ياربى ع الحيرة... ساعدونى يابنوتات

[سيدة القصر]

مساء الخير يابنوتات... دلوقتى انا بقالى 15 يوم او اكتر محتارة جدا.. لانى بجيب عربيه جديدة وكل لما استقر يطلعلى عفريت يخنفسلى تفكيرى ويطيرلى العربيه
معلش استحملونى
دلوقتى دى اول عربيه ليا.. وقلت اجبها للجامعه بدل البهدله وبنفس الوقت لسفرى الكتير سواء للشغل او للمصايف
المهم.. زمان اوى كان نفسى اجيب بيجو عربيه شيك وبنوتاتى كدا
ولما فكرت اجيبها دلوقتى كله يقولى قطع غيارها نار ومش متوفرة وكلام كدا قلقنى..
رحت اشوف الاربى لقيتها غاليه وفاضيه؟؟!! على سعرها دا بس لفت نظرى الالنترا الجديدة طيرت عقلى شيييييييييك اوى من جوا ومن برا تسحر بس طبعا غبور رافع اسعارها بشكل مستفز اوى.. فقلت اجيبها خليجي وهتفرق معايا بتاع 6 او 7 الاف وحتى الخليجى افضل..
رحت اجيبها افوجأ ان مفيش بمصر كلها فى الخليجى النترا غير اللون الابيض
طبعا انا فيها عامله زى الطفله:08da300846c84943ae 1 العربيه واسعه بشكل وانا مش باينه منها
غالمستورد قالى انتظرى على شهر 8 الالوان هتيجى قلت اوكى
وامبارح كنت رايحة لخالتى واعطتنى مفتاح عربيتها اجبلها حاجة يعنى وهى عندها النترا2010
اولا العربيه واسعه وحلوة بس لقيتها واطيه وبتحك شويه فى المطبات الغبيه..!! دى كانت صدمة بالنسبه ليا قلت ياترى النترا 2012 هتبقى كدا بردو ولا ايه..؟
المهم ان دلوقتى انا فى حيرة اجبها ولا لا
وياترى تنصحونى بايه عربيه تكون شيك وانسيابيه وبنوتاتى اللى يشوفها يقع فى حبها وكدا وبنفس الوقت تكون امكانيات من جوا
المبلغ اللى هدفعه اتمنى لا يتعدى 130 الف ولو تعدى يبقى اخره 135
يلا خبراتكم يابنااااااااااااااااااااا ااااااااااااات ساعدونى عايزة اروح اصيف بعربيتى الجديدة

[Viva4ever]

بصراحة انا مش من محبى الهيونداى وخصوصة انها من غبور .

بالمبلغ ده ممكن تشترى سيات ابيزا او اصبرى شوية وتجيبى اوكتافيا فانتزيا واليدفع 135 الف

يستنى لغاية ميكملهم 150 الف وتشترى الفانتزيا

[احمد على 1999]

النترا الجديدة رائعة

[د.هبه77]

السلام عليكم ورحمة الله وبركاته
نورتي المنتدي سيدة القصر
بالنسبة لموضوع اختيارالعربية بصي هو في الاول والاخر العربيات كتير المهم الراحة النفسية
وفي حاجات كتير بتحدد الموضوع دة
مثلا انتي بتحبي اهم حاجه ف العربية اية
الشكل ؟ الاعتمادية وقطع الغيار؟ سعر اعادة البيع؟ وانتي ناوية تجيبيها بحيث انها تكون عربية العمر تقعد معاكي فترة كبيرة من محبي التغيير ؟ وحاجه مهمة طبعا التوكيل وطبعا توكيل غبور No comment

عموما انا حاسة من كلامك انك ميالة للالنترا شوفي نفسك انتي علي شهر 8 ممكن تحبي تجيبيها لون تاني مثلا ولا اية وفي الفترة دي شوفي عربيات كتير واقري مقارنات واسمعي اراء ولو في امكانية لانك تقارني عملي او تسوقيها هيكون افضل ولكن اخيرا الحاجه اللي انتي حاباها هاتيها
عموما الانترا الجديدة حلوة
والجميلة كمان صني سوبر صالون بس مشكلتها الشكل وان كانو بيقولو ان 2012 ممكن هتنزل الشكل الجديد بس هي اعتمادية وناعمة وان كانت بتاكل بنزين (مش جامدة اوي يعني ) لكنها مريحة ومكلبشة في الارض, دركسيونها تقيل شوية لكن دة عملية نسبية
وقبل اي شئ يحكمك الاستخارة برضة وربنا يوفقك للاحسن والاريح وادخلي قسم المقارنات هيفيدك كتير

[سيدة القصر]

معرفش ليه مبرتحش لاوكتافيا دى على الرغم من انها عربيه متينه
بس هى راحة نفسيه
ثم رمضان داخل والجو نار وبصراحة انا مستعجله