الحقونى بالله عليكم وخصوصا باشمهندس سمير عياد

[lion-205]

السلام عليكم ورحمة الله وبركاته
اولا عربيتي فليشيا كومبي 1300 سي سي موتور mpi multipoints injection
موديل 2000
بستعمل بنزين 90
المشكلة عندي بقي ايه
صلي على النبي
اكون ماشي عادى ولكن لما الموتور يوصل ار بي ام 30 تقريبا احس ان الموتور مخنوق واتكتف وتحس انه مش قادر يجر العربية والعربية تبطئ جدا احساس كأنى فرملت سنة بسيطة وشوية وتنتش وشوية وتسحب سحب الصاروخ وهكذا دواليك
وانا على الوضع ده والموتور متكتف لو دست دبرياج الموتور يصرخ والاربي ام يعلي
مش عارف الحل ايه؟؟؟؟؟؟؟؟؟؟؟؟؟
شكرا مسبقا واسف على الاطالة بس ده عشمى فيكم

[mahranahm]

انا بالامانة معرفش الحل لكن ان شاء الله تعالى حد من اخواتنا بتوع قسم الصيانة والمحركات يردوا عليك

لكن ليا طلب معلش متفهمهوش غلط
من رأى منكم منكرا فليغيرة

بلاش كلمة والنبى دا شرك خلى بالك
خليها بالله عليكم ايه رأيك
واتمنى انك توصل بالعربية بتاعتك للحل بتاع المشكله بأذن الله تعالى

[lion-205]

المشاركة الأصلية كتبت بواسطة mahranahm انا بالامانة معرفش الحل لكن ان شاء الله تعالى حد من اخواتنا بتوع قسم الصيانة والمحركات يردوا عليك لكن ليا طلب معلش متفهمهوش غلط من رأى منكم منكرا فليغيرة بلاش كلمة والنبى دا شرك خلى بالك خليها بالله عليكم ايه رأيك واتمنى انك توصل بالعربية بتاعتك للحل بتاع المشكله بأذن الله تعالى

عندك حق وشركاء فى الثواب ان شاء الله
وهاعدل العنوان

[احمد على 1999]

اكيد تقصد rpm 3 على العداد (لو العداد مضروب فى 1000)او 3000 فعلى (الا لو العداد مضروب فى 100يبقى كلامك صح)
هو مفيش لمبة check منورة فى التابلوه؟
شاكك فى حاجات كتير زى الtps او ال egr
و حاجات تانية بس هل فى اعمال صيانة او اعطال حصلت متزامنه مع المشكلة؟

[lion-205]

استاذ احمد على
شكرا لسرعة ردك
اولا الضرب فعلا فى 100 فى العداد
ثانيا نظام الكمبيوتر فى الفليشيا مش كامل وشامل زي العربيات الحديثة
يعنى مش فيه check engine
ولكن هوه نظام للانجكشن بس
يعنى بسيط
شكرا