عضو جديد .. وبأذن الله ناوي اشتري 250 او 400 .. ومحتاج مناقشة قوية

[koko200]

بسم الله الرحمن الرحيم

ازيكم يا رجالة عاملين اية ... شعور غريب لما تبقي ماشي في الشارع وتسمع صوت جاي من بعيد .. تلاقية بيخلي كل جزء من جسمك بيرتعش ... ولما تكبر شوية تلاقي عينك ورقبتك .. بتلف يمين وشمال علي اي مكنة بتمشي قدامك .. وياسلام لو عديت من جنب معرض وتفضل تتخيل نفسك بالمكنة الي قدامك .. وانتا راكبها او سايقها او بتجري بيها ... وصدمتك بالواقع لما تفاتح اهلك بموضوع البايك وتلاقي الرد الي يصدمك ..
انا كنت واحد من الناس دي .. وللأسف اكتر حاجة مضايقاني اوي اوي دلوقتي .. يمكن وانا بكتب الموضوع دة
ان ال 3 سنين الي فاتو من عمري كان عندي المقدرة اني اشتري المكنة .. طبعا مش كاش .. بس الي هوا لو حوشت كنت جبتو

بس الحمد الله علي كل شي انا الفكرة كبرت اوي في بالي بقالها 4 - 5 ايام من تاريخ كتابة الموضوع وامبارح قعدت علي المنتدي بتاعكم اكتر من 19 ساعة بقري وبفصص كل موضوع وخصوصا للباشا jack_box من اول مواضيعو في القسم .. حتي الحادثة المؤلمة .. حتي الجيش

بس اقل كلمة تتقال علية انو انسان اكتر من محترم بيساعد الناس .. وبيوفر عليهم حاجات كتير ..

عمتا انا حابب اعرفكم بنفسي (اخوكم حسام يونس ) مدينة نصر

24 سنة مهندس

قررت بأذن الله ابداء بتحويش جزء من المرتب من اول الشهر دة وفي حوالي بأذن المولي 8- 9 شهور اكون جهزت المبلغ المناسب 12-15 الف جنية

وعلي حسب سعر السوق .. او نصيبي اكون جبت المكنة

ودة كان ليا اكتر من استفسار وحاجة للمناقشة .. ياريت الاعضاء تشارك معايا فيهم


في البداية من اكتر النصائح الموجهة للمبتدئين مثلي ... هوا ال CBR250

واعتقد ان دة الشكل المنتشر بشدة في بلدنا الحبيب مصر



كان استفسار عن المكنة دي (العادية ) .. فالنفترض ان لقينا مكنة 250 هوندا

(افراج جمركي ) لكن كذا شكل .. او كذا لون ..




وان الحالة لتلات العامة لل 3 اشكال من ناحية (الماتور - الجسم ) واحدة

هل يوجد اختلاف في السعر ؟؟ دي اول نقطة لان لاحظت ان في محلات بتبيع كل شكل بسعر (يقولك اصلو لون مميز - لون مش موجود - الطلب علية عالي )

--------------------------------

تاني نقطة حابب اتناقش فيها معاكم

الريسات ال 250 بالذات بتكون موديل من 89 حتي 92 93 ... والمصيبة اني سمعت انها بتكون مكتوب عليها 92 في الورق لكنها اقدم من كدة

ازاي بتكون جديدة ؟؟ انا عارف انها استعمال الخارج (لو افراج جمركي ) لكن انا اقصد ازاي بتكون استعمال ممتاز .. واية الي يضمني ؟؟ وهل الماتور بيكون معمول لية صيانة ؟؟ .. ولا الاجانب استخدامهم للحاجة نضيف .. او صيانتهم مميزة عن مصر ؟؟

وهل لما اجي اشتري احاول اشتري بايك موديل انتاج( حديث ) ولا مش هيفرق الحالة ثابتة ؟؟

-------------------------------------------

تالت نقطة للنقاش اخواتي الاعزاء .. سمعت ان ال 250 حجمو وطولو صغيرين جدا .. وهيسبب مشاكل للناس الطويلة .. طب انا راجل عندي 24 سنة .. وطولي 170 سم .. هل هيكون مناسب عليا .. ولا الناس هتضحك عليا وتقولي اية الي انتا راكبو دة

فطوطة والشغل دة ..

