محتار بين البونتو والاكسنت والبيجو 405

[elmo3alem]

زى العنوان كده انا محتار اختار انهى عربيه ووبقالى اسبوعين مفصص المنتدى على العيوب والمميزات اخر ما توصلته هوه
البونتو اعتماديه واقتصاديه بس ضعيفه 1200 سي سي والوكيل زباله
بس من ناحيه الشكل عجبانى قوى ومش محسسانى انى ابو العيال
الاكسنت كل الناس بتقولى كانها فلوس فى ايدك تبيعها بسهوله وقطع غيارها سهله بس شكلها مش عاجبنى وحاسس انى راكب تاكسي
البيجو 505 من الناس بيشكور وا ةالباقى بيقولى ابعد كل يوم هتبقا عند الصنايعيه
انا تعبت مش عارف اختار بجد

عايز النصيحه ومقارنه بجد بجد يا شباب من ناحيه قطع الغيار والكفاءه واداء التكييف فى الثلاته ا

عشان اصلي استخاره واخش قسم المعروض وادور على طلبي واتوكل على الله

[samirsaid1]

الاكسنت وتوكل على الله
وبالتوفيق

[Hazemomar]

هو حضرتك كده بتتكلم في ميزانية 35-40 على حسب التوقع .. و واضح ان حضرتك عايز عربية هاتشباك - هل محتاج شنطه كبيرة - و تكون فيها تكيف و اعتمادية و قطع غيار و صيانة ... اكنك بتوصف الجولييت .. عربية صالون سيدان .. كاملة .. كوري .. و دايو يعني .. و هتلاقي حاجة حلوة في حدود 38 - 40 .. ان شاء الله..
تقبل مروري ..

[طارق ابوذيد]

اخى فالله فكر فى اى سياره كوريه الصنع لكى ترتاح من ناحيه اسعار قطع الغيار وايضا سيارات نجحت فى مصر ولم يشتكى اى عضو من اى سياره كوريه الى الان وكما رشحت انت الاكسنت فى سياره قويه وممتاذه فى ادائها ومبروك مقدما ووفقق الله لما تحبه وترضاه .

[elmo3alem]

شكرا لكل الاعضاء المحترمين اللى ردو عليا وفعلا كل الردود هايله انا فعلا ميزانيتى من 35-40
انا دورت ع الاكسنت بصراحه موديل 2000 مش لاقى اتوماتيك خالص والبونتو عجبانى جدا بس مش عارف ايه نظام قطع الغيار انا بدور دلوقتى ع الاتنين اكسنت اتوماتيك وبونتو كلاسيك ولما الاقى هصلي استخاره