مساعده عاجله فى دايو لجنزا

[most_wanted]

السلام عليكم
انا قدامى دايو ليجنزا موديل 2001
ماشية 70 الف كيلو اوتوماتك وعامله 49 الف
العربية مفهاش اى خدشة من بره ونظيفة جدا وكذلك الحال من الداخل وده كان من الكشف المبدى عليها
السؤال با هل سعر السياره كده يعتبر كويس ولا عالى ولا ايه ؟
ثانيا بالنسبة لاستهلاك البنزين انا عارف ان الموتور 2000 سى سى بس هل هيكون استهلاكه اكتر مثلا من مره ونص من العربية 1600 سى سى ولا هيعدى كده ؟
ثالثا هو ممكن اكشف عليها بالكمبيوتر ولا لا ؟
رابعا قطع غيار السياره هى هى متوفره واسعارها ايه نظامها ؟
اخيرا الضرائب يتاعتها هتكون فى حدود كام ؟
وشكرا

[acounter01]

بص يا عم most_wanted ال انا اعرفة ان العريبة الليجانزا قليلة في مصر علشان كدة مستوردين قطع الغيار لليجانزا قليلة وغالية والله اعلم ودة من واقع اني كنت حشتري العربية دي السنة ال فاتت
اما بالنسبة لسعرها اعتقد انه معقول ولو اقل حيبقي افضل طبعا

[most_wanted]

المشاركة الأصلية كتبت بواسطة acounter01 بص يا عم most_wanted ال انا اعرفة ان العريبة الليجانزا قليلة في مصر علشان كدة مستوردين قطع الغيار لليجانزا قليلة وغالية والله اعلم ودة من واقع اني كنت حشتري العربية دي السنة ال فاتت اما بالنسبة لسعرها اعتقد انه معقول ولو اقل حيبقي افضل طبعا

شكرا على الرد السريع
بس موضوع قطع الغيار ده اوجهت نظرك ولا انت تعرف فعلا ناس اشتكوا من الموضوع ده

[diaahsn]

موجودة ومتوفرة جديد واستيراد

[مازن الغندور]

السلام عليكم

انا راكب ليجانزا موديل 99 وبصراحه هى عربيه مالهاش حل بجد .. وعلى فكره استهلاك البنزين فى حدود المعقول مش للدرجه اللى يتخاف منها .. وعايز اقول لحضرتك حاجه هى بتفرق من نوع البنزين اللى بيتحط برضه 80 او 90 او 92

انا اعرف ناس بتمشى عربيتهم بالـ 80 وعشان كده بتاكل معاهم انما انا بمشيها بـ 92 ومش بتاكل والله وللعلم انا بسافر كل يوم رايح جاى بتاع 80 كيلو بتاكل معايا فى حدود 6 او 7 لترا فى المشوار كله رايح جاى وقطع غيارها موجوده فى السوق ومتوفره طبعا سعرها عالى شويه عن باقى العربيات .. بس عايز اقولك حاجه .. راكب ليجانزا تبقى راكب مرسيدس
بالنسبه للثبات بتاع العربيه .. والله العربيه بتجيب معايا 180 وانا مش حاسس بيها انا بتفاجأ بالعداد ودى ميزه لانها ثابته على الارض مش يتخاف منها ولو الطريق يساعد والله تقفل الامبير

وانا بشبها بالعربيه الفيرنا فى الغرز .. بتساعدك فى الغرز بدون خوف وقلق

بصراحه لو ركبت العربيه هتحس بفرق كبير بينها وبين اى عربيه تانيه

انا معايا مانوال لانى مش بحب الاتوماتيك اد كده بس بصراحه عربيه كفائه .. عربيه مالهاش حل بجد
اشترى وتوكل على الله .. بس عايز اقولك حاجه حافظ عليها هتفضل هى كمان محافظه عليك
والسلام ختام