----------------

سمعت ان في تعديلات بتتعمل علي البايكات لرفع الاداء .. .. هل دي الخطوة المقبلة بعد ما اشتري ال 250 .. الاستاذ العزيز jackbox شوفتلو كلمة .. بترن في ودني

ان بعد فترة من ركوب ال 250 .. هتحس قد اية ان البايك الي معاك نكرة .. او حاجة قليلة لما تشوف 400-600-900 معدي من جنبك

طب يفضل الواحد يختصر الطريق بي 400 تقعد معاة 3 -4 سنين .. ولا يجيب 250 يقعد عليها سنة .. وبعدين يعدل ويرفع الاداء .. ويقعد عليها كمان سنة ..وبعدين يبيع وربنا يكرمو ويجيب 400 ؟؟

----------

هل يوجد حاجات بتركب للبايك للرفع من كفائة الثبات .. والتوازن ؟؟

زي فرامل او عفشة او كاوتش معين او او ؟؟ ولا كلو واحد

الحمد الله خلصت اسئلتي

ومستني مناقشتكم بأذن الله

[nktis]

اولا نورت المنتدي واهلا بيك مهندس حسام
ومتفق معاك ...اغلب البايكر معانا في المنتدي كلهم بيحوشوا لانك زي ما قلت لو عملت ايه عشان تقنع اهلك ...صعب جدااا
لازم يعرفوا قبلها ممكن كتيره باسبوع وتحوش وربنا يوفقك وتشتري حاجه ...
وال 250 حلوه وجميله بس تكون من الافضل موديل حديث وعلي قد خبرتي فيه موديلات منها 96 و97 وحالتها جامده وهتلاقيها في نفس سعر ال400 موديل قديم لان نفس ال 400 موديل 96 او 97 الفاير بتعدي العشرين... وانا مقتنع جدااا بكلمه هشام ان بعد فتره بتزهق وعايز تعلي بس نصيحه وانت بتشتري ... تشتري موديل حديث وتكون مقتنع انك بتقتني حاجه تعيش معاك عالطول متقلش اشتري اي حاجه 400 قديمه مثلا وانا بعد فتره هغير
انا عن نفسي ...كان نفسي اركب 400 بس موديل تسعيني بس لقيته غالي ومن الاخر انا صعب احط مثلا 30 الف في بايك ....اجيب عربيه احسن
وموضوعك هياخد فتره وتعليقات عشان نناقش كل النقط اللي حضرتك عايز تفهمها من كلام كبير البايكرز هشام ربنا يسهله في جيشه
واهلا بيك مره ثانيه معانا في الموتسيكلاتيه.......ههههه ههههه

[tamertamer]

بص يا باشا

اولا انت عشان تسوق ريس لازم يكون عندك مقومات

1- لياقة بدنية متوسطة عشان تستحمل المكوث علية فترة بدون ألم ودة مع التعود والمومرسة هتتعود
2- وكمان يفضل ان يكون طولك من 170 الى 185 عشان متتعبش من الاعدة وعشان انت هتستخدم رجليك كتير فى الوقفة والتنقل بين الغيرات وخلافة فلو قصير هتميل منك المكنة وممكن تقع او لو طويل اوى هتبص تلقى نفسك رجلك هتكون فى وضع غير مريح بالمرة
3- لازم يكون عندك سرعة بدية جيدة عشان الموتوسكل لحظة سرحان هتروح فى خبر كان الموضوع رياضة واستمتاع ولاكن ممكن يقلب بكارثة
4- لازم يكون نظرك كويس بتشوف كويس
5- يكون عندك جراج او مكان امان تضع فية الموتوسكل لان السرقات كتير للريس بذات

نيجى لية بننصح تجيب ريس صغير 250 او 400

1- لانها مكة خفيفة ودة هيديك مرونة
2- لان فى البدايات ممكن تحدث اخطاء نتيجة ارتباك او بسبب سواء حالة الشوارع او اخطاء الغير والمكن الصغير بردو اخف كتير من المكن الكبير واقل ضررا على الموتوسكل لما تحترف السواقة تجيب حاجة كبيرة
3- وايضا عشان المكن الكبير لفة البنزين بحساب اوى مكنة ممكن تجيب بيها 260 280 السواقة مراحل
ا- سواقة على السرعات البطيئة
ب- سواقة على السرعات التوسطة
ج- سواقة على السرعات العلية

لكل مرحلة وليها سستم سواء فى انحناء المكنة قطر الدركسيون صغير جدا
وايضا لان جسم سعتك بيكون هو العامل الحاسم فى الموضوع دة انت بتتنقل بجسمك بين الحارات اى ان المكنة بتكون ملتصقة بجسمك كاكائن واحد متوافق الحركات
3- طبعا مكنة صغيرة يسهل التعلم وتجربة مثل هذة التدريبات تخيل انت 250 ااو 400 وزن متوسط ما بين 130 180 كيلو جرام لاكن 919 مكنة ثققيلة الوزن 350 وطبعا غير ان السيطرة على المكنة الكبيرة اصعب لان التجميع هنا سريع بدرجة مرعبة لازم تطلع السشلم وحدة وحدة وفى ناس بتركب كبير على طول بس مغمرة لا اريد ان تفكر فى ماذا سيحدث لو حدث خطاء منك وانت على 180 لان فى 900 بتيجى بسرعة شديدة انت ادركك نفسة وردت الفعل ممكن ميوكبش السرعة دية
4- واستهلاك الوقود كمان

