بعض الاسئلة عن honda cbr 600 f2 1991 وياريت حد يجاوبني

[khaled4allah]

بسم الله الرحمن الرحيم
اولا انا خالد من بورسعيد عضو جديد بالمنتدى
واتمنى ان اكون مش تقيل عليكم
وتفيدوني قدر المستطاع لاني لسة مبتدئ في موضوع البايكس

كنت اشتريت بايك honda cbrf2 موديل 1991 بس لسة في الكونتينر وهيتشحن قريب
فكنت عايز اسال كام سوال محيرنني جدا:
1- ليه البايك ده مافيهوش عداد بنزين وانا اعرف ازاي اذا كان البنزين قليل ولا بيشطب؟؟؟
2-معدل استهلاك البنزين اد اية في الاسبوع (او بمعني اصح بيتصرف عليها كام في الاسبوع-بنزين-)؟؟؟
3-ايه رايكم في البايك ده وسمعتة ايه في السوق واسعارة ايه لو افراج او معلق نمر (علشان لو هبيعة يعني)؟؟؟
4-اماكن بيع الفيبر بتاعة او قطع غيارة عامة؟؟؟؟
5-ايه هي اهم حاجات اعملها في البايك اول مااستلمة علشان امشي بيه ومايكونش منه خوف وانا سايقة؟؟؟(زيت بوجيهات كوتشات تبريد -مثلا-)
6- في لمبة صفراء في عداد الار بي ام مكتوب عليها side stande دي بتاع ايه
انا اسف على كتر الاسئلة ولكن الاسئلة دي كانت محيراني جدا ومصدقت لقيت المنتدى ده علشان تفيدوني
اخوكم خالد عبد الرحيم من بورسعيد

دي صور البايك لو حد عنده تعليق عليها او اي ملاحظة
وياريت تقولولي رايكم بكل صراحة في البايك

[nktis]

اولا احب ارحب بيك بيننا اعضاء مصر موتورز
ومبروك مقدما البايك ... وانتظر اراء الاخوه خبراء المنتدي ...

[khaled4allah]

مشكور اخي واتشرف بان تكون اول من يرد على موضوعي
جزاك الله خيرا

[khaled4allah]

ايه ياشباب 57 مشاهدة ومفيش حد رد
ساعدوني ياشباب بجد محتاج مساعدتكم

[the.most.wanted]

انا بقى عايز مساعده منك ياريت متبخلش عليا وتساعدنى

نا ليا قريب فى اسبانيا وكنت عايزه يبعتلى بايك فعايز منك شويه اسئله

هو البيك دا بكام لانى عايز 600 برده وشحنه كام من بره وسعره كام من بره ياربت تقولى