#1
|
|||
|
|||
ساعدوني يا أوبتراوية أنا مش عارفة أتصرف
عاوزة أشتري عجلة مكان الإستبن لأنه أتسرق ممكن لو سمحتوا حد يقولي السعر كام وعند منصور شفرولية أحسن ولا من برة وهل كل فروع منصور فيها قطع غيار
|
#2
|
|||
|
|||
رد: ساعدوني يا أوبتراوية أنا مش عارفة أتصرف
معقوله المنتدى ده كان تاعيمن اكثر المنتديات النشيطة السؤال بقاله يومين انا مش مصدقه الله يرحمه
|
#3
|
||||
|
||||
رد: ساعدوني يا أوبتراوية أنا مش عارفة أتصرف
والله انا مش مالكة للاوبترا ولكن اللي اعرفة هقولة عموما عن العجل
انا معرفش منصور شيفورلية عندة وبرة احسن انا هكلمك علي حد معلوماتي عن اللي برة اولا انواع العجل بالنسبة لنوع العجل في عندك ميشلان هو اصلا فرنسي وعجلة حلوة بمعني انها طرية وتستحمل المطبات والشوارع المكسرة اللي في مصر ميزتها انها ناعمة يعني بس هي اغلي حاجه انتاجها عموما اوروبي اصلا الفرنسي احسن نوع لكن المتوفر حاليا الاسباني وعموما طالما انتاج اوروبي كويس الموزع بتاعه شركة مانتراك المسؤلة برضه عن معدات كاتربلر ليهم رقم مختصر ممكن تسالي عليه من الدليل ولما تتصلي هيقولك اقرب موزع ليكي من عجل ميشلان المهم بقي حاجتين تكوني متاكدة من مقاس العجل ودة هتلاقية علي القائم المعدني في العربية او علي العجلة الموجودة حاليا عندك ف العربية اعتقد في الاوبترا بيكون هتلاقي مثلا 195/55/15 الحاجة التانية بقي تاريخ الانتاج يعني مثلا انا هشتري المقاس اللي فوق دة ميشلان العجلة داخلة علي 600 جنية اخر سعر كان 575 حلو اوي مش معقول اشتريها قديمة بمعني ان ليها سنين تخزين فلازم تاخدي بالك من حاجه علي العجل وممكن تسالي البياع بيكتب مثلا الاسبوع ال20 من سنة 2009 لكن دي مثلا مش زي الاسبوع 1 من سنة 2011 وخلية يوريلك الرقم هم بيقسممو السنة اسابيع يليها نوع تاني اسمةبريدجستون هو امريكي لكن في منه بلد تانية اندودنيسي او ماليزي مش فاكرة) ارخص طبعا لو هتجيبي يبقي الامريكي لكن مشكلته انه ناشف اوي هو ينفع للسفر والطرق الطوالي زي السعودية طبعا محدش يختلف انه كويس لكن هتاخدي المطبات وراسك تخبط في السقف بعديهم بيريلي(وان كان ناس كتير مش بتشكر فية ولكن انا بصراحة مسالتش عنه لما لقيت ناس مش بتشكر فيه وجود يير نيجي لبعد كدة في كومهو وهانكوك دي فئات عموما كويسة في بقي انواع هتسمعي عنها غريبة شوية اندونيسي وماليزي في ماكسيس مش وحشة برضة في نوع بقي اسمة سلفرستون بصراحة مش هقولك قالولي علية(وحش متشربش من عندة)وعموما قبل اي شئ استخيري وربنا يعملك الخير عموما الفردة الكويسة ممكن 250 ل 350 المتوسطة والسعر برضة حسب المقاس اعتقد انتي مقاس 185/45/14 هي دي كل معلوماتي ارجو اكون افدتك ربنا يهديكي للخير عموما اندونيسيا اعتقد انها بلد المطاط حاجاتها مش وحشة
__________________
بسم الله الرحمن الرحيم
وما كان ربك نسيا صدق الله العظيم |
#4
|
||||
|
||||
رد: ساعدوني يا أوبتراوية أنا مش عارفة أتصرف
وعموما لو دورتي في المنتدي هنا هتلاقي معلومات كتير جدا اكتبي كاوتش عجل اطارات في البحث وربنا يوفقك
__________________
بسم الله الرحمن الرحيم
وما كان ربك نسيا صدق الله العظيم |
#5
|
||||
|
||||
رد: ساعدوني يا أوبتراوية أنا مش عارفة أتصرف
معلش اليومين اللى فاتو المنتدى كان بيتنقل وكنا مضغوطين جامد
بالنسبة للعجلة زى ما اشارت دكتورة هبة بخصوص الكاوتش وزى مانا فاهم اللى حصل ان العجلة كلها اتاخدت كاوتش وجنط فحضرتك بالاضافة للكاوتش هتشترى جنط حديد ان شاء الله يكون مستعمل وبكده تبقى الفردة رجعت تانى عامة قدر الله وماشاء فعل وربنا يجازية اللى سرقها |
|
|