عمرة ولا موتور استيراد وبعدين العمرة تعيش اد اية

[matmm]

دلوقت انت جايلى اكتئاب الموتور الى سقطتوا جاب طقم شنبر ومكملش سنة ونص وانا عارف ان لو عملت طقم شنبر مش بيعيش اكتر من سنة مع العلم ان رجلى تقيلة فى القرص وكدة فا اية الاحسن اعمر الموتور كلة وسمعت بردو ان الموتور لو اتعمر مش بيعيش اكتر من سنتين ونص ولا اسقط موتور تانى طب لو هسقط موتور تانى الاسعار فى بورسعيد بتفرق جامد عن هنا ولا اية العربية نوعها اودى

[hazem_khidr]

اي موتور حتجيبه او تعمل له عمره مش حيكمل معاك طالما رجلك تقيله
اصلها معادله صعبه جدا
موتور قديم او موتور متعمر او حتي موتور جديد مع رجل تقيله يبقي النتيجه سيئه
انا من رأيي تعمل طقم شنبر و ترخص عربيتك و تحسن سواقتك و بعدين تجيب موتور جديد بعد سنتين

[مهند سالم]

حضرتك بتقول لسة مسقط موتور. يعني الموتور إلا راكب في العربية ماتور استيراد زيرو، وحضرتك بتقول إنه جاب شنبر بعد أكثر من سنة، طيب وإيه أحسن من كدة، هو جاب شنبر بعد شهر ونص، ده جاب بعد سنة ونص يعني ممتاز جدا. يعني تفك الموتور بتاعك وتعمل الشنبر إلا هيكلفك بالكثير في حدود 1000 لما تبقى الدنيا بايظة، أحسن ما تجيب ماتور تاني بضعف المبلغ وتخش في دوامة ترخيص وإثبات موتور تاني، وبعدين في حد يرمي موتور زيرو لمجرد إنه جاب شنبر يا راجل.
ربنا يوفقك، وحسن سواقتك عشان تحافظ على عربيتك.

[دولا مجاهد]

بص ياريس مش اى واح يعمل عمره للماتور اى غلطه ولوبسيطه بتبوظ كل حاجه بعد سنه اوسنتين العمره لو اتعملت مظبوط الماتور ممكن يقعد معاك 5 او 6 سنين لان فى حاجات فنيه كتير جدا ممكن تاثر عليه ثانيا الماتور اللى انت سقطه اكيد استيراد وهو مش مضمون يعنى انت ماتعرفش ايه اللى فيه فى حل من اتنين 1- روح لمكانيكى عدل وبيفهم يعمرلك الماتور2-شوف ماتور استيراد واكشف عليه كويس جدا