والنبي شويا تفائل لحسن خلاص مابقاش عندي

[mar mar]

اسمع كلامك اصدقك اشوف امورك استعجب بقي احنا الشعب العظيم اللي قام بالثوره الدنيا اتكلمت عنها نبقي كده نفسي اعرف احنا 85 مليون فين الناس اللي بتشتغل علشان الاقتصاد اللي ضايع ده في اليابان كلهم قرروا يشتغلوا ساعتين زياده احنا بقي في مصر شغالين ب 24 ساعه وبرضوا في حاجه معقربه في السكه نفسي اغمض عين وافتح عين الاقي كل واحد بيعمل بايدوا مش عمال يردد هتافات في التحرير وبس الصراحه عندي احباط جامد حسه اننا واقفين في مكانا بعد ما كنا بعد الثوره مشين زي القطر التربيني

[nktis]

هي فين المصانع واراضي الخريجيين للشباب العاطل.... مشكله شبابنا انه عايز يشتغل بمؤهله ( بيه علي مكتب وسكرتير ....) لو الشباب قرر يترك الاحلام ديت وقرر بس يبدا باي شغل في الساحل الشمالي وفي محلات وهيتعلمله مهنه او صنعه وهيبدا يعرف معني الفلوس....ساعتها هتكون فيه مصانع اتعملت ومدن جديده وفرص عمل ( اللي بيحلم بيها ) ظهرت مع التقدم....
وشكرااا علي الموضوع واحنا متفائلين خالص.........:playing_mus ic:

[tifa_1979]

انا مش عايز احبطك بس بصراحه انا شايف ان الدولة دلوقتى اصبحت
- مجموعة المثقفين مبقاش شغلهم غير توجيه الاهانات الى رموز النظام السابق والتحدث عن الفساد وكيفية وضع دستور جديد ومفيش اى حلول عن توفير رغيف العيش اوزياده فرص العمل اوكيفية ادارة الازمات فى الدولة
- اما عن الوزراء اصبحوا خايفين ياخدوا قرار حتى لو قرار بسيط علشان مش يتحاسبوا ذى غيرهم خايفين يمضوا
اما عن الشعب اصبح كل واحد حسب اتجاهته
المواطن البسيط اقعد يشتم فى الثورة وايلى جابه الثورة
المواطن العادى عارف ان الثورة سوف يكون له دور ايجابى فى تقدم الدولة ولكن الظروف (شركات قطاع خاص اقفلت وشركات قللت المرتبات علشان الخسارة ايلى هو فيها والاسعار بتزيد )ايلى هو فيه مخليه مكتئب
اما المواطن المثقف ايلى كان مشارك فى الثورة شايف ان الثورة بتسرق ان الظروف ايلى موجوده فى البلد تم بفعل فاعل واننا فى موامره ومخون الناس كلها وكمان عايز يشنق اى حد له علاقة بالحزب الوطنى مع الرغم المفروض ان الناس ديه مصريين ومن حقهم المشاركه وكمان مش من حق حد يمنع حق الاخرعن التعبير علشان يبقى فى عدالة بجد
اخيرا انصحكوا وانصح نفسى بالعمل العمل العمل ولكل واحد يحاول ان يتم عملها على اكمل وجه سعتها بس البلد هتقدم
و الله الموفق

[nktis]

فعلا موضوع بطيء في اتخاذ القرارات بشكل عجيب وازاي تبقي سيده تمسك وزاره زي وزاره التجاره والصناعه وهتاخد قرارات....
الواحد مش عارف هل الحكومه ديت مكمله ولا هي لتسيير الاعمال فقط لحد الانتخابات .؟؟؟

يا استاذه مرمر احنا اكتر دولة في العالم بتاخد اجازات احنا تقريبا بنأجز اكتر ما بنشتغل

الشعب ده عايز الرضعه تجيله لحد عنده وهو قاعد في البيت

يا يشتغل بقلة ضمير ومفيش انتاج ويبجح ويطلب زيادات وتثبيت

ياما يقعد في البيت ويقول ادي اللي اخدناه من الشهاده

ربنا يرحمنا

ده الواحد من الاعدادية شايل المسئولية وكنا بنشتغل بال 20 ساعة في اليوم وعمرنا ما قولنا حاجه

ربنا يهدي الشعب ده شوية والله كان زمان اغني دولة في العالم عندنا موارد مش عند حد

تخيلي البلد زودت الموظفين الضعف في المرتبات وزودات المنحة السنوية ل 15% والبلد مكنش فيها فلوس

تقدري تقوليلي بنصرف منين

البلد فيها خير مش موجود في اي مكان في الدنيا

بس احنا عاملين زي السودانين قمة الكسل