هام جدا مشكلة في الاكسنت الاوتوماتيك

[د.هبه77]

السلام عليكم ورحمة الله وبركاته
الحمد لله جبت هيونداي نيو اكسنت 2011 اوتوماتيك لاحظت حاجه غريبة مبتحصلش الا في المانيوال ان انا لما بجيب العربية علي R الاقيها تطلع لادام الاول وبعدين ترجع ومبيبقاش واضح اوي لو علي شارع عادي بيبان جدا جدا وانا علي مطلع وبيتنا اساسا علي مطلع وطبعا وانا بضبط الركنة ممكن اخبط العربية اللي قدامي
رحت للتوكيل قليوب في صيانة الاف وقلتلهم ع العيب قام علي ال RPM بدل ما يبتدي من الصفر بدي من 750 برضة العيب متصلحش رحت ابو رواش قالي دة هيروح بعد ال5000 قصدة يعني ان العربية في التليين الكلام دة صحيح ولا دة يعتبر عيب صناعة وهل في نتيجة من ان انا احاول اعترض او انها ترجع او الكلام دة ولا اية برجاء اي حد يديني خبرته ف المجال دة لاني مش عارفة اعمل اية
وبصراحة متضايقة جدا لان اذا كانت موديل 80 اوتوماتيك مبتعملش كدة يبقي 2011 تبقي كدة شكرا لاهتمامكم

[احمد على 1999]

لأ علشان أتخيل عايز توضيح اكتر
يعنى على شارع مستوى مبتحصلش المشكلة دى
لكن لو الشارع مايل و بوز العربية تحت و الشنطة فوق و جبتى R و اول ما تشيلى رجلك العربية تطلع لقدام حتة معقبال ما تلحقيها بالبنزين تقوم طالع بضهرها ؟ لو زى ما بقول كده يبقى مفيش مشكلة و هى فعلا بتفرق من ماركة لماركة هى القديمة كانت نوعها ايه؟
و ممكن تبقى تشدى فرامل اليد مؤقتا معقبال ما تلحقيها بالبنزين

[memodina1]

يعنى بصراحة انا عايز توضيح برضة اكتر لانى اللى بتقولى علية دا عادى لو العربية زى ما قال احمد نازلة نزلاية يعنى لو امكن توضيح ممل شوية

[د.هبه77]

شكرا لسرعة الاستجابة
اولا -هي مبتظهرش في كل الاوقات احيانا تظهر واحيانا لا وعموما لازم اكون ناقلة من D ل Rانما لو انا اصلا جايبة R ودست فرامل وبعدين بنزين ميحصلش طول ما انا علي R ومغيرتش بتفضل كويسة وبترجع عادي

ثانيا -لو انا علي شارع مستوي وانا علي D وبعدها جبت R الاقي العربية مترجعش
1-ممكن اما تفضل واقفة او تمشي للامام حاجة بسيطة اوي
2-وبعدها تبتدي ترجع واول ما تبتدي ترجع تاخد عزم جامد اوي (تعمل صوت عالي ووتنط مرة واحدة لورا)

ثالثا - لو علي منزل بقي ووش العربية لتحت و انا بركن بظهري جنب الرصيف بجنب العربية بين عربيتين وطلعت لادام -طلعت لادام Dوطبعا بيبقي بيني وبين العربية اللي قدامي ممكن سم واحد وبعدها بقي ارجع لوراء عشان ادخل وش العربية واحضن جنب الرصيف اجيب ال R وانا دايسة فرامل بعدها بقي يحدث الاتي

1- لو مدوستش بنزين مجرد اني رفعت رجلي من علي الفرامل فقط الاقيها تنزل كتير جدا للامام يعني لو مش قدامي عربية ممكن تنزل بتاع 30-50 سم بالمستريح

2- اما لو دست بنزين بقي بتنزل شوية يعني ممكن حوالي 10-20 سم ثم تعمل صوت عالي جدا لحد ما تلقط وترجع لورا بعزم عالي اوي يعني انا بدوس بنزين كتير علي ما ترجع

هو الحمد لله لحد دلوقتي محصلش مشاكل لاني بحاول اخد بالي لكن انا دفعت فرق عشان الاوتوماتيك وعيب زي دة في الشوارع الضيقة ومفيش ركنات !! اعتقد صعب

اسفة للاطالة وشكرا

ملحوظة : العربية السابقة كانت daihatsu charmant 1979

[memodina1]

كدة فى عيب فنى فى العربية اولا الصوت العالى المفروض ميكونش فى اى صوت الا اذا كنتى بتجيبى rوالعربية لسة بتمشى ادام يعنى لسة مش واقفة خالص
المفروض جبتى rالعربية ترجع فى ثوانى مجرد لمس البنزين وكدة طبعا فى عيب باين فى الفتيس
انما اللى مستغربلة ازاى العربية تجيب r وتمسى انشالله ملى ادام ازاى حتى فى المانيوال لما نجيب مارشدير استحالة نزولها قدام الا اذا مورت طبعا او دايس دبريااااج للاخر فدا اللى محيرنى بس لازم تروح التوكيل ومحدش يلعب فيها اوعى الاتوماتيك ملوش لعب وربنا يسهل وابقى قولنا عملتى اية وانتظرى باقى الاراء