سخونة الفليشا مع التكييف فقط عايز حلول يا جماعة ساعدوني

[mazenossama]

السلام عليكم ورحمة الله وبركاته
رمضان كريم علي كل اعضاء المنتدي الكرام
انا بعاني من مشكله عملالي جنان وهي ان العربية بتاعتي فليشيا 97 عمرها ما بتسخن او تعدي ال90 يعني دايما في النص بين 70 و 90 ولكن اول ما بشغل التكييف العربية بتسخن بشكل غريب وتوصل لي 105 مثلا وطبعا بقفل الكييف في عز الحر والزحمة ودي مشكلة مجنناني علما بي ان التكييف اصلي
يا تري ايه سبب السخونة واعالجها ازاي علما بأن دورة التبريد عندي حالتها كويسة جدا يعني
1- الردياتير الومنيوم صيني شبة الاصلي مركة فيكا عمرة 3 سنين
2-الترموستات 128 82/68
3-المروحة الاصلية 6 ريشة بصديري شغالة سرعة عالية علي طول مع الترموستات
4-مروحة 12 بوصة ساندن يباني علي السربنتينة في الاتجاه المعاكس وتعمل مع مروحة الردياتير في حالة تشغيل التكيف فقط وهي سرعة واحدة وبتكون مروحة الردياتير شغالة علي السرعة المنخفضة وبتعلي علي السرعة العالية مع الترموستات
5- ماية خضر + مانع صدا ومفعولهم جميل جدا وظاهر بدون تكييف
6-وش سليندر سليم ومفيش طحينة ولا ماية علي غطا الزيت و طبعا مفيش سخونة بدون تكيييف في الزحمة او الجري

ياتري ايه سبب السخونة من 80الي 105 مع التكيييف ده سببة ايه؟
وهل في مشكلة في الكومبريسور تعمل كده؟
وايه الحلول الي ممكن اعملها عشان اظبط موضوع الحرارة ده ؟
ياريت تفيدوني افادكم الله

[tifa_1979]

اعتقد ان عندك مروحة التكيف مش شغال المروحة ديه الموجوده خلف الرداتير

[ahmed nawawe]

اعتقد كده يبقي في مشكله في الكومبرسر التكييف بس دي ممكن تلاحظها علي طول لو لاقيت في تغيير في صوت الموتور او عدد اللفات بشكل كبير لما تشغل التكييف معناه ان الكمبروسر بيسبب حمل عالي علي الموتور وبيظهر في شكل الحراره اللزياده في وقت قصير جرب كده وتابع الحكايه دي وان شاء الله تكون حلها بسيط

[mazenossama]

المشاركة الأصلية كتبت بواسطة tifa_1979 اعتقد ان عندك مروحة التكيف مش شغال المروحة ديه الموجوده خلف الرداتير

اصلا الفليشيا بتنزل مروحة واحدة سرعتين بس انا حاطت مروحة علي السربنتينة وشغاله تمام والسربتينة بتبقي باردة

[mazenossama]

المشاركة الأصلية كتبت بواسطة ahmed nawawe اعتقد كده يبقي في مشكله في الكومبرسر التكييف بس دي ممكن تلاحظها علي طول لو لاقيت في تغيير في صوت الموتور او عدد اللفات بشكل كبير لما تشغل التكييف معناه ان الكمبروسر بيسبب حمل عالي علي الموتور وبيظهر في شكل الحراره اللزياده في وقت قصير جرب كده وتابع الحكايه دي وان شاء الله تكون حلها بسيط

والله مش عارف بس المتور مبيعلاش اوي يعني بيبقي فوق 1 بشرطة