العربية سخنت

[mohamed zaky mohamed]

السلام عليكم و رحمة الله و بركاته
كنت رايح من الغردقة لاسوان بالعربية و معاية اولادي و كنت ماشي 120 - 130 و مشغل التكييف ة قبل اسوان ب 100 كم كان الجو حر جدا فجاه التكييف اشتغل مروحه بس و حسيت بالحر و بصيت على عداد الحراره لاقيته وصل للاخر و لمبه الحرارة نورت رحت مبطل العربية على طول و ركنت و فنحت الكبوت كانت القربه بتاعة الميه بتغلي . فتحت الكونتكت سنه العداد رفع فصلت المروحة اشتغلت لحد ما فصلت فضلت اعمل كده لحد المعدل بتاع الحراره اما بقى طبيعي طلعت بالعربية و مشغلتش التكييف و بعد 30 كيلو العداد ابتدا يرفع . عملت زي المره الاولى لحد ما بردت رحت طلعت بالعربية و قبل اسوان ب25 كيلو شغلت التكييف تاني كل الامور رجعت عاديه و العربية مسخنتش و انا مش بتحرك بيها كتير في اسوان
ارجوكم انا خايف اوديها لحد هنا هيه موديل 2009 و عامله 62000 كيلو .. اللي عنده معلومه دقيقة و متربكش تفكيري ينصحني بيها

[cmatcho]

المروحه كانت شغاله طبيعي وقت امبير الحراره ما رفع ولا مش شغاله

[mohamed zaky mohamed]

انا كنت بطلت العربيه مخدتش بالي ان كانت شغاله و لا لأ . بس هو تفسير منطقي لكن ليه تفصل و ترجع تشتغل ؟

[cmatcho]

المشاركة الأصلية كتبت بواسطة mohamed zaky mohamed انا كنت بطلت العربيه مخدتش بالي ان كانت شغاله و لا لأ . بس هو تفسير منطقي لكن ليه تفصل و ترجع تشتغل ؟

احتمال ان المراوح تكون فصلت ودا شيء ممكن الحدوث يعني علقت بالبلدي
الاحتمال التاني
ان المراوح من شده حراره الجو وحمل التكيف ما قدرتش تعمل التبريد المطلوب للعربيه
ولما بطلت ودورت العربيه تاني والمراوح اشتغلت طبيعي العربيه رجعت زي الاول

[mohamed zaky mohamed]

المشاركة الأصلية كتبت بواسطة cmatcho احتمال ان المراوح تكون فصلت ودا شيء ممكن الحدوث يعني علقت بالبلدي الاحتمال التاني ان المراوح من شده حراره الجو وحمل التكيف ما قدرتش تعمل التبريد المطلوب للعربيه ولما بطلت ودورت العربيه تاني والمراوح اشتغلت طبيعي العربيه رجعت زي الاول

اكتشفت ان المشكله في ترموستات الموتور شلتها خالص حاليا و العربيه زي الفل الحمد لله