مشكلة مجننانى فى النوبيرا 2 معاقين

[marisa_boy]

السلام عليكم ورحمة الله

اخوانى الأعزاء أنا عندى مشكلة فى سيارة أخويا هيا موديل 2001 نوبيرا2 اوتو معاقين
والمشكلة ان لمبة power بتنور وبتطفى على طول مع لمبة تشيك منورة بردو
بس الى مجننى ان لما تيجى تديها غيار من N الى أى غيار تانى بتحدف (أو بالبلدى بتنطر زى متكون بتدور سيارة مانول على غيار وتنطر منك أو تنط كده ) وتمشى بس مبتسحبش وبتكون مخنوقى فى السحب بتعاها واللمبتين منورين وانته ماشى
بس أنا بالصدفة ولأن معنديس خبرة فى السيارات أوى بقيت أدور السيارة على طول أو مأصبرش لحد متحضر وأدور (أحط المفتاح فى الكونتاكت وأدور على طول بيقولو المفروض أصبر لحد مصوت معين كده بيحصل أول متفتح الكونتاكت وبعدين تديها مرش وتدور) لما باعمل كده والسيارة تدور أديها غيار بتأخد غيار عادى وبتنطش بس اللمبتين شغاليين مش عارف ان كان اللى بأعمله صح ولا غلط بس أنا بأعمله وبجد مش عارف أعمل ايه وبصراحة مفيش حد هنا فاهم فيها حاجة (المنصورة) رحت توكيل عيسى قالى مش بأشتغل فى الأوروبى أو المعاقين يعنى وبعدين رحت لمحمد على بتاع الفتيس أشهر واحد فى الحسنية فى المنصورة بردو قالى مش بأشتغل فى العربيات دى شغلها كله كهرباء وأنا مش بأشتغل فيها
على فكرة يا جماعة أنا رحت قبل كل دول مركز صيانة صغير كده فى ميت غمر وعاندو جهاز كمبيوتر وكشف على العربية وكشف الخطأ على الجهاز بيقول (CRANK SHIFT SENSOR NO.1 ERROR) وده من الكلاام بتاع المهندس وقالى ان فى حساس عايز يتغير اسمه حساس رقم 1 وقالى روح لمحمد على ده وهو يعملهولك ورحت ومعملش حاجة قالى مش بأشتغل فى العربيات دى
مش عارف أعمل ايه
لو فى حد عنده معلومة أو يعرف حد يفدنى هنا فى المنطقة (المنصورة يعنى ) أو فى القاهرة ممكن أروحلو بس بالله عليكم يكون مضمون ولا أجيب من الآخر وأغير الفتيس كله ولا إيه ؟؟؟؟
يارب حد يفدنى وأسف أطلت عليكم
السلام عليكم ورحمة الله

[marisa_boy]

ايه يا جماعة مفيش ولا رد واحد
مفيش حد عنده فكرة عن المشكلة دى
لالالالالالالالالا مش كده ياناس

[m.dardir]

يا باشا لو المشكلة مشكلة حساس سهل إنك تغيره بس المهم تلاقيه أو تعرف شكله لأنه غالباً هيكون إستيراد ولازم تلاقى حد عنده الفتيس ده محلول
أما لو الأمور إتأزمت معاك التوكيل بتاعها شغال فى القاهرة بس أعتقد إنك لو رحت التوكيل هيغيرولك الفتيس كله

[marisa_boy]

المشاركة الأصلية كتبت بواسطة m.dardir يا باشا لو المشكلة مشكلة حساس سهل إنك تغيره بس المهم تلاقيه أو تعرف شكله لأنه غالباً هيكون إستيراد ولازم تلاقى حد عنده الفتيس ده محلول أما لو الأمور إتأزمت معاك التوكيل بتاعها شغال فى القاهرة بس أعتقد إنك لو رحت التوكيل هيغيرولك الفتيس كله

أولا متشكر جدا لرد حضرتك عليا
ثانياً أنا سألت واحد شغال سواق قالى ان المشكلة دى ممكن تكون من جهاز الكمبيوتر أو مش عارف بيقوله عليه مشط الكمبيوتر حاجة كده
وقالى خد رقم السريال بتاعه وهات واحد زيه وإن شاء الله المشكلة دى هتتحل
فهل ممكن يكون العيب من المشط ده فعلا ؟؟؟؟؟؟؟؟؟؟

[aymanlaw]

غالباً هذا الفتيس تم تصليحه من قبل او تم تركيب طقم اصلاح له,وهذا ممكن معرفته اذا كشفت على الفتيس ووجدت انه يوجد سليكون على الفيتس يبقى تم اللعب فيه, اما ان هناك مشكله فى سربنتية التبريد الخاصه بلفتيس والموجوده فى السربنتينه الخاصه بتبريد المياه,وحيث ان هذه السربنتينه دائماً بسببها بيتلف الفتيس,فيجب مراجعة قربة المياه وملاحظة ان المياه ليس بها تغيير مثل وجود زيت عائم فوق مياه التبريد او لون مياه التبريد متغيره وقريبه من اللون الطحينى,لأن المياه بكده تبقى بتتسرب على كلاتشات الفتيس وهنا يبقى هينتهى,والحل هو الكشف على المياه والتأكد انها مياه صافيه لايوجد بها تسريب زيت,ثانياً:التأكد ان الفتيس لم يحل قبل كده,لأنه لو تم حله وتم تركيب طقم اصلاح لن يعود الى سابق عهده,والحل الوحيد هو تركيب فتيس جديد وهو اصبح رخيص فثمنه لايتعدى الألفين وممكن يكون ارخص,وهتجيبه من بورسعيد,لأنه موجود منه كثير.وان شاء الله يكون الموضوع اتحل.لأنى عارف ان رديت على الموضوع وهو مكتوب من مده.لذلك اتمنى ان يكون الموضوع قد تم حله على خير.