لماذا لا نفعل حملة خليها تصدي في ضوء الثورة المجيدة

[Meemo The Beast]

إخواني الأعزاء أعضاء المنتدى الراقي مصر موتورز
اليوم جلست أفكر ما الذي يمكن أن تؤثر عليه ثورتنا المجيدة , لقد قامت هذه الثورة في الأصل للقضاء على مواطن الفساد و المفسدون في هذا البلد فقلت لفسي ألم ننادي مع أخواننا منذ سنوات بحملة خليها تصدي للوقوف أمام التجار المسعورين؟ و إن كانت هذه الحملة لم تؤتي أكلها حينها لسيطرة الفساد و المفسدون على كل مناحي الحياه
فاليوم أزعم أن لكل منا روحا جديدة تبحث عن كل فاسد لتقضي عليه و ليس أقرب منا في هذا المندى سيوى مجال السيارات الذي أعياه الفساد فالملاحظ بعد الثورة أن التجار بكل وقاحة بدأوا في رفع الأسعار من جديد كما لو كانوا يريدون الحصول على أعلى استفادة قبل الطوفان الكبير, فلماذا نسمح لهم بالمزيد من ذلك؟ لماذا لا نبدأ في مقاومتهم و تعريتهم أرجو من كل الزملاء المشاركة بآرائهم لوضع استراتيجية جديدة تمكننا من تطهير سوق السيارات في مصر من الذين حرمونا على مدى السنوات الماضية من التمتع بالسيارات كأقراننا في الدول المجاورة و صدقوني كما قلت مرارا و تكرارا القضية ليست قضية الجمارك بقدر ما هي قضية طمع و فساد التجار الذين لم يعد لديهم من يستندون اليه بعد انكشاف اساطين الفساد التجاري و السياسي في مصرنا الحبيبة

[Meemo The Beast]

يبدو انكم جميعا سعداء و أن سوق السيارات على ما يرام و أن تجار السيارات في مصر كلهم ملائكة و الأجنحة بارزة على ظهورهم و أنا بس اللي كنت شايف ان احنا في مشكلة
فعلا الواحد المفروض يهتم بالسيارات السوبر اللي بنشوف صورها و الموديلات الفارهة لكن مشاكلنا الحقيقية لا تؤرق أحدا و فعلا اللي معاه فلوس بيشتري حتى لو التجار ولعوا فينا ما تفرقش مش مهم

[sad-bird]

والله يا ريت تتعمل الحملة وتنشط من تاني
لكن انا عن نفسي مقاطع السيارات دلوقتي



استر عليا وبلاش فضايح

[Meemo The Beast]

المشاركة الأصلية كتبت بواسطة sad-bird والله يا ريت تتعمل الحملة وتنشط من تاني لكن انا عن نفسي مقاطع السيارات دلوقتي استر عليا وبلاش فضايح

عارف يا ساد بيرد المطلوب هو ايجاد طرق لكشف الفساد المستشري بين تجار و وكلاء السيارات حتى يراهم الجميع على حقيقتهم مما يحول دون استمرار مبيعاتهم على ذلك النحو الذي يضمن لهم دائما الإستمرار رغم ظلمهم و جشعهم البين
فما أفشل الحملة سابقا هو السلوكيات المنطوية على المنظرة لدينا بلإضافة إلى أن من معهم المال مستعدين للشراء بأي أسعار مما يسمح للتجار بالنمو في ببئة صالحة لإستمراريتهم
و الجميع يعزون إرتفاع أسعار السيارات الى الجمارك, نعم الجمارك قد تكون مؤثرة و لكن أيضا هوامش ربح التجار أكثر فداحة و المواصفات التي يستوردونها هي الأدنى في المنطقة و الإعانات التي يحصلون عليها لتجميع السيارات في مصر لا تؤثر مطلقا في تحسين أسعار السيارات المجمعة محليا
المطلوب الكشف بشفافية داخل عملية صناعة و بيع و توزيع السيارات في مصر لما يشوبها من أهوال لا يعلمها العامة و المطلوب هو أجهزة رقابية لا يعوقها رشاوي أو حاجات من اياها حتى تكشف لنا ما يدور في ذلك العالم الذي يعيث فيه التجار و الموزعون فسادا

