|
#1
30-06-2011, 04:10 PM
|
|||
|
|||
تجربة مصري في الإمارات !!
أولا" نبدأ بسم الله الرحمن الرحيم
لا أخفي عليكم سعادتي البالغة لوجود مثل هذا المنتدى المتخصص لأولاد بلدي الأفاضل و هذه أول مشاركة لي في كتابة أي موضوع في أي منتدى .. أنا مصري اعمل بالإمارات منذ ستة سنوات و أمتلك سيارة MAZDA 3 2010 الشكل الجديد كليا" و كان لي تجربة شيقة مع هذه السيارة كنت أحب أن أشارك إخواني في مصر حتى يدركوا أن معاناتهم مع التوكيلات ليست (وبلغة القنوات الفضائية) ليست حصرية على مصر!! بدأت القصة مع شرائي لهذه السيارة في فبراير 2010 و طبعا" بالمواصفات الخليجية و حقيقة الأمر أن السبب لشرائي لها هو شكلها الرائع سواء من الخارج أو الداخل و أيضا" إسم مازدا بدون شك له ثقله و كانت كما هو متوقع لا غبار عليها و صادف نزولي إجازتي السنوية في شهر أبريل و تركت العربية مركونه أمام البيت لأعود و أجدها مخبوطة في الإكصدام الخلفي من الزاوية و كسر الفانوس الخلفي يسار.و بدون شك تم إستبدالهم في التوكيل و من الطريف و لا أعرف إن كنتم لاحظتم ذلك أم لا أن الفانوس الخلفي للمازدا 3 نوعين ,, آه و الله !! الموجود في عربيتي الخليجي غير الأوروبي ,, الفرق إن على جنب العربية و جوة الباغة الحمرا في لمبة صغيرة مش موجوده في الخليجي (حتشوفوها لو ركزتو في صور العربية الموجودة على النت )و طبعا" طلبت تغييره مره تانية مش معقول بالليل جنب العربية الشمال منور و اليمين ضلمة ! طبعا" حاولو يستعموني في التوكيل لأن المفروض إن من رقم شاسية العربية بيطلبوا قطع غيار مطابقة للي ركب فيها حتى لو جابوه من اليابان زي ما حصل معايا في الحادثة الثانية (إصبروا على رزقكو) المهم تخيلوا المشكلة اللي هم فيها : مش عارفين يجيبوا لي واحد جديد من غير اللمبة و مش قادرين يصرفو واحد يمين باللمبة علشان مين حيدفع ثمنه ؟؟ و كان الحل العجيب : ركبوا لي واحد مخلوع من عربية تانية من غير اللمبة و طبعا" حالته مش زي الجديد بكرتونته بس مفيهوش أي عيب و إدوني اللي بلمبة اللي راكب في علبة كرتون هدية !! مسخرة صح؟بيسكتوني بفانوس زيادة. لكن المشكلة كانت أن بعد هذه الحادثة البسيطة و الحمد لله كان هناك صوت أشبه بالطنين أثناء السير على الطرقات السريعة و كنت أرجع ذلك للحادثه و ما إستتبعه من خلع الإكصدام و أن ذلك صوت الهواء .. و لكنه إتضح لي فيما بعد أن هناك تلف في شيء يسمى هنا ( البيرينج و الدرم) معرفش إسمهم ايه في مصر !! و لكن العجيب أن هذين القطعتين كما عرفت من القطع التي تدوم لسنوات طويلة قبل أن يطرأ عليها أي تلف !!طبعا" ما ذكرته لكم في سطور يمكنكم تخيل أن أحداثه إستغرقت أسابيع من الخناقات و الجدال و العطلة مع التوكيل هنا. لم تنتهي القصة مع توكيل مازدا هنا .. لسة في حادثتين كمان و للحديث بقية ... الغرض و كما قلت .. مصر زي الأمارات زي دول الخليج .. مفيش فرق كبير لا في جودة الخدمة و لا مستواها على الإطلاق و يمكن مصر أحسن في كفاءات و خبرات عمالها مش زي الهنود و البنغال اللي هنا ,, و اللي لسة مش مصدقني إستنوني لما اكملكم الحدوتة بعدين .. 
|
|
#3
30-06-2011, 04:52 PM
|
|||
|
|||
|
رد: تجربة مصري في الإمارات !!
اانا فعلا مش مصدق نفسي يا استاذ ايمن
علي كدا بقا الواحد يبوس ايده وش وظهر علي النعمه اللي احنا فيها
|
|
#4
30-06-2011, 05:44 PM
|
||||
|
||||
|
رد: تجربة مصري في الإمارات !!
أنا أتفق معك تماما كل الدول العربية أو دول الشرق الأسود تحديدا سشئة جدا الفرق بينا وبينهم المستوي المادي حتي ده أغلبهم مش بيحسوه غير في مصر يعني ممكن يكونوا بيقبضوا كويس لكن الحياه عندهم مصاريفها أغلي ويعتبروا مثلا طبقة متوسطه لما ينزلوا مصر يعيشوا ف دور البشوات الفرق عندنا ف مصر في كفاءات بشرية كتير يعني شوف لما تكون عربيه عامله حادثة جامدة وتوديها لصنايعي كويس ويرجعهالك جديدة بالكرتونة بمبلغ زهيد مقارنه بالشركات او التوكيل بس طبعا لو واحد بيفهم لكن للأسف أحنا عندنا مع الناس اللي بتفهم والمواهب اللي ف بلدنا في ناس حراميه كتير ودول اللي بيسرقوا الموارد الماديه عندنا للأسف
|
|
#5
02-07-2011, 03:38 PM
|
||||
|
||||
|
رد: تجربة مصري في الإمارات !!
لو ربنا كتب عليك ان تعمل حادث فانت لقطه يا معلم للصنايعيه خاصه السمكريه هم قاعدين لهذه الساقطه و اسمع بقي الأسعار نار و ربنا يعينك
|
 |
|
|
