معانى مصطلحات السيارات الجديده

[YahiaAshraf]

طبعا احنا عارفين ان كل يوم بتنزل عربية جديدة و بيقولوا كلام مش مفهوم و ان شاء الله هوضخلكم المعانى دى ندخل بقى فى الموضوع بسم الله الرحمن الرحيم
الفتيس و انواعه :
استبترونيك :الفتيس الستبترونيك (يعتبر نوعا من الفتيس الأوتوماتيكى لكن بشكل أكثر تطور) يعنى اتوماتيك ومانيوال فى نفس الوقت بمعنى ان الفتيس ممكن تعملة اتوماتيك فالموتور يجمع السرعات مع نفسة وهوة اللى يتعامل وانت مش بتعمل حاجة غير انك بدوس على دواسة البنزين وبس....
اما لما تعملة مانيوال ممكن تزود السرعات وتقللها بزرارين من الدريكسيون او الفتيس نفسة بحيث انت تبقى متحكم فى سرعتك وغياراتك يعنى هوة معقد شوية وانا رأى ما ينفعش فى مصر اصل مش كل الناس هتقدر تتعامل معاة...................
وعموما المفروض ان اى نوع سيارة فيها ستبترونيك تعمل نسخة عادية مانيوال علشان الناس العاديين زى اوبل استرا الجديدة كدة العادية ب125 والستبترونيك ب150 شفت فرق السعر...بس


تبترونيك :يعمل بنظام مانيول أي ينتظر من السائق أن يُعطيه الأمر بالنقل لأعلى أو لأسفل و هذا يتم عن طريق ذراع نقل الحركة يكون به حركتان فقط لأعلى و لأسفل ( + / - ) و في بعض الموديلات الرياضية يوضع الذراع موصولاً خلف عجلة القيادة مكوّن من ذراعين يُسحبان تجاه السائق .. الأيمن للنقل إلى الجير الأعلى و الأيسر للنقل للجير الأقل .


ايزى ترونيك(dsg ) اثنين دبرياج مش دواستين دبرياج)
دبرياج بيتحكم في النقلات الفردية (الأول والثالث و الخامس)
ودبرياج بيتحكم في النقلات الزوجية (الثاني والرابع والسادس).

لما دبرياج فيهم بيفصل الدبرياج التاني بيبقى جاهز بنقلته (تم اختيار النقلة مسبقاً) وبينقل حركة الماتور للعجل فوراً وبالتالي النقلة بتبقى انعم.
باختصار، لا يوجد انقطاع في نقل الحركة من الماتور للعجل. و ده نوع متطور من انواع الاوتوماتيك


الهيدروليكى و الهيدروليكى الالكترونى :للفتيس الهيدروليكى و الهيدروليكى الالكترونى فيقولوا فنيين ومديرمركز تكنولوجيا هندسة السيارات أنه عبارة عن مجموعة من الاسطوانات والدسكات مثبتة بترتيب معين على مجموعات تعشيق (( بلندات)) ومن خلال مجموعة تروس ميكانيكية تسمى بالمجموعة الشمسية وهى عبارة عن ترس فى الوسط يتحرك على محيطه الخارجى ثلاثة تروس أصغر منه فى القطر ويربطها من الخارج ترس آخر أكبر يحتوى الثلاثة تروس السابقة فى محيطه الداخلى .
والفكرة باختصار فى تخفيض السرعة أنه عند تثبيت الترس الأوسط ونقل الحركةعلى الثلاثة تروس مثلا فهذا يعطى نسبة تخفيض معينة وعند تثبيت الترس الخارجى وأخذ الحركة على التروس الداخلية فهذا يعطى نسبة تخفيض أخرى أما فكرة التعشيق ذاتها فتتم عن طريق ضغط الزيت – ومن خلال طلمبهة زيت الفتيس الهيدروليكى الموجودة مقدمته والمتصلة بالقربة (( التوربينة)) المثبتة فى نهاية عمود الكرنك - داخل صندوق الصمامات التى تقوم بدورها بالتحكم فى مسارات ضغط الزيت إلى مجموعات التعشيق أسفل المكبس الموجود بالمجموعة والذى يقوم بدوره بالضغط غلى الاسطوانات والدسكات لتوحيد الحركة فكلما زاد ضغط الزيت صندوق البلوف أو الصمامات – بزيادة الضغط على دواسة البنزين – يقوم بفتح خط الزيت أو مسار الزيت للنقل الأعلى وانحسار الزيت عن النقلة التى تسبقها وتستمر بذلك الحركة اوتوماتيكيا (( حركة النقل أوتوماتيكيا)) .
أما الفتيس الهيدروليكى الالكترونى فقد تم الاستعاضة عن البلوف الميكانيكية بمجموعة من البلوف الكهربائية يتحكم بها وحدة تحكم الكترونى من خلالا معلومات تصل إلى وحدة التحكم تفيد بمعلومات السرعة والحمل والطلب من الناقلات من خلال مجموعة من الحساسات موجودة على الفتيس .

طبعا احنا عارفين النوع المانوال و الاوتوماتيك و ده غنى عن التعريف

[YahiaAshraf]

ان شاء الله هبقى اتكلم عن انواع الموتور و تفسير اليدة بتاعتها

[hisham750]

افادك الله معلومات مفيدة فعلا ونرجوا المزيد

[YahiaAshraf]

تسلموا يا جماعه و نورتوا الموضوع

[hyundai 2005]

تسلم الايادي يا يحيي موضوع ممتاز