5- وكمان لان المكن الكبير حجتة غلية والوقعة ليها ثمنها

بالنسبة للاسعار ال400 العادة النضيف منة بيبداء من 15 16 معلق نمر الى 19500 افراج جمركى اما الفير يبداء من 19 21 معلق نمر الى 25 افراج جمركى

[tamertamer]

ملحوظة

عندا بداية ممرسة مثل هذة الرياضة يكون الضرر بالغ عليها اى انك عندما تبداء بسواقة السيارات تاخذ وقت كثير فى الركنة والمطالع وخلافة ويحدث بسبب قلة الخبرة تلف بعض الاجزاء مثل الاسطوانة والدسك والبلية ودة بسبب قلة الخبرة وعدم الدقة فى الغيار
وهذا ما سيحدث مع المكنة الاجزاء المكانيكية يحدث لها ضرر بالغ مع المبتدا وخصوصا الفتيس دراع الغيرات والتروس وورق الدبرياج يبقا سعتك جبت مكنة غلية وقطع الغيار اغلاء تتعلم عليها ومفيش مكنيكى فى بلدك هيرجعلك حاجة ذى ما كانت هتبتر اسفا تبعها او تنبتر تذور المكنيكى كل شوية
عند البداية نسبة الضرر فى الفيبر وخلافة كبيرة جدا ونحن جميعا نعلم ان اجمل ما يميز هذا المكن هو شكلة الانيق الجميل وما يعطيك شيء من التميز ما اول حادث وثانى حادث كلة هيتدمر وتخسر ميزة الجمال الشكل الرائع والرياضى

ودة طبعا غير انك بتستهلك فرمل ودسكات بشكل كبير فى البداية وحجات من هذا القبيل

[tamertamer]

المشاركة الأصلية كتبت بواسطة nktis اولا نورت المنتدي واهلا بيك مهندس حسام ومتفق معاك ...اغلب البايكر معانا في المنتدي كلهم بيحوشوا لانك زي ما قلت لو عملت ايه عشان تقنع اهلك ...صعب جدااا لازم يعرفوا قبلها ممكن كتيره باسبوع وتحوش وربنا يوفقك وتشتري حاجه ... وال 250 حلوه وجميله بس تكون من الافضل موديل حديث وعلي قد خبرتي فيه موديلات منها 96 و97 وحالتها جامده وهتلاقيها في نفس سعر ال400 موديل قديم لان نفس ال 400 موديل 96 او 97 الفاير بتعدي العشرين... وانا مقتنع جدااا بكلمه هشام ان بعد فتره بتزهق وعايز تعلي بس نصيحه وانت بتشتري ... تشتري موديل حديث وتكون مقتنع انك بتقتني حاجه تعيش معاك عالطول متقلش اشتري اي حاجه 400 قديمه مثلا وانا بعد فتره هغير انا عن نفسي ...كان نفسي اركب 400 بس موديل تسعيني بس لقيته غالي ومن الاخر انا صعب احط مثلا 30 الف في بايك ....اجيب عربيه احسن وموضوعك هياخد فتره وتعليقات عشان نناقش كل النقط اللي حضرتك عايز تفهمها من كلام كبير البايكرز هشام ربنا يسهله في جيشه واهلا بيك مره ثانيه معانا في الموتسيكلاتيه.......ههههه ههههه

فى فرق كبير اوى انك تروح عشان تغير تيل او تغير بوجيهات او تغير زيت او او
والفرق شاسع انك تجيب مكنة حلة متور وملعوب فيها لان للاسف عندنا فى مصر الصنيعية غلابة اوى
15 الى 19 يجيبو مكنة ما بين الافراج والمعلق نمر بحالة الافراج وهنا هتتعب شوية عقبال متلقى حاجة حلوة بس تتعب دلوقتى وترتاح وانت ماشى ولا تجيب بسرعة وتتعب على طول فى حجات كويسة بس الفكرة فى الشخص الذى سيقع علية الاختيار ان يبصلك على المكنة لازم يكون فاهم اوى ومش ركيب بس لازم يكون عندة خبرة فى المكنيكا والكهرباء
حالة المكنة هى المقياس