|
#1
14-03-2011, 10:46 AM
|
|||
|
|||
الباسات وما ادراك ما الباسات عاوز استشيركم فى باسات 2009
السلام عليكم
طبعا انا معجب بالباسات جدا وبشوفها من بعيد ببقا عامل كده  عاوز اعرف حاجتين تلاتة العربية ديه لو جبتها ايه نظامها عشان بشوف مشاكل ليها غريبة بصراحة ومكلفة جدا ثانية اللى معاه الباسات طبعا عارف التوكيل نار فانا عرفت ورشة ورا حديقة بدر هل بردك مكلفيين لانى هروح اكشف عندهم بصراحة انا الباسات والسيفيك بيلعبوا فى دماغى 50 الى 50 وعاوز اشوف اى مشكلة فى حد فيهم عشان اقوله بخ وهل فعلا الباسات متلقش على الشباب  تعديل بسيط انا مش هفكر فيها دلوقتى غير لما الموديل الجديد ينزل عشان تنزل من سعرها شويتين الموضوع ده كاتبه زميلى فى الشغل احتل الاكونت منى ياجدعان 
|
|
#2
14-03-2011, 09:34 PM
|
||||
|
||||
|
رد: الباسات وما ادراك ما الباسات عاوز استشيركم فى باسات 2009
وعليكم السلام ورحمة الله وبركاته
إسمحلي أرد على حضرتك بصفتي واحد من الناس كان عايز في يوم يشتري السفيك الجديدة و بعدين ربنا كرمه بالباسات أولا : فعلا الباسات الجديدة فيها مشكلة في ناقل الحركة و للأسف ظهرت المشكلة عندي بس الحمدلله التوكيل وعد بحل المشكلة و قاموا بإستيراد دبرياج كامل جديد على حد قولهم و حيتركب في خلال فترة وجيزه إن شاء الله ثانيا:أعتقد أن شكل الباسات جميل جدا و بيمشي مع الشباب برضه بس السيفيك بتليق أكثر و في الآخر الموضوع كله أذواق ثالثا: الشكل الجديد للباسات لسة نازل الأسبوع ده في التوكيل و اعتقد ان البيز لاين بيعمل 224 الف و الهاي لاين بيعمل 270 الف
__________________
 قال رسول الله صلي الله عليه وسلم( إن لله عبادا اختصهم بقضاء حوائج الناس, حببهم إلي الخير, وحبب الخير إليهم, هم الآمنون من عذاب الله يوم القيامة).
|
|
#3
15-03-2011, 10:33 AM
|
|||
|
|||
رد: الباسات وما ادراك ما الباسات عاوز استشيركم فى باسات 2009
انا بردك سمعت السيفيك فيها عيب فى الفرامل وبما ان الشكل الجديد خلاص نزل انا هتوكل على الله واصلى صلاة استخارة بس حابب اعرف هى المشكلة اللى فى الدبرياج حضرتك مستلم العربية بيها ولا ده حصل بعد اما مشيت بالعربية وبسبب ولا بدون سبب
|
|
#4
15-03-2011, 11:13 AM
|
||||
|
||||
|
رد: الباسات وما ادراك ما الباسات عاوز استشيركم فى باسات 2009
مشكلة الدبرياج ظهرت بعد استلام السيارة بفترة ...اعتقد انه لما وصلت ل 4000 كيلو بدأت أحس بالمشكلة على خفيف و بلغتهم بالكشف على الفتيس و انا باعمل صيانة ال 5 الاف و بعدين قالولي انه كله تمام و انا باستلم العربية ثم بدأت المشكلة تكبر و طلبت الفحص عند صيانة ال 15 الف و نفس السيناريو اتكرر لحد ما رحت عملت مشكلة مع المهندس و فعلا اعترفوا بوجود مشكلة بس كنت وصلت ل 19 الف كيلو...العربية ماشية مش عطلانة و الموتور زي الفل و لسه ماشي بيها على 200 ك/س من كام يوم بس مشكلة الفتيس بتظهر على شكل رجه او رعشة جامدة جدا عند نقل التروس من 1ل 2 او 2 ل 3 فقط و بعد كده مفيش مشكلة
__________________
قال رسول الله صلي الله عليه وسلم( إن لله عبادا اختصهم بقضاء حوائج الناس, حببهم إلي الخير, وحبب الخير إليهم, هم الآمنون من عذاب الله يوم القيامة).
|
|
#5
15-03-2011, 05:07 PM
|
|||
|
|||
|
رد: الباسات وما ادراك ما الباسات عاوز استشيركم فى باسات 2009
ممكن يا اخ mshamy تدينا تفاصيل اكتر عن موضوع العيب دة. و عن تكلفة و مدي صعوبة تغيير الكلاتش أو الدبرياج خارج التوكيل (السيارات الخليجي). وهل فية فرق بين تغيير الكلاتش أو الدبرياج و تغيير ال Gearbox Head. اعتذر للاطالة و جازاك اللة خير.
|
 |
|
|
