اللى عايز يطلع رخصة من مرور حلوان بدون واسطة ولا رشوة

[mohamedbhit]

الرخصة الخاصة من مرور حلوان<?xml:namespace prefix = o ns = "urn:schemas-microsoft-comfficeffice" /><o:p></o:p>

بالمختصر المفيد <o:p></o:p>
4 شهادات طبية (نظر وباطنة وفصيلة الدم وانف واذن) كده خمسه من اولها كده هتخنقنى ليه هما 4 انف واذن 1 مش اتنين ومتخرجنيش من الموضوع المهم صورة شهادة البطاقة و 6 صور شخصية وحوالى 70 جنيه اتمنى ميزيدوش ولو قلو عن كده يبقى العبد لله اولى من الغريب بس وتروح المرور هتجمع ورقك عبارة عن دوسيه وورقتين من الخزنة وتسلمهم وتطلع برة تختبر وان شاء الله تنجح فى الاختبار وبس تتصور وتروح تستلم رخصتك والف مبروك الرخصة الخاصة<o:p></o:p>
خلاص مستنى ايه تانى اقول ايه تانى ماخلاص كده<o:p></o:p>
طب خلاص ولا اعتصام ولا ميدان بس ادينى كده الامان شكلك من رجالة الثورة لاحظ انى انا اختصرت انت بقى اللى عايز تفاصيل متجيش تقولى لخص وانجز براحتك <o:p></o:p>
انا هحكيلكم القصة من طأطأ لسلام عليكم ويارب اقدر افيدكم<o:p></o:p>
البدابة كانت انى عايز اطلع رخصة وانا لسة مبتدئ فى السواقة المهم سالت الناس عن المرور بتاع حلوان قالو اتحرق طيب الرخص الخاصة تطلع منين ردو قالو مفيش رخص خاصة بتطلع دلوقتى وللاسف دا طبع فى 50% من المصريين ميحبش يقول الله اعلم او معرفش<o:p></o:p>
اخدت الكلام ونمت عليه اسبوع وبعد كده قلت اسال فى المرور المهم لقيت واحد كان شغال فى المرور بساله قالى المرور بتاع حلوان شغال بس اتنقل 15 مايو يعنى ينفع اطلع رخصة قالى اه الدنيا شغاله وز الفل طب ايه النظام للاسف قالى تخلص ب 500 اتصدمت لان كنت فاكر ان الرشوة عهدها انتهى بعد الثورة بس اظاهر ان فى 3 حاجات عمرهم ماينتهو ( الرشوة والواسطة والروتين ) انا كان قاصدى من السؤال ان الخطوات ايه عشان اعمل رخصة<o:p></o:p>
المهم انا طولت عليكم نخش بقى فى المفيد<o:p></o:p>
اول حاجه يكون معاك 6 او 8 صورشخصية ويكونو معاك على طول تانى حاجه تعملها تجهز الشهادات الطبية ودى بتتعمل من اى مركز طبى بتساله انك عايز تعمل شهادات طبية لرخصة قيادة طبعا هما اربع شهادات كانو زمان اتنين بس المهم واحده باطنة وواحدة نظر وواحده انف واذن وواحدة فصيلة الدم طبعا لو بتلبس نظارة على حسب ( لو مابتشوفش من غيرها يبقى تعمل الرخصة بنضارة لو بينفع تستغنى عنها يبقى اعمل الرخصة من غيرها احسن) لان الرخصة هتطلعلك بنضارة ولو نسيتها فى اى يوم وانت سايق وشافو الرخص من غير ماتكون لابس النضارة بتتحسب عليك مخالفة المهم متنساش تختم الشهادات قبل ماتستلمها من المستشفى دا غير انها هتحتاج 3 صور هيدبسو على 3 شهادات من الاربعه و هتحتاج معاهم صورة بطاقة خلاص معاك الشهادات وصورة البطاقة هتروح المرور من مترو حلوان عربيات 15 مايو وتقلو هتعدى على المرور وحاول تكون فى المرور الساعة 9.30 <o:p></o:p>
المهم انا كل ماحاول اختصر الموضوع يفتح منى فاعذرونى بس للتوضيح<o:p></o:p>
هتروح على اول شباك خشب على ايدك اليمين وانت داخل هتقله عايز الورق اول مرة لرخصة خاصة مش فاكر بس تقريبا 6.30 او 7 جنيه المهم هتاخد الورق جوه دوسيه وتروح على الخزنة ودى فى وشك وانت داخل هتقله ورق عشان رخصة خاصة اول مرة هما ورقتين تقريبا 10 جنيه المهم انا بقترح لو انت مبتدأ فى السواقة تخلص الورق كده بس وتتفرج على الاختبار تاخد عنه فكرة وتانى يوم تيجى تمتحن على طول وطبعا بتكون الرهبة اتشالت بنسبة كبيرة اما لو انت مظبط نفسك فى السواقة فتخلص الورق وتعمل الامتحان فى نفس اليوم كنت هنسى لو مش مكتوبلك مهنه فى البطاقه (مهندس- دكتور- مدرس او غيره) يبقى تمام لكن لو طالب او المهنه مش معروفة يبقى معاك صورة من المؤهل بتاعك ضرورى متنساش كده ورقك تمام هتتطلع بره قدام المرور بعد الساعه 10.30 بيبدأ الاختبار وهو بقى سهل خالص اولا مفيش اختبار الاشارات ثانيا الاختبار عبارة عن حرف ( u يو ) او بالبلدى نص دايرة هتشوفو وهتلاقيه سهل خالص خد فكرة كامله عنه تمام كده هترجع بالسلامة وتختبر نفسك زى الاختبار اللى انت شوفته بس على صفين طوب على شكل نصف دايرة وحاول تعدى من بينهم وتخرج من الناحية التانية من غير ماتخبط فيهم المهم ظبطت نفسك تمام مرة واتنين وتلاته <o:p></o:p>
تانى يوم بقى الصبح على الساعة 9.30 تكون فى المرور معاك عربيتك اللى هتختبر عليها واوعى تيجى من غيرها بدل ماتلبس فى 50 جنيه من اى سواق جاى يصداد حد مامعاهوش عربية وطبعا انت هتنزل تختبر 50 ثانيه بال 50 جنيه المهم انا حذرت وبراحتك هتركن عربيتك فى اول الصف اللى هينزل الاختبار وهو دا الترتيب اللى هيمشو بيه مش ترتيب الورق المهم نسيت اقولك فى ساحة قصاد مسجد جنب المرور كنا راصين طوب شبه حرف ال ( u يو ) او النص دايرة بس على ديق شوية درب نفسك عليه وبعدين فكك من القلق اللى انت فيه دا الموضوع بسيط وبعدين ماتقوليش انجز ولخص لانى مبعرفش الخص وانت اللى طلبت خلاص حجزت مكانك فى الصف خش بقى على الشباك اخر مدخل المرور على يمينك عشان يفحصلك الورق ويديك معاد اختبارك غالبا بيدأ 10 او 10.30<o:p></o:p>

