صوت "تك" فى الفتيس
يا جماعة الماتركس 2001 بتاعتى فيها حاجة غريبة. اولا كل النقلات مش فيها مشكلة والفتيس المانيول ماشى كويش وناعم. المشكلة عندى فى الرجوع للخلف. لما بأجيب الفتيس للرجوع للخلف بأسمع صوت مسموع : " تك" الصوت مسموع خارج العربية لكن الصوت بيكون غير مسموع جيدا فى الداخل الصالون. الصوت ذى ما يكون جاى من أسفل العربية من تحت.
على فكرة النقل للخلف بيعلق شوية يعنى لما أجيب العصايا للخلف مش بتعشق على طول فى بعض الأحيان وطبعا لو جيت أشيل رجلى من الدبرياج بأسمع صوت الأزيز " ززززززززز" وطبعا رعشة خفيفة فى الفتيس بسبب عدم التعشيق. الفتيس تحس أنه بيعلق فى النص المشوار يعنى مش بيدخل للاخر. وعلى فكرة الحكاية دى مش متكررة يعنى كل 5 نقلات واحدة تعلق بس. أما صوت " تك" فى التعشيق للخلف فهو مستمر مع كل تعشيقة.....
ممكن حد يقول لى أه السبب فى الصوت " تك" أنا عارف ان العضة فى الفتيس أو عدم التعشيق الفورى من عيوب فتيس الهيونداى وأشتكى منه الكثير فى عدد من السيارات.......
شاكر لكل من شارك..
|