|
#1
20-02-2009, 04:17 PM
|
|||
|
|||
الانترا الجديدة
السلام عليكم
دى اول مشاركه ليا فى المنتدى و عجبنى اوى ارائكم وكلامكم انا يا جماعه عايز اشترى عربيه جديده بس حيران اوى حابب الانترا اوى بس مش عايز اجيب عربيه واندم فانا عايز اعرف ايه رايكم فى الانترا وياريت الى جربها و ركبها يقولى عيوبها ومميزاتها وفى رايكم اتوكل على الله فيها ولا اجيب لانسر سوبر اكشن ولا التويوتا الجديده ياريت حد يفيدنى وشكرا مقدما 
|
|
#2
20-02-2009, 05:11 PM
|
|||
|
|||
|
رد: الانترا الجديدة
فى رأيي ان الألانترا احسن عربيه فى فئتها و سعرها و لا اعتقد انك هاتندم على شراءها ...... و متهيألى لغايه دلوقتى ماحدش اشتكى من الألانترا فى اى عيب معروف ......( و نشوف رأى الأعضاء برده )
من مزايا العربيه :- الثبات الرهيب فى الملفات سرعه تجميع عاليه سواء مانيوال او اوتوماتك موتور قوى عفشه حلوه بس بتحتاج تربيط كل فتره بسبب شوارعنا الممتازه بالنسبه للتصميم و الشكل من الخارج و الداخل دى مسأله اذواق صالون واسع عزل ممتاز لعدم سماع الأصوات الخارجيه قطع غيار متواجده فى اى مكان مع قبول سعرها انا عموما من المتحيزين لماركه هيونداى فى السوق المصرى نظرا لكونها اثبتت جداره و اسعار معقوله و اعطال قليله جدا مع وجود كميه كبيره من الصنايعيه اللى بتفهم فيها فى سوق السيارات و بالتوفيق ان شاء الله فى عثورك على ما تتمناه .
__________________
 اى موضوع او اى تعليق ينم عن رأيي انا الشخصى و لكم جزيل الشكر ,,,
|
|
#3
20-02-2009, 11:19 PM
|
|||
|
|||
|
رد: الانترا الجديدة
شكرا جزيلا يا باشا بس الغريب انه انا قريت الناهرده فى المنتدى انه فرامل الانترا مش قوى وكمان الصاج و الخامات فيها من جوه مش قوى فاترعبت بجد لانى كنت بفكر فيها قبل التويوتا و الانسر لانى مش حاببهم
ربنا يطمنك بس هو الانترا تقفيل مصرى ولا كورى ؟ الى موجوده فى مصر وياريت لو حد جرب الانترا او سمع عنها حاجه يقولى ؟ و برضه فى المقارنه خصوصا مع السوبر اكشن و التويوتا الجديده
|
|
#4
21-02-2009, 12:29 AM
|
|||
|
|||
|
رد: الانترا الجديدة
اولا اللى بيقول فرامل الألانترا ضعيفه , يبقى ماركبهاش عمره و يا ريت تحطلى رابط الموضوع اللى سيادتك قريت فيه الكلام الغريب ده ...... فرامل الألانترا من اقوى الفرامل لدرجه انها حساسه جدا و لازم تدوس بالراحه و ماتكبس عليها علشان هتفرمل فجأه و تلاقى اللى راكبين معاك فى الأزاز ........
بالنسبه للصاج .... هو ضعيف زى اى عربيه فى الموديلات الجديده و لكنه اقوى من صاج الانسر ........ الخامات الداخليه , خامات محترمه جدا و تستحمل لسنين طويله . الألانترا كلها صناعه كورى و تقفيل كورى و مافيش منها تقفيل مصرى خالص سواء الشكل القديم او الجديد.
__________________
اى موضوع او اى تعليق ينم عن رأيي انا الشخصى و لكم جزيل الشكر ,,,
|
|
#5
21-02-2009, 01:32 AM
|
|||
|
|||
رد: الانترا الجديدة
الاسيوي عموما صاجه ضعيف و ده لتخفيف وزن العربيه علشان السرعه و السحب واي هيونداي حيكون صاجها ضعيف تابلوه الالنترا تحفه انا ركبتها و ركبت الكورولا جنوب افريفي ( التابلوه الفاتح ) تابلوه التويوتا معجبنيش خالص .. حسيت انه بلاستك ... بعكس الالنترا .. تابلوه فخم حضرتك انزل اي معرض فيه النترا و اقعد جواها و خليه ينور التابلوه ..... يمكن تحس انه فاضي شويه ... بس جميل 
__________________
من تواضع لله رفعه The ultimate car would be designed by Italians engineered by Germans built by Japanese &
|
 |
|
|
