حصريا احداث يوم التصويت على الدستور فى مصر موتورز

[Saif eldien]

حصريا احداث يوم التصويت على الدستور
بداء اليوم من الساعة 7:00 صباحا تقابلت انا والمستشار وكان معاة اوراق التصويت وذهبنا الى لجنة فى مدرسة .......... تابعة للبساتين وصلنا الساعة 7:40 والمدرسة بها 3 لجان وكل لجنة بها مستشار ومن 12 الى 11 شخص يساعدونة بيكون اللجنة بها 4 صناديق ويكون على كل صندوك 3 مساعدين والمستشار يراقب ال 4 صناديق ال تابع لة فى لجنتة
بداء دخول الناس الساعة 8 صباحا المدرسة بها افراد من الجيش والشرطة لتامين الدرسة والجان اجمع شباب كثيرة متطوعة للمساعدة خارج المدرسة وبعيد عن الجان يقدمون عصائر ومياة وبعض الحلو والمناديل للناس الكبيرة
تهافت كبير من الناس فى الحضور والتصويت افراد سنها كبير وصغير وكانت المفاجئة ان ناس اول مرة فى حيتها تنزل وبيقول كدة فعلا حتى الشباب ال سنة اقل من 18 عام كان بيحضر ونفسة يقول صوتة بس مكنش بينفع وناس سنها اكثر من 75 عام مخلين اولدهم ينقلوهم الى اللجان للتصويت يوم كبير ومجهود اكبر علشان التنظيم والمراقبة المستشارين ناس كويسين فعلا مفيش تعالى بيحولوا يحلوا المشاكل البسيطة للناس علشان محديش يفقد صوتة فى التصويت
كان فى تعاون كبير من كل الناس ناس كثيرة بتقسم انها اول مرة فى حيتها تنزل وتقول صوتها بجد وناس جيبة ابناها الصغار علشان عيزين يفرجوهم ويخلقوا فيهم شى اسمة المشاركة وعدم السلبية عرفين حجات كثيرة اتغيرت فى الناس وناس اول مرة تشارك عمال يومية وحارسين عقار وسواقين مكروباص ومكانيكيا وجميع الفئات شباب سنهم صغير كان نفسهم يشركوا بس سنهم لم يكتمل
مقدرش اقول غير انها بداية اعمار وتقدم وازدهار فى مصر الناس فاقت بجد مجهود خرافى اتعمل طول اليوم وتنظيم تلقائى من الجميع
وفى اخر اليوم تم فرز جميع الاصوات داخل كل لجنة وعمل ذلك بمشاركة الجميع من من كان موجديدن فى اللجنة الفرز بيتم مرة واثنين والعد ومراجعة العدد فى الكشوف لان كان بيتم التصويت كالاتى بيدخل الفرد يسلم بطاقتة واحد يكتب اسمة فى دفتر ورقم بطاقتة ويخلية يوقع بجانبة وبعدين ياخد ورقة ويقول راية ويضعها بنفسة داخل صندوك ويغمس اصبعة فى مدة الحبر بمساعدة شخص ويستلم بطاقتة ويخرج من اللجنة
بعد الفرز ودة خلص على الساعة 10:30 وبعد الاخر على الساعة 11 حسب عدد الحضور فى الجنة وفى لجان خلصت الفرز فى الساعة 10 وبعدين ذهبنا الى محكمة جنوب القاهرة لتسليم النتيجة والورق بتاع التصويت والورق الفارغ التبقى والدفاتر
الخلاصة وراى :
انا مريت بتجارب الانتخبات دة كثيرة منذ الصغر وشفت انتخبات محليات وانتخبات مجلس شعب وشفت امور كثيرة وشفت يعنى اية تزوير ويعنى اية فلان لازم ينجع ويعنى اية دة لازم ينجح علشان فى تعليمات ويعنى اية تعالى وفلان ضامن ينجح ويعنى اية لخبطة وفرز اى كلام انما الان الموضوع اتغير
اتغير علشان الناس كلها عيزاة يتغير يعيزن لانهم عرفين حقهم ومش هيتنزلوا عنة ويعنى اية دقة ومراجعة صح وفرز صح والبحث ان نصل الى افضل الامور من الدقة بغض النظر ان قلة الامكانيات ولاكن حدث تغير كبير
ناس كثيرة فرحانة لوءات فى الجيش والشرطة بتشيل بنفسها ورق ودفاتر مفيش تعالى ال يقدر يساعد بيساعد علشان فرحتهم لواء شرطة بيقولولة يا باشا عنك احنا نشيل قالهم انا فرحان انى عيشت علشان اشوف اول انتخبات حرة ونزية بجد حتى المستشارين بردة مجهود كبير جدا لا اجد كلمات توصف ما حدث ومهما اوصف لن اصل الى انى اقدر انقل لكم الصورة الحقيقية من المجهود وفرحة كل من اشترك فى الموضوع
احلامى
ناس عملت ثورة وناس استشهديت وناس نظافت الشوارع وناس بنيت وناس لسة هتبنى
صدقونى من المشكلة فى الفساد السابقك لان ممكن يكون فى فساد قادم المشكلة اننا احنا ال بايدنا يكون فى فساد قادم او لا
لو لينا حد بيمشى فى الشارع عكس الاتجاة
لو رمينا زبالة فى اى مكان بحجة مفيش زبال ومعقول همشى وانا شايل الزبالة ادور على مكان ارميها فية
لو طلبنا رشوة او عرفنا وسكتنا او حتى سعدنا فى ذلك
لو خفت تقول كلمة حق حتى لو فى مين
لو كان عندك شكوة من شى قولها
لو سيبنا حقنا حتى لو كان صغير
لو سكتنا عن الفساد من اصغر طرف الى اكبر طرف فى الموضوع
عيزين نبنى ونترك القديم الفترة القادمة اهم شى كل طرف لازم يتغير ويكون لية دور ايجابى ينفعش يكون دور بسيط لاوم دور كبير
حد سال نفسة هو عمل اية من بعد ثورة 25 يناير غير انة كتب او نقل خبر وبس طيب وبعدين هيعمل امتى هيكون دورة الايجابى امتى
منتظر رايكم وافكاركم الايجابية