الحقوني لمبه الزيت بتقيد وغيرت طرمبه زيت وساعه زيت ولسه بتقيد

[secacor]

مش عارف اعمل ايه تاني
انا عربيتي
128
لمبه الزيت, كانت بتقيد عند سرعه 100 وجت من اسبوع بتقيد عند 70 وبتقيد علي كل الغيارات ولو سبتها قايده 10 ثواني اسمع صوت في المتور زي صوت واحد بيسحب نفس زي سسسسسسسسسسسسسس
رحت للميكانيكي قالي عايزه ترمبه زيت, جبت واحده ايطالي وركبتها وتمام وانا مروح لقيت اللمبه بتقيد برضوا ومبقدرش اعدي 60 لان اللمبه بتقيد رجعتلو قاللي غير ساعه الزيت غيرتها عند الكهربائي وبرضو بتقيد
اعمل ايه تاني
مع العلم انا كنت مغير الترس لما كانت بتقيد عند 100

[secacor]

الحمد لله تم الحل ومعدتش بتقيد

[tham1010]

عملت ايه والمشكلة كانت فى ايه

[secacor]

المشكله كانت لمبه الزيت بتقيد عند سرعه 100 ده اول ماشتريت العربيه
رحت للميكانيكي غيرلي ترس وبرضو فضل الحال كما هو عليه
ومن اسبوعين لقيت اللمبه بتقيد علي 40 علي الغيار التاني وعلي الرابع مبتعديش 65
روحت للميكانيكي قالي غير طرمبه الزيت ونصحني بالايطالي او الالماني وجبت الماني ب140 جنيه وجوان كارتيره ب 10
وركبها وتمام تمام ركبت الربيه لقيت اللمبه بتقيد رجعتلو قالي غير ساعه الزيت غيرتها وبرضو بتقيد
اني يوم روحتلو وطول الطريق بتقيد ووصلت عندو وقلتلو غيرت الساعه ولسه بتقيد

قالي طب نجربها
وهنا حصلت المفاجاه

ركب العربيه ومشينا وصل الاربعين ومقدتش وصل 80 علي الرابع ومش راضيه تقيد
وانا قاعد جمبو مكسوف قولتلو والله هيا كانت بتقيد
قالي هيا كان لسا فيها هواءوهي كده بقت مظبوطه
ورجعنا علي الورشه ونفضلي الفلتروظبطلي الهواء وخدت العربيه ومشيت
حسيت اني مش راكب عربيتي الفيات 128 انا راكب عربيه تانيه خالص اول مره احس الاحساس ده مع ان عندي العربيه من سنه مشفتهاش بتجري كده والطلعه والفرك اوعي وشك
الحمد لله دلوقتي بتجيب 80 ل 90 علي التالت ولسه مجربتهاش علي السريع
الاول كان اخرها 100 واللمبه تقيد فمكنتش اقدر اقرص عليها ربنا يسهل واجربها علي السريع وهقول جابت كام

[احمد على 1999]

الحمد لله ربنا يباركلك فيها