|
|||||||
| لادا LADA لادا الروسية LADA احدى شركات اوتوفاز AvtoVAZ الروسية بدات فى السبعينيات بتجميع سيارات فيات 124 واستمرت فى تقديمها بشكل اقتصادى لعشرات السنين تمشيا مع الفكر الشيوعى الروسى الا انها الان تسعى للمنافسة والتجديد بعد شراكتها مع مجموعة رينو - نيسان |
 |
|
|
أدوات الموضوع |
|
#1
03-05-2011, 11:43 PM
|
|||
|
|||
لادا 2115
مساااااااااااء الفل علي احلي عيله في احلي منتدي
استفسار صغير : كنت بقلب في كونتاكت كار علشان اشوف القسط بتاع العربيه اسبيرانزا 113 لاني بشوف امكانياتي وناوي يا هي يالبرايد ولاحظت حاجه غريبه. 1-في عربيه شكلها عجبني وقريت شويه عنها في جوجل اسمها لادا 2115 موديل 2011 وملقتش معلومات عنها كتير .هي ليه العربيه دي مش موجوده هنا ولو كانت موجوده ممكن حد يدلني عليها؟؟؟؟ 2-احب اسمع راي الناس الي فاهمه ووحوش مصر موتورز والي بثق فيهم جددددددددددا وببني اارائي عليهم 100% كاني بشاور ابويا واخواتي الكبار . 3-ليه مش موجود السايبا برايد في كونتاكت كار في الجديد؟؟؟ 4- ايه رايكم في التقييم بتاع كونتاكت كار في التقسيط معلش اسالتي كتير بس ده العشم برضو 
|
|
#2
03-05-2011, 11:47 PM
|
|||
|
|||
رد: لادا 2115
تجربتى مع لادا 2115
a_taamer@hotmail.com 26/12/2006 04:13:57 ص عدد القراء : 3653 فعلا نحن كعائلة نمتلك السيارة لادا 2115 ولكن هى خاصة باختى هى وزوجها وانا كنت معهم فى شرائها وركبتها كذا مرة المميزات بصراحة العربية لما تشفها وتركبها مختلفة تماما عن فكر الادا العقيم والمتوارث فى مصر عربية فيها تكنوجيا حلوة جدا كمبيوتر اعطال يصل حتى اعطاء انذار بانخفاض درجة مياة المساحات او عطل فى الانارة الخلفية عريبة ثابته فعلا على الارض مكلبشة فى الارض الصاج بتاعها حدث ولا حرج ممكن توزن زى مانت عايز العداد ديجتال ويوجد عداد رحلات بدرجة الحراراة الجو وساعة العدادت جميلة فعلا مفهاش بارو بس تعتبر قيادتها سهلة مجهودة بسيط جدا فى السواقة RPM سبويلر اصلى جميل جدا مصابيح فوج()شبورة امكانية خفض ورفع الاضاءة 1500 cc سعرها 52000 بدون كاسيت او سماعات او تكيف احلى لون العسلى سنترلوك زجاج كهرباء امامى المفتاح امبرايز ضاع من اختى ولفت السبع دوخات عشان تعمل واحد تقليد كلفها 50 جنيه وفى التوكيل 250 عربية روسى 100% العيوب او متقفل الباب تسمع صوت القفل زى باب الجولف وعربيات الفولكس مفيش جلد يمنع الصوت الصالون يعتبر صغير الحجم نسبيا من الخلف مقارنه بعربتى الكرولا مفتاح لمبة الانتظار شكلة فى قمة الغباء عامل زى غطاء زجاجة ومكانة غير مناسب صوت الاشارات ضعيف ممكن متسمعوش فى الطريق المارشدين يوجد بجوارالاول ودى حركة انا مش بحبها بس النوبيرا بردة كدة الضمان ضعيف سنة او 20000كم البطارية عادية مش جافة المشاكل لازم تروح التوكيل اول يوم عشان يركبلك جهاز خافض الحرارة لانها مصمة فى روسيا والجهاز فعال فعلا وتمنة 100 جنيه وانت الى هتدفع زجاج الباب الامامى كان بيخرج برة الميجرة فى نهايتة بس اتصلح فى التوكيل RPM فجاة بدون مقدمات توقف وتم تركيب مكنة جديدة له لازم تروح تظبط زوايا وعملنها مرتين وبصراحة لسة مش مضبوطة مية مية بس قال فى التوكيل لازم ترصيص مع الظبط ودة المرة الجاية ان شاء الله او تريح دماغك وتروح للراجل بتاع الاخ محمود انا اركبتها والحمد الله عملت فرملة قوية جدا جدا بها بعديها بيويمن حسيت بصوت فى تيل الفرامل بس لما رحت التوكيل قالولى التيل نشف من الحر وفى تراب بس اعتقد ان هيتغر بس بجد الفرملة كانت جامدة جدا كنت فوق المية وكان فى مطب كبير قوى فى التجمع الخامس بس الحمد الله ربنا ستر والله كانى كنت هطيرمن زجاج السيارة كان فى صوت فى الكرسى الى خلفى وكان صوت رخم زى ميكون حاجة مفكوة ومحدش فى التوكيل عرف السبب وبعدين لما اشترينا فرش ووفكنا الكرسى الخلفى كان منة لان لما اتركب تانى اختفى الصوت تماما واحد ابن حلال ضرب طوبة فى المراية وكسرها وسالت عليها فى التوكيل كانت بسعر 125 جنيه هى دة القطعة الوحيدة ومغيرناهاش دة خبرتى مع العربية كلها تقريبا بدون تجميل او انقاص للحق بس عايز اقولك انا كنت برشح الشاهين فى الوقت دة عنه لاسباب السوق واعادة البيع وقطع الغيار والجر الخلفى بردة وانشارها بس لاسف العربيه فى شهر اغسطس كانت بسعر 59000 واختى وجوزها مكنش معاهم المبلغ دة غير كدة اختى مش بحبها لانها تاكسى فى كل البلد وكل لما تسمح شاهين كان فى عفريت فى القاعدة بس سالت عليها دلوقتى لقتها 57000وممكن اقل كمان طبعا توكيل العربية مش ولا بد بس لما تعرف التوكيلات الاخرى هتعرف ان مصر كلها كدة بس ليه موقع كبير العنوان 4 شارع الطرابشى متفرح من احمد سعيد العباسية صورة العربيه دا تعليق لقيته عالنت واحد جرب العربيه وقايل رايه ياريت اسمع اراءكم 
|
|
#3
04-05-2011, 12:10 AM
|
|||
|
|||
|
رد: لادا 2115
شكر خاااااااااااااااااااااااا ااااااااااااااااااااااااا اااص وووااااااااااااااااااجب ومحبه وتقدير لاخ كبير ليا هنا في المنتدي الاستاذ احمد
((((((ab0basant)))))))  :playing_m usic:الراجل كلمته وقالي رايه باخويه جامده وشكر في العربيه جامد بس المشكله في التوكيل انا متشكر لاحلي عيله بجد بجد انا مبسوط قوي ان ربنا حطني هنا في المنتدي الاكثر من رائع
|
|
#4
25-05-2011, 07:39 AM
|
|||
|
|||
رد: لادا 2115
|
|
#5
25-05-2011, 03:37 PM
|
||||
|
||||
|
رد: لادا 2115
بص يا باشا انا شايف ان السايبا برايد الايرانى احسن بكتير منها و قطع غيارها متوفرة و رخيصة و ده رابط عليه تقرير للعربية من زميلنا الفاضل على مصر موتورزhttp://www.masrmotors.com/vb/showthread.php?t=5368
|
|
|
|
