صوت العربيه ووسائل الثبات

[waelsalah]

السلام عليكم
عربيتي اكسيل مو 95 1500
صوت العربيه عندى هادى الحمد لله وهى ع السلانسيه
لما بنقل النقله مثلا واجى على 2 rpm صوت الموتور بيعلى كانه مثلا بقا على 3 rpm
هل هذا طبيعي ولا تفسيره ايه ؟
وايه هى وسائل الثبات ؟
مساعدين ويايات وكاوتش وايه تانى ؟
وازاى نخلى العربيه منحسش جواها بالمطبات اوى يعنى مش هقول منحسش خالص بس ازاى على قد ما نقدر ؟
وشكرا جزيلا

[driv3r]

اول مشكله ان صوت المكنه بيعلى دا احتمال الدسك والاسطوانه او الاسطوانه بقت طريه كده يعنى
انما حوار انك ماتحسش بالمطبات خالص دى هيا بترجع لنظام عفشه العربيه نفسا ومتهيالى ان اهم شى علشان متحسش بمطبات ولا حفر وكلام ده ان المساعدين لازم يكونوا كويسين والكاوتش بتاع العفشه عموما يكون سليم

[waelsalah]

المشاركة الأصلية كتبت بواسطة driv3r اول مشكله ان صوت المكنه بيعلى دا احتمال الدسك والاسطوانه او الاسطوانه بقت طريه كده يعنى لسه كاشف عليهم قريب وكانوا كويسين هل ممكن ده يكون خرم فى الشكمان انما حوار انك ماتحسش بالمطبات خالص دى هيا بترجع لنظام عفشه العربيه نفسا ومتهيالى ان اهم شى علشان متحسش بمطبات ولا حفر وكلام ده ان المساعدين لازم يكونوا كويسين والكاوتش بتاع العفشه عموما يكون سليم

نزود ثبات العربيه ازاى ؟
خصوصا الاساسيات بخلاف ا لجنوط يعنى
وشكرا جزيلا

[borio1704]

موضوع إنك عايز عربية ثابتة ومريحة ده صعب شوية، يا إما ثابتة .. يا إما مريحة

على العموم... اتأكد إن المساعدين جداد، ولو عايز ثبات أكتر ركب مساعدين ناشفين شوية، وما تنساش تراجع على الاستابليزر، يمكن يكون عايز كاوتش

[waelsalah]

ما هو الاستابليزر ؟
وهل لو ركبت مساعدين ناشفين زى المونرو هيكون على حساب الراحه وان العربيه هتكون ع المطبات بتدايق ولا ايه ؟
وشكرا جزيلا