بخصوص الترموستات والراديتير بتاع بيجو 205

[hanymi45]

انا العربيه الفتره الاخيره كانت المروحه بتشتغل فتره كتيره مش بتلحق يعنى والعربيه كانت بحس انها سخونه على غير الطبيعى بتاعها رغم انه اللمبه الحمرا مش منوره عندى لانه انا مش عندى امبير حراره لمبه بس ولما بيكون فى حاجه بتنور ومعاها لمبة استوب بتنور هى كمان علشان اقف واشوف موضوع السخونه دى
المهم اتفأجات مره انه الترموستات وقفت خالص كشفت عليها لقيتها باظت وبالتالى غيرتها بترموستات تانيه بس مش بتاعتها لانه بتاعتها غاليه ومش بالاقيها بسهوله كمان غيرتها بترموستات اسبانى والكهربائى قالها انه النوع ده محترم جدا بس انا عايز اعرف هل خطأ ولا لازم اغيرها ببتاعتها مع العلم انه الترموستات الجديده 79/82 القديمه على ماعتقد لانه مش واضح ارقم عليها اوى 82/90 المهم كمان سلكت الراديتير وفعلا السخونه بقت افضل والحمد لله بس المروحه بتشتغل برضه كتير بس مش زى الاول طبعا هل الموضوع ليه علاقه بتقليل الترموستات وتغييرها يريت حد يفيدينى وهل تشغيل المروحه مده طويله وكتير ليه تأثير على العربيه او المروحه نفسها ؟؟؟

[hanymi45]

ايه اخبار الردود فين خبراء المنتدى والـ 205

[الكشفى]

طبعا انت خليت الاتوماتيك بتاع الترموستات بيشغل المروحة على حرجة حرارة اقل لكن دة مش مشكلة لكن اللى احب انبة عليك فية لازم تختبر طلمبة المياة وضرورى تشوفها شغالة ولا لا هو يادوب هيفك خرطوم الراجه وهيشغل العربية ثوانى لو كانت الطلمبة شغالة هتضخ مية من برة ولو لا مش هتشوف مية خارجة
كمان ممكن تركب عداد حرارة لو حساس الماتور سليم وتجيبة عداد حرارة بتاع محراث رومانى كهرباء دة هيوفرلك قراءة الحرارة ويريحك بدل مانت بتحتار نظرا لعدم وجود عداد حرارة فى تابلوة ال205

[hanymi45]

انا شاكر جدا ردك عليا بعد محدش عبرنى خالص بس انا عايز اسال حضرتك موضوع عداد الحراره ده ممكن اركبها عند مين كويس انا ساكن فى شارع فيصل ومفيش مشكله لو حد فى الجيزه او فيصل او الهرم او الجيزه والدقى المهم حد يكون كويس يعمل الموضوع ده والعداد الى حضرتم بتقول عليه ده بكام وممكن الاقيه فيه وبيتثبت عادى مش مشكله يعنى او بيبهدل التابلوه وبيكون فعلا دقيق فى قراءته
ومعلش انا تعبتكم معايا موضوع طلبمة الميااه الى فين بالظبط يعنى اللى واصله بين الرداتير والماتور ناحية الماتور ولا من الناحيه التانيه ناحية الراديتروينفع اعملها انا ولا لازم بتاع رادياتير ومن ناحية الردايت
وشاكر ليك جدا

[gtr]

كل فترة سنتين يستحسن تسليك الرديتر.. و خصوصًا مع كثرة استخدام الماء العادي.
بعد التسليك ستلاحظ أن السيارة تتحمل حرارة أكثر.