|
ميكانيكا السيارة يحتوى على المعلومات الفنية عن المحركات و أجزاءها و ناقل الحركة (الفتيس) و القابض (الدبرياج) و تجارب الصيانة الميكانيكية |
|
أدوات الموضوع |
#1
|
||||
|
||||
طرمبة الزيت.......مين يدافع عنها ؟!
سلام كبير لاحلى منتدى واحلى اعضاء
الموضوع المفيد ان المكنة بقالها 3 او 4 شهور فيها صوت تكتكة تك تك تك تك تك وبتزيد مع البنزين المهم قلت تاكيهات فتحنا لاقيناها كامة وقالي الكامة متاكلة !! ودة من قلة الزيت .....والمكنة خفيفة صح !! طيب وبعدين سلمت امري لله و قلت كلها كام شهر و نخلص و نسقط موتور والنهاردة وانا بلفلف فى المنتدى قلت ف عقل بالي "من قله الزيت" يعنى طرمبة الزيت........ وكمان انا مش مقتنع بان الكامة متاكلة اصلا دة احنا كنا بليل و الدنيا كحل السؤال بقى : اعرف منين ان الطرمبة بتضخ زيت بضغط كويس ولو هغيرها هتعمل كام بالمصنعية العربية مازدا 323 مو 88
__________________
أسألكم الدعاء لوالدي بالرحمة It's Nice to be Important but, It's More Important to be Nice |
#2
|
||||
|
||||
رد: طرمبة الزيت.......مين يدافع عنها ؟!
هى مش شرط تكون طلمبة الزيت فيها مشكلة لان اى تأكل فى الموتور نفسه مسبب لحرق الزيت وبالتالى نقصانة
وممكن يكون فيه تسريب فى دورة الزيت كارتيرة ... اى تسريب لازم يتعالج عامة فى اجهزة لقياس ضغط الزيت بس معرفش متوفرة او دقيقة للعربيات القديمة ولا لاء وانت عارف اجهزة القياسات فى مصر مش متوفرة اوى عموماً للاسف فانا خايف تغيرها على الفاضى فاظبط الموتور الاول واكشف عليه عند اكتر من ميكانيكى علشان تعرف حالتة ولو محتاج ظبط او عمرة اظبطه الاول وراجع على ان ميكونش فيه تسريب من اى مكان وساعتها هيبان اذا كان فيه مشكلة من الطلمبة ولا لاء بمراقبة منسوب الزيت بشكل دورى |
#3
|
||||
|
||||
رد: طرمبة الزيت.......مين يدافع عنها ؟!
شكرا يا كبيرنا^^
يارب تطلع بسيطة والفيصل عند الميكانيكي
__________________
أسألكم الدعاء لوالدي بالرحمة It's Nice to be Important but, It's More Important to be Nice |
#4
|
||||
|
||||
رد: طرمبة الزيت.......مين يدافع عنها ؟!
تسلم يا باشا ان شاء الله بسيطة
|
#5
|
||||
|
||||
رد: طرمبة الزيت.......مين يدافع عنها ؟!
برضه احب اضيف لكلام الاستاذ وائل
ان لمبة الزيت هى متوصلة ببريشر سويتش pressure switch و الميكانيكية بيسموها و الله اعلم (ساعة الزيت ) يعنى لو الضغط قل عن القيمة المسموحة حيخلى اللمبة تنور
__________________
سبحانك لا علم لنا الا ما علمتنا |
|
|