الجراااااااااااج والقهوه واين الاهتمام بالعرابيه ؟

[ahmedraafat00]

السلام عليكم
ازيكم يا جماعه يارب تكونوا بخير
انا يا جماعه مشترك فى جراج وعلى فكره العربيه واقفه من شهر 12 سايبها مش بحركها لاننا مش محتجينها الفتره دى
المهم اشتراك الجراج 130 جنيه
وانا بسيب 20 جنيه قهوه للناس اللى هناك يعنى بدفع 150 جنيه فى الشهر
اللى يغيظ ان العربيه بقالها بتاع سنه اهوه و عمرها ما اتغسلت ولا حتى اتمسحت بفوته ؟
قولت معلش يابنى اديك بتسيب القهوه دى عشان يخدوا بالهم من العربيه كويس
اللى يغيظ اكتر انى روحت ابص عليها من كام يوم لقيت الزجاج الامامى هوا كان فى كسره صغيره من فوق الكسره دى امتديت بطول الزجاج ؟؟؟؟!!!
أسأل السايس واقوله ازاى كده انا المفروض انى سايب العربيه فى ايد امينه ولا هوا لازم كل يوم انزل ايص عليها
السايس يقولى واللهى ياباشا انا اول مره اخد بالى من الكسره دى !!!!!!!!!!
طب على كده انا بدفع قهوه ليهم ليه ده انا مره قررت مسيبش قهوه قالى انت مسيبتش القهوه بتاعتنا تخيولوا ؟؟؟
سؤالى بقى للناس اللى بتتعامل فى جراج هل العشرين جنيه شويه ؟ ادفع اكتر يعنى ولا ايه بالظبط
اانا بدفع الفلوس دى كده على الفاضى العربيه ولا بتغسل ولا بتتمسح وكمان مش مهتمين بيها ؟

[مهند النجار]

قوله مينفعش كدة ولو مهتمش بيها وغسلها غسلة محترمة عليك وعلي الشارع

احسن ما تدفع فلوس ولا كانها في الشارع

غطيها كويس وامن عليها وكلبش الدركسيون و عيش

[ahmedraafat00]

واللهى يا باشا جربت اركن فى الشارع وكرهت نفسى لان المنطقه بتاعتنا كلها محلات موبيليات و فاترينات وكل ما اركن فى حته يطلع صاحب محل يقولك انت كدا سادد عليا وده محل اكل عيش وباب رزق والبوقين دول
وخصوصا ان احنا مش بنستخدم العربيه كتير ممكن تبقى واقفه اسبوع
انا بس حابب اعرف هوا العشرين جنيه دى شويه ولا كتير بالنسبه للقهوه وليه فى الجراج الاهمال ده ومفيش اهتمام ؟

[مهند النجار]

المشاركة الأصلية كتبت بواسطة ahmedraafat00 واللهى يا باشا جربت اركن فى الشارع وكرهت نفسى لان المنطقه بتاعتنا كلها محلات موبيليات و فاترينات وكل ما اركن فى حته يطلع صاحب محل يقولك انت كدا سادد عليا وده محل اكل عيش وباب رزق والبوقين دول وخصوصا ان احنا مش بنستخدم العربيه كتير ممكن تبقى واقفه اسبوع انا بس حابب اعرف هوا العشرين جنيه دى شويه ولا كتير بالنسبه للقهوه وليه فى الجراج الاهمال ده ومفيش اهتمام ؟

و لو 20 قرش

قصاد اية اللي مبيشتغلش بالفلوس ميستهاهلاش ولا احنا بنلاقي الفلوس في الارض

لو قالك القهوة قوله لما تنضفها لو مش عاجبه مفيش اكتر من الجراجات وربنا يوفقنا جميعا

[asaadte]

مش قليل لانك مش بتخرج
انا بدفع 2 فى كل مرة
5 فى نص الشهر و5 فى اخره
يعنى بتاع 30 او 40 جنيه