|
#1
13-07-2011, 09:40 AM
|
|||
|
|||
طريقتى فى اختبار المحرك
السلم عليكم
انشاء الله انا ناوى اعمل تجربه فى عربيتى وهى كلنا عارفين ازاى نعمل اختبار لضغط المحرك وهو زى الى فى الكليب ده ده بيعتمد على جهاز مقياس للضغط وهو زى بتاع مقياس ضغط الكوتش ولكن الاختلف بينهم مقياس ظغط الكاوتش لما تشيله من الكاوتش بيرجع للصفر مقياس ظغط المحرك يقف عند اعلى قيمه وصل لها ويتم تصفيره (ارجاعه للصفر ) عن طريف الضغط على زر جانبى الهدف من اختبار الضغط ده (هو موجود فى بعض محطات البنزين ) اختبار اقصى ضغط ومقارنته بالاسطوانات الاربعه ولكن -ممكن منعرفشى اعلى ظغط لازم يكون كام بالنسبه لكل عربيه ( لو فى احد عنده معلومه ازاى بنحسبه وهل له علاقه بنسبه الانضغاط الى بنحسب عليها نوع البنزين ) لو فى تنفيس هيكون من الشنابر او جلد الصباب مش هنعرف انه فيهم انا فكرت فى فكره انى اضغط كل اسطوانه لوحدها واعرف فى تنفيس ولا لا ( نفس فكره اختبار دائره التبريد بالنسبه لتكييف العربيه او الثلاجات والتكييف ) انا لسه معملتهاش بس حضرت الحاجه الادوات 1- مقياس ظغط بتاع شحن التكييف + الخراطيم 2-بوجيه قديم وفرغته ولحمت فيه بلف شحن بتاع الثلاجه ليركب فى خرطوم العداد 3- منفاخ العربيه الخطوات 1- فك اول بوجيه 2- اربط البوجيه الى ملحوم فيه وصله الشحن الى احنا عملناه مكان البوجه المفكوك 3-وصل منفاخ العربيه مع الطرف الثانى مع عداد الشحن 4- فك غطاء المحرك الى فوق التاكيهات 5-ارفع عجله واحده وعشق العربيه 6-لف العجله بحيث يكون الصمامين مقفولين ( البنزين والعادم ) 7- شغل كمبروسر الهواء وشوف الضغط بيرتفع فى العداد ولا لا 8- لو وصل الظغط الى 50 مثلا اقفل محبس العداد و اغلق الضاغط الملاحظات والنتائج اكيد الضغط هينزل بالتدريج ا-لو الشنبر مش حاكم الهواء هينزل من اسفل ومن الصعب الحكم على انه مش حاكم فى تلك المرحله هنعمل خطوه بعد كده بعد المرحله الى جايه ب- لو فى تنفيس من جلود الصباب هنلاقى فى فقاعات هواء خارجه من عند التاكيهات لان هيكون فيها زيت ( مش عارف رايكم ايه فى النقطه ديه ) ج- لو مفيش تنفيس من جلد الصباب ولقينا ان الضغط بينزل بسرعه يبقى فى تنفيس من الشمبر نفط البوجيه الى احنا عملنه ونحط زيت تقيل ( يفضل ) اوزيت عادى ونضغط تانى ونشوف الضغط بينزل فى نفس الزمن ولا لا د- لو الضغط بينزل ببطء يبقى مافيش مشكله انشاء الله ه- نكرر الموضوع ده مع كل اسطوانه مره بدون زيت ومره بزيت ملحوظه يجب ان يكون الضغط ثابت فى كل مره نضغط الاسطوانات وليكن 50 لكى نسجل الزمن الذى يحتاجه البستم لتفريغ الهواء ذاتيا ومقارنتها مع الاربع اسطوانات . انا ان شاء الله هعمل التجربه ديه ليه انا عندى نفخ فى المكنه مش عارف سببه مفيش زيت بينفص ولا دخنه والاداء تمام فانا شاكك فى جلد الصباب ولو رحت عملت اختبار للمحرك مش هيفدنى الا بكفائه المحرك فقط ومش هيعرف جلد صباب وشمبر ياريت لو فى حد عنده الى اراء تانيه ميبخلشى على فيها 
|
|
#2
15-07-2011, 06:53 AM
|
|||
|
|||
|
رد: طريقتى فى اختبار المحرك
معقوله يا جماعه 77 مشاهده ومفيش حد شده الموضوع طيب رد اواستفساراو مناقشه اوحوار او كلامك غلط او اعتراض اى حاجه عامتا ان شاء الله مفيش مشكله
