سياره باسات استيشن بها موتور ديزل توربو 1800 س س رشه خارجى موديل 94 تساوى كام حالتها 60%

[alshura]

سياره باسات استيشن بها موتور ديزل توربو 1800 س س رشه خارجى موديل 94 تساوى كام حالتها 60% ماشيه 250 الف كيلومتر

[hazem_khidr]

مالهاش سوق و مالهاش قطع غيار و مش حتلاقي حد يصلح الديزل بتاعها

[mohamedkamel8677]

المشاركة الأصلية كتبت بواسطة alshura سياره باسات استيشن بها موتور ديزل توربو 1800 س س رشه خارجى موديل 94 تساوى كام حالتها 60% ماشيه 250 الف كيلومتر

أنا معايا باسات تربو ديزل و أقدر أفيدك فيها بس عاوز أعرف حاجة إنت بتقول هى ٩٤ يعنى العربية هى ٩٤ و لا الموتور ٩٤ ؟؟ و كمان مفيش فولكس ديزل 1800 CC إطلاقا الديزل فى الفولكس بيكون إما 1600 D أو 1600 TD و دة الموتور القديم من سنة ٨٤ حتى ٩٠ و بعد كدة 1900 D و 1900 TD من ٩١ حتى ٩٣ و بعد كدة من ٩٣ حتى ٩٦ فى 1900 TDI و دة أحسن موتور فيها و دة فية نوعين الأول ٩٠ حصان و كود الموتور 1Z و الثانى 110 حصان و كود الموتور AFN و دة أفضل من اللى قبلة و الموتور دة تحديدا قوى جدا و طرمبة الديزل فية لا يمكن تعطل و موفر جدا بيعمل من ٤٠٠ لتر فى الصفيحة

[alshura]

شكرا جزيلا للاستاد حازم خضر و الاستاد محمد كامل
بخصوص الاستاد محمد كامل والله ما انا عارف المشكله اننى اعشق الديزل الالمانى و معظم سياراتى خارج مصر اما ديزل فولكس او مرسيدس و لكنى لقيت الاعلان دا و حبيت استفسر هوه الاخ صاحبها حاطط الاعلان كده و طالب فيها 47 الف و انا شايف ان ال47 الف كتير قوى عليها خاصه انها ماشيه 250 الف كيلو يعنى خيرها راح وممكن اللى يشتريها تفتح بقها عليه و يخش فى متاهه بالنسبه للموتور انا ممكن اسال الاخ صاحبها و لكن هوه بيبقى مكتوب فين يعنى فى رقم الموتور والا على الموتور والا فين بالضبط
ولك جزيل الشكر مقدما بالمناسبه هوه موتورك ايه

[mohamedkamel8677]

المشاركة الأصلية كتبت بواسطة alshura شكرا جزيلا للاستاد حازم خضر و الاستاد محمد كامل بخصوص الاستاد محمد كامل والله ما انا عارف المشكله اننى اعشق الديزل الالمانى و معظم سياراتى خارج مصر اما ديزل فولكس او مرسيدس و لكنى لقيت الاعلان دا و حبيت استفسر هوه الاخ صاحبها حاطط الاعلان كده و طالب فيها 47 الف و انا شايف ان ال47 الف كتير قوى عليها خاصه انها ماشيه 250 الف كيلو يعنى خيرها راح وممكن اللى يشتريها تفتح بقها عليه و يخش فى متاهه بالنسبه للموتور انا ممكن اسال الاخ صاحبها و لكن هوه بيبقى مكتوب فين يعنى فى رقم الموتور والا على الموتور والا فين بالضبط ولك جزيل الشكر مقدما بالمناسبه هوه موتورك ايه

أنا عندى باسات استيشن موديل 2009 موتورها AWX 1900CC TDI تربو ديزل و فيها 130 حصان لكن أنا عملتلها تعديل و خليتة 170 حصان و على فكرة مش كُل الديزل الألمانى حلو يعنى مثلا الأوبل و الفورد و البى إم موتورات الديزل فيها و لا تدفع فيها جنية واحد عشان هتكرهك فى الديزل و كذلك الفولكس 2000 TDI CC و 3000 TDI CC أسوأ منهم كُلهم لكن الفولكس فيها 1900 TDI CC و 2500 TDI CC و 2700 TDI CC دى محركات تخليك تعشق الديزل مواتير تقريبا مبتعطلش و بالنسبة إنها عاملة 250,000 KM دة معناة إن موتورها فى الفولكس الديزل على الزيرو بمعنى الكلمة دى مواتير بتوصل لمليون كيلو متر و أقل شيئ 750,000 KM لكن أنا بقولك مفيش فولكس 1800 CC ديزل الموتور الوحيد اللى بيجى 1800 CC ديزل بيجى فى الفورد و لو كان موتورها فورد و صاحبها هو اللى حاطة فإبعد عن الديزل فى الفورد و كمان لو كانت بنزين و صاحبها قلبها ديزل فهتقبلك مشاكل كتير زى مثلا صوت الموتور و إنت قاعد فى الكابينة هتحس كأنك قاعد فوق موتور جرار عشان عربيات الديزل ليها عزل مخصوص و كمان إن وزن العربية خفيف لأن عربيات الديزل أتقل من البنزين بحوالى 300 KG و كمان الكبالن مختلفة تماما و الدبرياج و كل حاجة مختلفة حتى ديسكات الفرامل الأمامية مختلفة عشان بيجلها نوع عامل زى ميكون ديسكين فى بعض فى بينهم فراغ عشان يعدى الهوا بينهم و يبردهم عشان يبقى فى موازنة فى درجة حرارة الديسكات أثناء الفرملة مع قوة ضغط التربو ... و دى صور للموتورين اللى قولتلك عليهم و هما راكبين على العربية 1Z و AFN