مليونية الجمعة القادمه .....أكبر ضمان لتحقيق الثورة

[khaled al sharif]

ياتري .. مليونية الجمعة القادمه ... وقف حال وخسارة للبلد ... ولا أكبر ضمان لتحقيق مطالب الشعب المصدوم ... وأكبر ضمان لإسترداد ثروات الشعب المنهوب
وأي خسار للإقتصاد تقارن بخسارة الثروات المنهوبه .... ثروات كانت كفيلة بتغيير حال الوطن وضمان حياة كريمة ل16 مليون مصري تحت خط الفقر ... وتحقيق أمال وطموحات 80 مليون مصري ضاعوا لمدة 30 عاما في سراديب الخوف والقهر ..... ياتري إستمرار شعلة الثورة مشتعله ... لازم يبقي بالمظاهرات ولا فيه أساليب أخري أفيد وأكثر ملائمة الأن عشان تتحقق مطالبنا ... وإيه البديل ليها ؟؟؟

[amrmohamed1975]

يا ريت المليون واحد دول يوظفوا حبهم للبلد فى شئ ايجابي يساعدوا الحكومة حتي لو مش راضين عنها حاليا بس يساعدوها يسبوا فرصة للجيش يتعرف عن قرب للملفات الاكثر حساسية و المطالب الاكثر الحاحا حاليا يقسموا نفسهم فى جميع محافظات الجمهورية بالتعاون مع اي جهة حكومية للقضاء على السلبيات اللي ظهرت خلال الثورة و ايضاء نتيجة لاخطاء النظام السابق الارضي اللي الناس بتتعدي عليها سواء الزراعية او الصحراوية الشقق اللي الناس اغتصبتها بالقوة هيبة الدولة اللي بقت فى الارض عايز اقول لحضرتك مثل صغير الحكومة الموجودة حاليا عايزة تراضي الناس بس ده كمان ضيع هيبة الدولة و القانون معا لو حضرتك رحت مدينة مطروح قبل كده اكيد تعرف شارع الاسكندرية هو الشارع الرئيسي و التجاري فى المحافظة الناس كلها عايزة رخص اكشاك فى هذا الشارع و اللي المحافظة تقله لا يهدد باعتصام و باحراق ممتلكات الدولة تخيل لو حضرتك ساكن فى شارع او عندك محل فيه و صحيت الصبح لقيت كله بقي اكشاك لزقة فى بعضها قدامك حالك هيبقي ايه مع العلم اني لست من سكان مطروح و لا امتلاك هناك اي شي بس هو دا بقي الحال فى الغلبية العظمي من محافظاتنا تعالوا نعلم الناس ان البلد تتصلح الاول و بعدين خيرها ها يعم علينا كلنا انما النظر للمصالح الشخصية فقط و الانا هيجبنا ورا اكتر من النظام الفاسد نفسه

[khaled al sharif]

يعني حضرتك عايز تقولي العمل التطوعي الأن في كل محافظات مصر هو أجدي من التظاهر والإعتصام .... يبقي لازم ننشي لجنة لتنظيم العمل التطوعي ويا تري هاتساعد إزاي يعني نظافة وإصلاح الشوارع ماشي ... دهان الحوائط والمساهمة في بناء المباني المدمرة وأقسام الشرطه ماشي .... تقصد كده

وندي فرصة للمجلس العسكري والحكومة الحالية تحافظ علي عجلة الإقتصاد دايرة ... برده ماشي

وبعد كده لو متحققش مطالب الثورة .... نرجع تاني لميدان التحرير .... ماشي يبقي لازم شعلة الثورة تظل مشتعله ونراقب عن كثب