الحمد لله قمت بالتجربه سوف اشرح عملت ايه واقول النتائج بس للاسف كنت عاوز اصور الى عملته فديو او صور لكن مكنشى معاى حد 1- سخنت العربيه لحد درجه 50 (علشان معمل تمدد المعدن ) 2- طفيت العربيه 3- فكيت غطاء التاكيهات ( مش لازم تفك الغطاء بس انا فكيته علشان جلد الصباب ) 4- فكيت البوجيه 5- ركبت البوجيه الى انا عامله ( الى فى طرفه بلف الشحن بتاع التكييف ) 6- ركبت خرطوم عداد الشحن الى بنشحن بيه التكيف ( له طرفان ) 7- ركبت الكمبروسر بتاع العجل فى الطرف الاخر للعداد 8- عشقت العربيه على 4 9- حركت العربيه لحد ما شوفت ان الصبابين ( السحب والطرد مغلقين ممكن تعرفه عن طريق وضع مفك مكان البوجيه واول ما يصل البستم الى اعلى نقطه يبقى الصبابين مغلقين ) 10-شغلت الضاغط وفتحت محبس عداد الشحن لاحظت الاتى ا- الضغط لا يرتفع عن 50 psi ( استنتجت انه ده طبيعى لان غرفه الاحتراف مش محكمه 100 % 100 لابد من وجود حلوص بسيط جدا حت لو العربيه زيره انا كنت فاكر ان الضغط فيفضل ثابت ويقل بالتدريج وببطء زى عجله العربيه لو فيها ثقب صغر الضغط هينزل والعجله هتنام ) 2- يوجد صوت تنفيس من خرطوم الفايظ و مجارى الزيت من اعلى المحرك الى بتنزل الزيت الى كرتيرع الزيت (اذا الشنابر مش حاكمه كويس وده الى يدل على وجود كبس هواء عندى فى خرطوم الفايظ ولو كنت مفكتشى غطاء الماتور كنت هلاقى صوت هواء من فتخه زيت المحرك ) 3- لايوجد تنفيس فى الشكمان ( صباب الطرد تمام ) 4- لا يوجد تنفيس فى الكربراتير ( صباب السحب تمام ) 5-شلت غطاء اليداتير مفيش فقعات هواء فيه ( جوان وش السلندر تمام ) جربت الموضوع ده فى كل الاسطوانات وكانت نفس النتائج وبعدين كررت نفس الى فات بعد ما وضعت زيت فى كل بستم من فتحه البوجيه لقيت الن الصوت قل لسه مخاصتش فقلت اجرب حاجه تانيه لمجرد التجربه احرك العريه قليلا واضغط كل بستم لما يكون الصمام مفتوح 1- صمام السحب مفتوح ( وجدت صوت فى الكربراتير ) 2- صمام الطرد مقتوح ( فى صوت فى الشكمان ) قلت اجرب حاجه كمان اعمل اختبار ضغط للماتور بنفس العداد 1- فصلت سلك االابلاتين (بالغى دائره الاشعال علشان العربيه متشتغلشى 2- ركبت البوجيه الى انا عامله ومعه العداد فقط 3- بدات اشعل المحرك ولاحظت اعلى قرائه بيوصلها كام ( فى عداد الاختبار الاصلى المؤشر بينزلشى للصفر الا اذا تم تصفيره بالظغط على زرار جانبى لكن الى معيا يرتفع بارتفاع الضغط وينزل بنزول الضغط نتيجه لفتح صباب الطرد ) 5-لاحضت ان الضغط 100 - 95 - 95 90 psi (الموضوع ده له علاقه بنسبه الانظغاط للمحرك انا عربيتى نسبه انضغاطها 1 : 9.1 والضغط المثلى للعربيه 157 مش عارف النتائج ديه يبقى الماتور كفائته كام وبتتحسب اذاى بالقرائاتيه ) المهم قفلت كل حاجه و طلعت انام اشتغلت فى العربيه من الساعه 7 الى الساعه 1 بليل بس كنت مبسوط اكنى بلعب بلى استيشن انا عارف ان الموضوع ده مش هينفع كل واحد يجربه او يعمله لانه متخصص بعض الشيئ وممكن ميهمش عدد كبي فى المنتدى بس حبيت انقل تجربتى
|
|
#5
26-07-2011, 11:20 PM
|
|||
|
|||
|
رد: طريقتى فى اختبار المحرك
الموضوع ده يتعمل وتكون مسخن العربيه لمده دقيقتين او 3 دقائق ويتعمل بطريقتين زى مانتا قلت بس بتعديل بسيط اول طريقه ضغط كل بستم على حدى ويكون الضغط 6 بار ثابت بمعنى ان يكون عندك بلف التحكم فى الضغط ليكون الضغط ثابت واهم حاجه ان البستم يكون عند TDC او النقطه الميته العليا ساعتها يكون البستم لاعلى وصبابات الهواء مغلقه وصبابات العادم مغلقه لو الضغط قل 15 % ده طبيعى جدا اقل من ذلك يبقى ترفع مقاس الزيت لو لاقيت فلو هواء يبقى شنبر تسمع الكاربراتير لو لاقيت فلو هواء يبقى صباب الهواء تسمع الشكمان لو لاقيت فبو هواء يبقى صباب العادم ........... الطريقه الثانيه بتاعت البوجيه زى ما قلت بالظبط ويكون الضغط تقريبا اعلى من 120 PSI ادخل على youtube وابحث عن car engine pressure test وانت تلاقى مواضيع كتر بتتكلم عن ضغط الموتور الله معاك
|
 |
|
|