[sad-bird]

للأسف الفساد موجود بينا قبل ما يكون فوق
مش في الجمارك بس ولا في الاسواق بس ولا في الحكومة بس
بينا وبين بعض موجود الفساد
واضربلك شوية امثلة بسيطة للحياة اليومية
لو روحت تجيب عيش تلاقي صاحب الفرن شغلا عادي بيبع ولا في دماغه لكن لو واحد حبيبه دخل عليه يقوله اصبر شوية اصل العيش مش خمران كويس استني لما يتظبط وهديلك
لو واحد فلاح عنده شوية بيض والا جبنة والا خضار كويسين يروحمعدي على واحد حبيبه يقوله دول ليك وثمنهم كذا قب لما يفكر يروح لواحد تاني او ينزل بيهم للسوق لمجرد انه بيحب فلان ده عن غيره
تروح للميكانيكي اللي انت عارفه يركن كل الناس اللي عنده ويقف على عربيتك انت يخلصهالك ليه ياعم اشمعنى ده اصل ده حبيبي - اصل ده مقدر اتأخر عنه اصل بيدفعلي اكتر او بيدفع من غير فصال .... إلى اخره من مواقف مستفزه في حياتنا اليومية

اما بقى عن رفع الجمارك فانا ليا رأي تاني خاااااااااااااااااااااااا االص والناس كلها هتستغرب رأيي ده
انا مع فرض رسوم اضافية على السيارات المستوردة او السيارات التي ليس بها اي مسامهة مصرية
ليه بقى
لان بكده انا هشجع المنتج الوطني وده هيفتح شركات ومصانع وتشغل فيها ولادنا وولادنا لما يشتغلوا وينتجو نبقى عوزين نصدر نشغل التجار في التصدير
يبقى من باب اولى بدل تخفيض الجمارك
لا انشاء مصانع وانشاء خطوط انتاج لسيارات مصرية او سيارات تجميع مصري على الاقل في المرحلة الحالية
وتحسين الانتاج خصوصا في حاجات الكماليات بدل ما اروح اجيب منتج صيني وال هندي والا تركي لا اروح اجيب المنتج المصري
مع العلم ان المنتج المصري عالي الجودة في الغالب لكن رديء التشطيب

شكرة زي النصر للسيارات ( الفشل للسيارات على رأي واحد حبيبنا ) ليه ما استغلش قدرت الشركة دي واماكنتها وارجع عمالها اللي حولتهم معاش مبكر واجيب طلبة هندسة تعمل مشاريعاها فيها وتنفذ التصميمات بتاعتهم على ساشية مصري - وماتور مصري - وفرش مصري - وتابلوة مصري ومنظومةتعليق مصرية 100 % تفتكر ده هيتكلف كتير ولو اتكلف كتير النهاردة على المدى البعيد هيبقى تكلفته ايه مع مراعاه انالبينة التحتيه للمصنع موجوده انت هتطورها بس يعني تكاليف الانشاء هتبقى اقل لانك مش هتبدأ من الصفر ( عندك الارض وعندك المكاتب وعندك الورش وعندك العدد كلها وعندك الروافع يبقى ناقصك ايه المعدات الحديثة وتدريب الايدي العاملة ) وفوق ده عندك مراكزالصيانة متوافره في وسط البلد وفي اماكن معقولة ولا هتجيب اماكن سعرها عالي ولا هتروح في الصحراء
انا شايف ان لو وزير الصناعه ووزير المالية خصص ميزانية لاعداه تطوير النصر للسيارات ممكن في خلال 5 سنين نسمع ان فيه عربية مصري تنافس السوق الاسيوية على الاقل ( ما عدا اليابان طبعا )
والا ايه رأيك