انا اتنشلت ولازم بطاقة عشان اكمل اجراءات العربية افيدونى

[الوان الطيف]

السلام عليكم

قعدت الف فى المنتدى عشان الاقى القسم المناسب عشان موضوعى ملقيتش
بس قولت ان قسم اسكندرية ان شاء الله هيساعدونى

انا اتنشلت والمحفظة كان فيها البطاقة للاسف
ملقتش حتى مكان اعمل فيه محضر بس سيبت اسمى مع رائد جيش
المهم انى عايزه اطلع بدل فاقد
ومعيش الا صورة البطاقة
لو حد يدلنى اجيب الورق منين ولو مكان اخلص فيه البطاقة واتصور غير الاقسام الولعت
اى هيئة حكومية فى اسكندرية مستعده اروحها بس تطلع
عشان نفسى اخلص الرخصة والورق
ولكم منى جزيل الشكر

[zaraki]

روح السجل المدنى التابع للمنطقة ال انت ساكن فيها و هو هناك هيشوف اسمك على الكمبيوتر و هيصوروك و يحددو معاد الاستلام و يا ريت يا جماعة لو حد عنده معلومات كمان يقولها

[إسـلام]

اعتقد مفيش أكتر من مديرية أمن اسكندرية اللي في سموحة هية اللي تفيدك في طلبك
لإن معظم الأقسام اللي في إسكندرية اتحرقت

غالباً هتشتري إستمارة البطاقة تاني , و هتكتبي بياناتك عادي , و هتعلمي في أول الإستمارة علي خانة بدل فاقد , و هيدوكي وصل تستلميها بعد اسبوع او حاجة .
و ممكن ياخدوا منك صورة من بطاقتك اللي ضاعت يرفقوها مع الإستمارة

أهم حاجة في اقرب وقت لازم تعملي محضر بفقدان بطاقتك و تخدي رقمة , إما لما تروحي مديرية سموحة و لقيتي ظباط هناك بيعملوا محاضر , أو اول ما الشرطة ترجع شغلها علطول .

[الوان الطيف]

الف شكر لمساعدتكم
وان شاء الله اروح على المديرية
وربنا يسهل

[kimocyc]

اعتقد والله اعلم.. ممكن تعملي بدل فاقد من على صفحة الخدمات الخاصة بالحكومة الاليكترونية..

وحتوصلك البطاقة لحد باب البيت وحتدفعي لما تسلميها.. (56 جنيه) - اطلبي ده وانتي بتملي الاستمارة اون لاين -


وبس خلاص