دقت الساعة الحاسمة 10.30 وعادى مفيش جديد وفجأة بييجى شاب روش بيرص الاقماع على شكل حرف ال ( u يو ) وطبعا انت من جواك بتقول بس لو يوسعها كمان يبقى تمام اوعى يجيلك شعور بالرهبه الموضوع فى اللذيذ بييجى بعدها مهندس بيتأكد ان الاقماع مظبوطة وغالبا بيوسع الدنيا ابسط ياسيدى هتبدأ بعدها العربيات بالترتيب اللى هى وقفة فيه تنزل الاختبار ورا بعضها وملكش دعوه باللى قدامك عمل ايه ركز انت وخليك فى حالك 40 ثانية بالظبط وبتلاقى نفسك فى اخر التراك والف مبروك النجاح فى الاختبار واحد يغلس عليه ويقولى خبطت قمع ولا اتنين اقولك برده انت لسه من العهد القديم مفيش فايدة لو ظبطت الراجل اللى واقف وكيشته فى ايديه هتعدى بس انا بقولك انت من رجالة الثورة عيب عليك انجح بمجهودك يعنى بقالى نص ساعة برغى لما الناس زهقت وتيجى انت تقولى رشوة براحتك المهم هتخش على نفس الشباك اللى سلمت فيه الدوسيه هيديك ورقه تدفعها فى الخزنة غالبا 47 جنيه وترجع بعدها جوه تانى مكتب على يمينك جوه المرور عشان تتصور كالعاده مفيش صورة عدله بس المرة دى اسوأ من صورة البطاقة خير مش مشكلة هى جات على الصورة دى ومتخرجنيش من الموضوع المهم هتروح بقى على اخر شباك اخر مدخل مبنى المرور على ايدك الشمال هتلاقى بعد 10 دقايق او اكتر بينده على اسمك روحله هيديك حاجه فى ايديك خدها وروح انت واقف ليه مبروك عليك الرخصة الف مبروك مش مصدقنى بص فى ايديك مش دا اسمك انا عارف ان دى مش صورتك بس عديها وعقبال رخصة المحروسة ( العربيه )<o:p></o:p>

انا عارف انى زهقتك بس انا قلتلك من الاول انت اللى بتحب القراءة<o:p></o:p>

انتظرونى او متنتظرونيش مع المختصر المفيد فى رخصة العربية من مرور حلوان<o:p></o:p>

[pharm45]

رااائعة التجربة دى...انا نفسى اطلعها لكن مش عارف..انا دلوقتى بقالى تقريبا اكتر من سنة بسوق كدة بالبركة والله بسوق على طريق طنطا كللله على 120 بدون رخصة..كل لما اقول لوالدى يقولى مش فاضى......انا فى منطقة البساتين وعاوز اطلعها هل النظام نفس بتاع حلوان عشان لو كدة اروح حتى لوحدى...كل لما اقول لوالدى يقولى مفيش حد بيطلع رخصة من أول مرة من غير واسطة ..وانا عمال اقوله والله ما هاطلعها الا بمجهودى..يقولى يبقى هتسقط وتقعد 6 شهور..عجبا

[mahranahm]

جميلة طريقة السرد للموضوع
ومتقوليش عادى مضايقنيش مش انت القولتلى اشكرنى بالتفصيل الممل

[mohamedbhit]

اتمنى فعلا يكون الموضوع عاجبكم ويارب اكون قدرت افيدكم
بالنسبة للاستاذ اللى ساكن فى البساتين والله معنديش خلفيه لكن بجد خوض التجربة بنفسك ولو مرة تروح تبص على الدنيا زى مانا عملتوان شاء الله بالتوفيق ليك
على فكرة نسيت اقولكم ان دى سادس مرة اسوق عربيه والحمد لله مخبطتش ولا قمع ونجحت والرخصة معايا بتاريخ النهاردة الحمد لله
دا بفضل الله طبعا ودعوات الحاجه عقبالكم كده يارب

[pharm45]

طب لو عاوز اتدرب جنب البيت أتدرب على ايه...انا بسوق فريرة لكن الاختبارات اللى زى دى محتاجة تأهيل نفسى عشان مدخلش اخبط قمع وأطس 6 شهور سجن من الرخصة