معا نفتح ملفات الفساد الاداري "ثوره علي الفساد"

[pointer]

( إِنَّ اللَّهَ لَا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ وَإِذَا أَرَادَ اللَّهُ بِقَوْمٍ سُوءًا فَلَا مَرَدَّ لَهُ وَمَا لَهُمْ مِنْ دُونِهِ مِنْ وَالٍ ) {الرعد:11}.


بعد نجاح ثوره 25 يناير ذهبت الي حي مدينه نصر شرق علي امل ان الاقي تغيير
غير انه لا تغيير فقط الاستماع لك و ابتسامه و خلاص و الكلام بتاعهم كدا طلبك مش ماشي والكلام المستفذ قل شويه طبعا غير انك لما تحاول تفهمهم ان كلامهم غلط و مستحيل التنفيذ يبوصوا لبعض و يقولوا الحلزونه نسبه لشعر الحلزونه انتحرت في ميدان التحرير في فيلم مرجان احمد مرجان
انا هحط هنا بعض مظاهر الفساد الاداري في حي مدينه نصر شرق ثم مرفق مياه وعلي الجميع التكاتف في هذا الموضوع
لتكون الثوره ضد الفساد بكل انواعه و اشكاله و سوف اتقدم بالطرق القانونيه في هذا الموضوع و يلريت الشكاوي تتجمع وتبقي جماعيه
وللعلم معظم الاحياء عباره عن مجموعات من الحزب الوطني و حسبنا الله ونعم الوكيل

[د.كمال]

ماالكلام ده هو إللى أنا بأقول عليه ومحدش سامعنى
الرئيس تنحى إنما النظام الفاسد لسه موجود .
المؤسسات الحكوميه عايزه تطهير ....كل المديرين الفاسدين وسارقى المال العام لسه موجودين .
كل المنافقين ومراكز القوى لسه موجودين فى أماكنهم .
صحيح هما خايفين لييجى الدور عليهم لكن هما دول إللى خلوا الناس تعمل إعتصامات فى المصلح الحكوميه اليومين دول .

[pointer]

كلامك سليم يا دكتور و كنت ناوي ارد عليه
فعلا الفساد من تحت زي اللي من فوق ان لم يكن اشد
بالله عليكم لو حد عنده اي معلومات عن فساد يحطها هنا و نبداء ثوره علي الفساد ولا ستذهب ثورتنا الي غياهب التارخ و يضيع حق شهدائنا سدي
انا عندي مستندات للقساد الي جانب اني هاعرض عليكم النظام الفاسد ماشي ازاي واحده واحده علي شان تعرفوا الفساد اللي وصلنا له وكلام محدش يقدر ينكره

[koashraf]

ياجماعه دى حصيلة سنين طويله من الفساد والافساد ومش حتتصلح بين يوم وليله وجميع الموظفين والمسؤلين بيبرروا ده لانفسهم ان الحياه صعبه والدخل مش مكفى يعنى بقت ثقافة شعب المهم الاصرار على التغيير (ان الله لايغير مابقوم حتى يغيروا مابأنفسهم)

وبعدين ماتتصوروش ان مجرد نجاح الثوره يبقى كل حاجه حتنصلح لأ طبعاً المهم مانزهقش ماندفعش رشوه عشان نمشى امورنا مانسكتش على حقنا بس بالادب والعقل ومع الوقت كل شىء ممكن ينصلح المهم العزيمه والاصرار على التغيير.

[محمود زيزوو]

يا جماعة احنا كدة عيزين نغير شعب من الفساد لان الفساد كان منتشر لدرجة كبيرة جدا لان كل مسؤال فاسد يفسد من تحتو وهكذة يعنى الفساد دة مش هينتهى احنا ممكن نخالية يقل بس انما ينتهى صدقونى صعب جدا لان الاى مبيخفش ربنا بيعمل اى حاجة فاسدة وحرام واحنا ندعى ونوعى الناس ونبدأ بالكبير زى المسؤولين وطبعا لما مسؤال يبقى بيخاف ربنا اكيد الاى تحتو على الاقل هيخاف منة وربنا موجود