لمبه الشنطه اشتغلت فى التابلوه يارجاله

[AHMEDCAR]

من كام يوم كده انا و صديق ليا كنا بنتحدث مع بعض على الماسنجر [IMG]http://www.**********.com/Nile/images/smilies/lovlie02[1].gif[/IMG] و بعد السلام و التحيه لقيته بيقولى انت تعرف ان فى لمبه للشنطه فى التابلوه المفروض تنور لما تفتح الشنطه [IMG]http://www.**********.com/Nile/images/smilies/44.gif[/IMG] قولتله اه لكن للاسف مش بتنور [IMG]http://www.**********.com/Nile/images/smilies/S_thum1[1].gif[/IMG] قالى طيب ماتيجى نشغلها قولتله انا ماليش فى الكهرباء قالى انا ليه لكن مش بعرف افك التابلوه قولتله انا بعرف و كده اتحد قطبى العمل و اتفقنا على انه هايعدى عليا فى البيت الساعه 5.5

و ابتدينا الشغل فكيت التابلوه و بعد كده اتاكدنا ان اللمبه موجوده ده للاحتمال انهم مش مركبنها اصلا [IMG]http://www.**********.com/Nile/images/smilies/44.gif[/IMG] بخل يعنى

المهم لقبناها راكبه و بتطلعلنا لسنها [IMG]http://www.**********.com/Nile/images/smilies/44.gif[/IMG] زى ماتقولوا كده بتقولنا مش هاتعرفوا تشغلونى بصراحه انا احبط جدا كان نفسى انها تكون مش موجوده و خلاص قعدنا نفكر نعمل ايه [IMG]http://www.**********.com/Nile/images/smilies/36_1_37[1].gif[/IMG]

اكتشفنا ان التابلوه فيه فشتين واحده مخصصه للمض و التانيه للبور و اللى مخصصه للمض فيها رجل مش راكبه [IMG]http://www.**********.com/Nile/images/smilies/C_laugh[1].gif[/IMG] هنا جالى حبه امل تانى

قومنا موصلينلها حته سلم من لمبه نور الباب لقيناها نورت [IMG]http://www.**********.com/Nile/images/smilies/10D5C8~1107.gif[/IMG]

قومنا على طول رايحين جايبين 5 متر سلك و وصلناه من كالون الشنطه اللى بيخلى نور الشنطه ينور لما تفتح الشنطه الى مكان اللمبه فى التابلوه و بالفعل تم المراد

قعدنا فى عربيه صديقى ساعه ونصف لحد ما ظبطنا كل حاجه و بعديها اشتغلنا فى عربيتى بالظبط 20 دقيقه من فك و تركيب التابلوه و عتب البيبان علشان نفوت اللسك من تحته


احب اوجه الشكر للجندى المجهول فى الحكايه دى الاستاذ AHMEDANWER بصراحه الراجل مدنا بالكتالوجات بتاعه العربيه و اليوزر مانيوال اللى ساعدونا جدا جدا

[sh_masry]

و الله العظيم انت ميه ميه ....... جدع بجد , الله ينور عليك
يا ريت نشوفكم المقابله الجايه ان شاء الله

[lancer.style]

احم احم انا مفهمتش اوى

يعنى اللمبة ديت لما الشنطة تتفتح لمبة فى التابلوة تنور ولا اية


و ياريت نشفكم فى المقابلة علشان نعاين على الطبيعة

و انا على فكرة زيك بحب اشتغل فى العربية بايدى بس انى افك التابلوة

مينفعش علشان الحاج لو شافنى ممكن ..................

[AHMEDCAR]

الله يخليك ياشريف باشا ده احنا تلاميذك ياباشا

لانسر بالظبط كده اللمبه دى بتنور لما تفتح باب الشنطه تلاقيها نورت فى التابلوه و بخصو الشغل بالايد هو بصراحه متعه لكن لو ماتعرفش ابعد احسن

[BlackVerna]

و الله انت دماغ يا احمد

بس احسن حاجه انك ما بتعملش الحاجه الا لو متاكد منها م شبتلعب و خلاص

و ايه رايك نعملها عندى يا باشا