير من ال جينين بارتز