تعونوا معنا للتصدي للمعاملة السيئة في أقسام المرور

[Meemo The Beast]

منذ أيام ذهبت مع أحد اصدقائي - للمرة الثانية لتجديد سيارته في مرور التبين الذي يعمل في تجديد سيارات الملاكي بحلوان و مايو بديلا لمرور حلوان الذي احترق أيام الثورة
و قد لاقينا أهوالا من معاملة سيئة و ازدحام لا يطاق و سقطات فجة في الإجرائات و فرض اتاوات و قد كتبت شكوى على موقع وزارة الداخلية
مفادها أن قسم المرور يخالف القانون بفرض الفحص الفني على كل من يجدد الترخيص حتى لو كان اخر فحص له العام الماضي (الفحص الفني يتم كل ثلاث سنوات حسب القانون) و عليه فإن سكان حلوان فحصوا العام قبل الماضي نظرا لإنتقال المرور من المعادي الى حلوان حينها ثم فحصوا مرة أخرى العام الماضي بدعوى تغيير اللوحات المعدنية الى لوات جديدة و يفحصون هذا العام ايضا لنقل المرور من حلوان الى التبين و أنا ارى ان هذا تهريج و تعذيب للناس
بالإضافة أن مرور التبين اصلا مرور خاص بالأجرة و النقل و له ساحة خاصة للفحص الفني و لكن يتم فحص الملاكي في شارع صغير خلف المرور مزدحم جدا بطالبي الفحص و الجدع اللي يلاقي مكان يركن عشان يفحص و لأننا شعب فوضوي بطبيعتنا فإن معظم الفاحصين يتركون سياراتهم في نفس المكان بعد الفحص مما يصعب الأمر جدا على من يأتي لاحقا ناهيك عن الرشاوي التي يتلقاها عامل البصمة و مهندس المرور لأن كله عاوز يخلص نفسه
ثم يأتي دور البلطجية الذين تحدثت عنهم مسبقا و الذين يفرضون أتاوة 5 جنيه على كل من يدخل منطقة الفحص الفني و5جنيه أخرى حتى تركن بالخارج و هذا ما يدعو الناس لترك سياراتهم بمنطقة الفحص الفني و أعاود مرة أخرى رأيي في أن هذه النصبة اما بمباركة قيادات المرور مع بلطجية حي التبين و القسمة في الآخر او دون علم قيادات المرور مما يعني أنهم طراطير لا مؤاخذة و الذنب هنا أقبح
الرجاء من الجميع المشاركة و محاولة ايصال اصواتهم الى كل المسئولين لأنني بدأت أفقد إيماني بالثورة

[AbOnOrA]

معاك طبعاً لازم وقفة مع إدارات المرور وقريباً ان شاء الله هيكون فيه مبادرة برعاية مصر موتورز فياريت كل اللى عندة اقتراحات لتطوير وتحسين اداء الشرطة المرورية يشاركنا بيه

[mahranahm]

والله يا اساتذة اكيد العيب مش فى الثورة
مش كل حاجة لازم تأخذ وقتها عشان تتغير بالذات النظام القديم ده عايز وقت كبير عشان يتغير الناس هما هما الموجودين فى المرور احنا قطعنا رأس الحية بس .
ويموت الزمار وصوابعينوا الموجودة فى الاقسام والمرور (( الامناء والبلطجية واصحاب الرشاوى )) بيلعبوا .
انا شايف ان لازم تكون فيه رقابه ادارية من المرور نفسة .
حاجة كدة مصغرة من (( من اين لك هذا )) تنزل ارض الواقع وتفتش على الناس بتوع الفحص والموظفين تفتيش مفاجىء عشان يشوفوا القرف الشعب بيشوفوا من الموضفين واصحاب المصالح .
ويكون فيه عقاب جامد عشان محدش يفكر يعمل كدة تانى انا عارف ان ده صعب بس اهو اقتراح وربنا يقدم الفية الخير

[AMMI]

المفروض بعد الثوره ما حصلت الناس تتغير هيه كمان مش راس النظام اتشال والباقى زى ما هوه
يعنى وزير الداخليه الجديد لسه لحد دلوقتى منزلش الشرطه بكامل طاقتها مع انه لو وقف المرتبات للناس اللى مش ملتزمه بمواعيد العمل تانى يوم كلهم هينزلوا مره واحده

الحاجه المهمه ان المعامله تتغير فى كل المرور مش مرور ومرور
والحل الامثل ان المفروض احنا فى 2011 ولسه لحد دلوقتى فيه نظام الطوابير المتخلف
المفروض يبقى فيه رقم الواحد ياخده اول لما يدخل المرور وينتظر باحترامه على كراسى الانتظار وبعدين لما يجى دوره يقف فى الشباك يسلم الرخصه ويتم تحديد ما يتم دفعه بالكامل من ضريبه وتأمين وكل شىء ويتم دفعه والانتظار على الاكثر لمدة ساعه لاستلام الرخصه الجديده

مش اللى بيحصل دلوقتى تشترى نموذج 351 من شباك ونموذج فحص من شباك تانى ووصل كمبيوتر من شباك تالت وهكذا من تامين وضرايب وخزينه ومخالفات وخلافه

ومن ضمن المقترحات برضه ميبقاش التجديد كل 10 سنين.

[AbOnOrA]

المشاركة الأصلية كتبت بواسطة AMMI المفروض بعد الثوره ما حصلت الناس تتغير هيه كمان مش راس النظام اتشال والباقى زى ما هوه يعنى وزير الداخليه الجديد لسه لحد دلوقتى منزلش الشرطه بكامل طاقتها مع انه لو وقف المرتبات للناس اللى مش ملتزمه بمواعيد العمل تانى يوم كلهم هينزلوا مره واحده الحاجه المهمه ان المعامله تتغير فى كل المرور مش مرور ومرور والحل الامثل ان المفروض احنا فى 2011 ولسه لحد دلوقتى فيه نظام الطوابير المتخلف المفروض يبقى فيه رقم الواحد ياخده اول لما يدخل المرور وينتظر باحترامه على كراسى الانتظار وبعدين لما يجى دوره يقف فى الشباك يسلم الرخصه ويتم تحديد ما يتم دفعه بالكامل من ضريبه وتأمين وكل شىء ويتم دفعه والانتظار على الاكثر لمدة ساعه لاستلام الرخصه الجديده مش اللى بيحصل دلوقتى تشترى نموذج 351 من شباك ونموذج فحص من شباك تانى ووصل كمبيوتر من شباك تالت وهكذا من تامين وضرايب وخزينه ومخالفات وخلافه ومن ضمن المقترحات برضه ميبقاش التجديد كل 10 سنين.

مش بس كده ده المفروض زى ما بيحصل بره انك ممكن تسلم او تبعت ورقك ويجلك ورقك تانى بالبريد وتدفع عند الاستلام


فيه حاجات كتير ممكن تتحسن بقرار بسيط عايزين افكاركم واقتراحتكم