ارجو المساعده لآني محتار جدا

[mexpoloo]

ياجماعه انا معايا 20 الف جنيه وممكن ازود عليهم 3 الاف كمان وعاوز عربيه مش تتعبني وتخنقني وكل شويه اركن او احس اني ماشى بعجله او اجيب سرير ومخده وانام عند الميكانيكي كل يوم اتعرض عليا 132 و131 وانا رفضتهم بسبب ان العربيات دي قديمه واتهلكت فقولت راجل عجوز مهما تحاول ترجعه شباب هيفضل عجوز بردو لاقيت بالصدفه هوندا سيفيك سيدان موديل 84 موتور1500 cc وتكيف واتوماتيك بـ20 الف وكنت هخلص فيها بس لما جبت سمكرى معايا وروحت لاقيت صاحبها مغير نص امامي للعربيه وانا دلوقتي زهقت واتخنقت من العربيه الى هجيبها من قبل لما اجيبها فياريت حد يفيدني اعمل ايه ؟ انا شاب عندي 20 سنه ومحتاج عربيه شبيه بالهوندا الى شوفتها دي من حيث المكنه والرفاهيه
فى سؤال اخير معلش لو فكرت اجيب 132 بـ14 الف وحالتها حلوه وركبتلها تكييف وحاولت اعدل فيها بحيث تبقى زي العربيات الحديثه نوعا ما هل هينفع ولا لا
مستني ردودكوا ياجماعه

[mr_astra]

طب ما فكرتش فى الجولف 1

[akerima]

بص يا مان الموضوع بيتخلص في البحث الجيد وعدم التقييد باي نوع او موديل - فقط الحالة لان فية موديلات كتير لعربيات بقالها سنين شغالة لكن معمول فيها البدع فماتستعجلش وانا من وجهة نظري (مع عشقي الشديد للجلف) بس بلاش جلف واحد عشان مشاكل قطع الغيار فيها بالهبل والمبلغ اللي معاك حتصرف نصة في خلال حياة الجولف معاك انا من رايي فيات ايا كان او ماروتي او تحط المبلغ اللي معاك دا في اي زيرو وقسط الباقي

[بدر بسيونى]

الفيات ال132 عربية محترمة جدا وكانت فى فترة نزولها الافضل وكل اللى كانت معاه ما اشتكاش منها فال132 اختيار جيد وقطع غيارها متوفرة ورخيصة وبالتوفيق

[mexpoloo]

شكرا ياجماعه على ردودكوا وانا فكرت فعلا فى جولف 1 لكن لاقيت ناس كتير بتقولى قطع غيارها غاليه فليخليني افكر فى الجولف وقطع غيارها غاليه طيب مامن ضمن الي كان معروض عليا بي ام دبليو 316 اتنين باب بردو بس صالون اووسع واسم راكب بي ام لكن انا رفضتها لان قطع غيارها نادره وغاليه فى نفس الوقت
اما بقى الـ 132 حلوه وقطع غيارها فى السوبر ماركت وانا عارف ده بس المشكله اني عشان اعدل فيها واخليها عربيه يبقى هصرف كتير جداا يعني هيا قدامي بـ14 الف 2000 cc وحالتها كويسه بس حسبت المصاريف الى هصرفها عليها لاقيت نفسي العربيه هتوقف عليا بـ22 الف جنيه عشان اقدر احس اني راكب عربيه ومرتاح فيها هل التفكير ده صح ياجماعه ولا انا كدا بفكر غلط