هل يمكن معرفة قوة احصنة الموتور وهو راكب

[matmm]

يا جماعة ازاى اعرف قوة احصنة الموتور وهو راكب هل دة ممكن ولا مينفعش علشان يمكن بعد عشر سنين اشترى موتور لعربيتى يكون بقى معايا ثمن الموتور ال 12 الف ال ربنا يستر ساعها ميكنش غلى انا عارف يا جماعة ان انا بجيب سيرة الموتور فى كل مشاركة بس بصراحة انا جايلى يااس واكتئاب رهيب بسبب العربية فا مبلقيش حد غيرة افضفض معاةptmnlo123per144

[فادى]

فى أجهزة قياس بتعتمد على قياس منحنى العزم من العجل, و حسب نوع الدفع (امامى, خلفى) ممكن نجيب القوة الحصانية القصوى للمحرك لأن كل نوع من الدفع له معامل معين لفقد القوة,
و من منحنى العزم نقدر نستنبط كل خصائص المحرك.
اما الأجهزة دى ممكن تلاقيها فين فأنا معرفش.

[Nour_peugeot]

ببتتعرف عن طريق جهاز اسمه الدينز ميتار بس هو الحمد لله مش موجود في مصر

[AbOnOrA]

بالظبط ادق طريقة اعرفها عن طريق ال داينوميتر وهو عبارة عن جهاز بتطلع فوقيه العربية وتتثبت كويس وتدورها وتمشى بيها على كل الغيارات واثناء ذلك يقوم الجهاز بقياس العزم والقوة الحصانية الفعلية للسيارة

والجهاز ده موجود فى دول الخليج بكثرة وبيستخدم حتى من قبل ورش تعديل الاداء لقياس اداء السيارة قبل وبعد التعديل لكن للاسف لم اجدة فى اى مكان فى مصر حتى الان

[lancer.style]

ايوة انا فاكر انى شفت الجهاز دة فى Need 4 speed UG