صوت صفاره !!!!!!!!!!!

[ABDORME81]

انا معايا فيرنا 2011 ولسه عامل صيانه ال 10000 كم وبعدين بدأت اسمع صوت صفاره لما اجى ادوس فرامل جامد والصوت ده بييجى وبيروح يعنى ساعات اسمع الصوت وساعات لا وكنت عايز اعرف ايه الصوت ده وهل فيه خطوره وهل لازم اروح التوكيل يصلحولى المشكله ده ولا ممكن استنى لحد صيانه ال15000 واروح مره واحده ؟؟؟؟؟
وشكرااااااااااااااااااااا اا

[memodina1]

لالالالالالالالالا اطمن جدا جدا جدا ولا يكون ليك خبر
بص اولا السبب انى فى بعض الفيرنا انا قولت بعض هه المعارض بتشيل التيل الاصلى بتقليد لونة بنى وتركبة وتاخد الاصلى لنفسها لعربيتة مثلا والبعض الاخر فى التقفيل بيركبوا تيل عادى مش اصلى لانى طبعا التقفيل مصرى لكن المفروض انهم يركبوا الكورى فمش كل التقفيل زى بعض وانت عارف الضمير
2- لية بيصفر
لانة بيكون فية نسبة نحاس خشنة على قرف على زفت وفى الاخر بيخلى الطنبورة تتعرج وتبوط وتلاقى نفسك تمسك فرامل العربية تترج بيك
3 الحل وعن ثقة وتجربة والله الشاهد على كلامى
انا لفيت الدنيا جبت كل التيل اللى يخطر ببالك مصر وكورى وكلة
المهم كلة هيصفر وكانوا كلهم بحدود 100 جنية لحد ما رحت التوكيل اللى جمبنا
قالى ريح نفسك ادخل على قطع الغيار وادفع 250 جنية فى الخزنة وقولة هات تيل فيرنا الكورى
طبعا من التوكيل
قلتلة اييييية 250 جنية غالى اوى قالى انت حر الصراحة جبتة فى نفس اليوم وركبتة
بقالى ماشى بية 8000 كيلو اهه الصراحة الراجل صادق فى كلامة والله نعومة تامة فى الفرامل وانسيابية وطبعا مفيش صفارة الحمد لله وفضلة عليا
4 دا مميزات الاصلى طب عيوبة
عيب واحد بيخلص بسرعة معايا يعنى خلص نصفة تقريبا وانا ماشى 8000
يعنى اعتقد بيتغيير كل 15000الف ك
واعتقد دا عادى بالنسبة للراحة النفسية وانت سايق وتفرمل من غير صوت جرب وقولى وان شاء الله انا متاكد من كلامى عن تجربة وبرضة اسال على الكلام وانتظر راى باقى الاعضاء واى خدمة انا موجود اخوك محمد فيرنا 2007

[SuccessCre8or]

يعني اللي بيكون راكب في العربية الفابريكة هو بتاع غبور ولا مختلف ؟؟

لازم تعرف الاول الصفاره ديه جايه من قدام ولا من ورا يا زعيم والافضل انك وانتا ماشي تشد الهاند بريك بالراحه ولو سمعت صوت الصفاره يبقي من التيل الخلفي ولو مسمعتهوش يبقي التيل الامامي وهتضطر اسفا انك تشتري التيل الاصلي للفيرنا

وممكن يكون في تراب علي الطنبوره والتيل هما اللي بيخلوه يصفر قبل ما تغير التيل نفض الطنبوره والتيل من التراب وجرب كدا ولو الصوت راح يبقي تمام ولو لسه موجود يبقي هتضطر تغير التيل

[memodina1]

لاة بيكون تقليد مش اصلى لانى اساسا الطنابير صناعة مصرية
ولكن فى بعض العربيات بتكون اصلى ولو راحت المعرض بيشيلوا الاصلى ويحطوا تقليد ودا كان الراجل اللى شغال عندة فترة كان بيعمل كدا فى الفيرنا والسيراتو ومعظم العربيات
فشوفة الاول لو ان لونة بنى ومكتوب صنع فى كوريا يبقى تقليد لكن لو لونة بنى ومرسوم علية علامة هيونداى فى النص التيل طبعا الحديدة مش التيل نفسة ومدموغ علية من الجنب صنع فى كوريا طبعا بالانجليزى يبقى دا اصلى وبيكون لونة بنى فاتح دا اللى عندى جايبة من 3 شهور ب 250 جنية و15 جنية تغيير تيل
50 جنية خرط وتركيب طنبورة لانى من كتر الصفارة والنحاس والحديد الطنبورة اتعرجت عندى جامد اوى وبس كدة