تكلفة صيانة الألف كيلو

[a_maher76]

السلام عليكم اخوتي الأعزاء
انا اشتريت عربية تيجو من شهرين و لسه عامل الألف كيلو وكنت عايز حضراتكم تفيدوني بتجربتكم و خبرتكم ايه اللي هيحصل و تكلفة الصيانه
تجربتي مع التيجو عربيه كويسة الحمد لله بس المشكله ان واحد في الشارع اشتغلني وانا لسه راجع من المرور و قاللي الحق الكاوتش مريح و ببص كده قلت الحمد لله لقيت واحد بتاع كاوتش و رحت له و دخلني في 240 جنيه و حسبي الله ونعم الوكيل فيهم و بعد كده لقيت العربية بتحدف و لما ضبطت هواء الاطارات خفت شوية لكن فيه برضو حدفه .
و لما جيت احط فيها بنزين لما اضغط على الصباع اللي بيفتح غطاء البنزين مش بيفتح ولازم ساعتها عامل البنزينه يضغط عليه علشان يفتح و كمان لسه النهارده لاقيت اثار سواد لى العجل
انما غير كده العربية الحمد لله هايله و زي الفل
ممكن ترشدوني ايه اللي اقوله في الصيانه و تكلفتها ايه و ايه احسن مكان اروحله علشان الصيانه و خصوصا اني ساكن في الهرم

[osa92003]

االبنزين دراع ولا كهربا لو دراع بيترفع لفوق مش ضغط عليه

[a_maher76]

هوا فعلا بيترفع لفوق انا اسف اخطأت التعبير

[أشرف صبرى]

المشاركة الأصلية كتبت بواسطة a_maher76 السلام عليكم اخوتي الأعزاء انا اشتريت عربية تيجو من شهرين و لسه عامل الألف كيلو وكنت عايز حضراتكم تفيدوني بتجربتكم و خبرتكم ايه اللي هيحصل و تكلفة الصيانه

هايغيروا الزيت و فلتر الزيت
التكلفه تلتميه و حاجه

تجربتي مع التيجو عربيه كويسة الحمد لله بس المشكله ان واحد في الشارع اشتغلني وانا لسه راجع من المرور و قاللي الحق الكاوتش مريح و ببص كده قلت الحمد لله لقيت واحد بتاع كاوتش و رحت له و دخلني في 240 جنيه و حسبي الله ونعم الوكيل فيهم و بعد كده لقيت العربية بتحدف و لما ضبطت هواء الاطارات خفت شوية لكن فيه برضو حدفه . و لما جيت احط فيها بنزين لما اضغط على الصباع اللي بيفتح غطاء البنزين مش بيفتح ولازم ساعتها عامل البنزينه يضغط عليه علشان يفتح و كمان لسه النهارده لاقيت اثار سواد لى العجل

انت لازم تشد دراع البنزين جامد شويه غير كده لو بايظ او بيعلق روح صيانه استثنائيه هايعملوهالك

انما غير كده العربية الحمد لله هايله و زي الفل ممكن ترشدوني ايه اللي اقوله في الصيانه و تكلفتها ايه و ايه احسن مكان اروحله علشان الصيانه و خصوصا اني ساكن في الهرم

[kimocyc]

المشاركة الأصلية كتبت بواسطة a_maher76 السلام عليكم اخوتي الأعزاء انا اشتريت عربية تيجو من شهرين و لسه عامل الألف كيلو وكنت عايز حضراتكم تفيدوني بتجربتكم و خبرتكم ايه اللي هيحصل و تكلفة الصيانه.. مبروك وربنا يباركلك فيها ويكفيك شرها.. حيتم تغيير الزيت والفلتر وتربيط العفشة وتشك كامل ع العربية ومعالجة الشكاوى وملاحظاتك.. تجربتي مع التيجو عربيه كويسة الحمد لله بس المشكله ان واحد في الشارع اشتغلني وانا لسه راجع من المرور و قاللي الحق الكاوتش مريح و ببص كده قلت الحمد لله لقيت واحد بتاع كاوتش و رحت له و دخلني في 240 جنيه و حسبي الله ونعم الوكيل فيهم.. حسبي الله ونعم الوكيل.. و بعد كده لقيت العربية بتحدف و لما ضبطت هواء الاطارات خفت شوية لكن فيه برضو حدفه . اضبط زوايا في التوكيل مع صيانة الألف.. و لما جيت احط فيها بنزين لما اضغط على الصباع اللي بيفتح غطاء البنزين مش بيفتح ولازم ساعتها عامل البنزينه يضغط عليه علشان يفتح ببساطة في الصيانة قولهم عليها وكل اللي حيعملوا حيرفعلك الإبرة بشكل عامودي على باب التانك وحتلاقية بيفتح تمام بـ 90 درجة عامودي.. و كمان لسه النهارده لاقيت اثار سواد لى العجل عادي جدا مفيش مشكلة ، دي آثار تطبيع التيل.. لا تقلق.. انما غير كده العربية الحمد لله هايله و زي الفل ربنا يباركلك فيها.. ويكفيك شرها.. ممكن ترشدوني ايه اللي اقوله في الصيانه حتقول ملاحظاتك كلها.. و تكلفتها ايه و ايه احسن مكان اروحله علشان الصيانه و خصوصا اني ساكن في الهرم

التكلفة 350تقريبا زيت وفلتر (5 لتر) والصيانة نفسيها مجانية لأنها هدية من توحة (الألف فقط) وبالنسبة للمراكز.. اعتقد ان عندك ابو رواش الرئيسي وكمان الصحراوي.. ولو تقدر تروح تكنو2 يبقى تمام اوي..



]ومبروك مرة تانية