عندى مشكلة و مش عارف تتحل إزاى

[faroog]

أنا إشتريت عربية وإستلمت ورقها كله..و روحت رخصت 3 سنوات بس كان فى مشكله أن لما الراجل اللى فى المرور جه ياخد البصمه بتاعت الموتور ما قدرش علشان الأرقام مش بارزه.. وبعدين راح واخد الرقم من شهادة البيانات ورخصت وكله تمام..بس لما روحت البيت و بصيت على رقم الموتور لاقيت انه مكون من 5 أرقام بس فيهم رقم غلط.. يعنى الموتور رقمه 35365 بس الرقم اللى فى شهادة البيانات و المبايعه و شهادة الافراج الجمركى و الرخصة كان 35355 ..إيه العمل دلوقتى ؟؟ على فكرة أنا رخصت 3 سنين على الرقم الغلط و الرخصة طلعت بالرقم الغلط

[faroog]

إيه مافيش حل ولا إيه

[zago boss]

عادي جدا وبيحصل اكتر من كده كمان
متشلش هم خالص
انا عندي برضو رقم مختلف
اللي في الموتور اخره 9 وفي الرخصه اخره 6 ولما جيت اجدد الرخصه وافحص العربيه
اخد البصمه صح وطلعلي الرخصه غلط برضو

بجد مافيهاش حاجه ولو جيت تفحص بعد 3 سنين متنساش تهزق مهندس الفحص

[faroog]

بس ياباشا المشكلة عندى إن كل لورق طالع غلط يعنى الورق طالع برقم 35358 والرقم اللى على الموتور 35368 ولما جه الراجل ياخد البصمة ماطلعتش معاه خالص حيث أنه حاول خمس مرات و بعدين لما زهق راح واخدها من شهادة البيانات اللى هى فى الاساس غلط مش عارف أعمل إيه

[zago boss]

طيب علشان اطمنك
دلوقتي انت رخصتك سليمه يعني لو واقف في لجنه ولا حاجه مش حيقولك وريني الرقم اللي على الموتور ...مش شغلته

نيجي لما تيجي بعد 3 سنين تجدد الرخصه وتفحص العربيه
حيجي الراجل بتاع البصمه ياخد البصمه
معرفش حيكتب الرقم اللي عالرخصه اللي هو غلط برضو ....عادي
ومهندس الفحص حيعتمده ويمضي وتاخد الرخصه وتروح بيتكم سعيدا هنيئا

السيناريو التاني
انك بتبيع العربيه
الراجل حياخد العربيه ورخصتها وعقد البيع المسجل
ويروح يرخصها
حاجه من الاتنين
يا اما الراجل بتاع الفحص عرف ياخد الرقم صح وساعتها حيتكتب الرقم الصح ويخلص الموضوع
يا اما حيحصل نفس اللي حصل معاك ويتكتبله رقم غلط
وبرضو الرخصه كده سليمه مليون في ال100

مادام الغلطه في رقم او رقمين بيصلحوها عادي لما تيجي تجدد يعني مش حيقولك هاتلي ورق الموتور ولا يعملك فيلم
الفيلم ده بيتعمل لما يبقى الرقم على الرخصه مثلا 951753 والرقم على الموتور 1254864
ساعتها برضو ليها الف حل

اتطمن