سعر النيو اكسنت زاد تانى (حرام و الله)

[aelsakka]

السلام عليكم جميعا

يا ريت تصبوروا معايه و تقروا الموضوع للاخر

اعتقد كل الناس دلوقتى عارفه ان غبور كوكيل و مراكز صيانه التعامل معاهم غير مرضى سواء كا مماطله فى اعطائك حقك كمستهلك وعربيتك فى الضمان او فى انه بينزل العربيات فاضيه و غاليه او كا زحمه لان التاكسي فى مصر نصفه هيونداى و بالتالى هيكون فى سربعه و كلفته فى الصيانه بس الواحد كان بيقول ان عر بياته منتشره فا الميكانيكيه حفظوها و قطع الغيار منتشره ده غير ان سعر اعاده البيع كويس

غبور غلى عربياته اول السنه دى لكن ورغم الظروف اللى البلد فيها يغلى تانى في شهرين يبقى حرام

حكايتى مع غبور:

انا كان معايه فيات منيوال و قلت اجيب حاجه هيونداى اتوماتك على قدى كانت ساعتها النيو اكسنت ٢٠١٠ فى شهرسبتمبر ٢٠١٠ بى ٨٢٥٠٠ قلت ماشى الحال نقسط, بس قعدت شهرين تقريبان عقبال ما عرفت ابيع عربيتى راح غبور مغلى العربيه النيو اكسنت ٢٠١١ بقت بى ٨٨٥٠٠ و مافيهاش اى حاجه زادت

دورت على موديل ٢٠١٠ ابو ٨٢٥٠٠ اختفى او خلص تماما من السوق

طبعا صرفت نظر وقلت احسن بدل ما اقسط, ازنق نفسي شويه واجيب فيرنا اتوماتك كاش كانت ساعتها بى ٧٥٠٠٠ بس صاحبى الله يسامحه قلى استنى معرض فورملا فى نصف يناير ٢٠١١ ممكن سعر الفيرنا اتوماتك يقل, المهم استنت لقيت غبور غلاها بقت بى ٧٧٠٠٠ قلت لا الفيرنا عمرها ما تستاهل تبقى بى ٧٧٠٠٠

فى الا خر بعد ما فكرت كتير قلت خلاص نقسط الاكسنت اوتوماتك٢٠١١ و رحت اتفقت عليها مع معرض و بعدين حصل اللى حصل فى البلد, المهم كلمت المعرض انهارده قلى معلش يا باشا هتستنى معانه يو مين عشا غبور هيغلى العربيه ٣٠٠٠ يعنى الاكسنت اوتوماتك هتبقى بى ٩١٥٠٠ يعنى العربيه غليت ٩٠٠٠ فى ٤ شهور

ده غير اصلا العربيه غبور منزلها مصر من غير اير باجز او ABS ولا حتى مريات كهربه, يعنى عربيه بى ٩١٥٠٠ بى مرايات عاده

يا ريت اى حد يصححلى اللى انا قلته لان لو غلاها فعلا يبقى استغلال و لو ده فعلا حصل انا عمرى ما هجيب منه حتى لو رخصت لان ده استخفاف بى عقولنا و هبداء حمله مقاطعه ليه.

ارجو من المنتدى اللى فعلا بحترمه انه يضيف الموضوع لان انا والله مش من توكيل منافس او غرضى تسؤ سمعه غبور انا قلتلكوا قصتى بى منتهى الصراحه و حتوا نفسكوا مكانى, و يا ريت تنصحونى اجيب ايه.

كلامك مظبوط وانتا والله صعبان عليا وانا كنت زيك كدا كان معايا 128 ورحت اجيب الفيرنا ومضيت العقد وقبل ما استلم بيوم العربية سعرها زاد 3000 جنيه بس عملتلهم قرد وخدتها بالسعر المتفق عليه 69750

بس نصيحة ليك هات نيسان صني وسيبك من النيو اكسينت النيسان برقبتها وكفايا انك راكب ياباني

[aelsakka]

المشاركة الأصلية كتبت بواسطة corsair كلامك مظبوط وانتا والله صعبان عليا وانا كنت زيك كدا كان معايا 128 ورحت اجيب الفيرنا ومضيت العقد وقبل ما استلم بيوم العربية سعرها زاد 3000 جنيه بس عملتلهم قرد وخدتها بالسعر المتفق عليه 69750 بس نصيحة ليك هات نيسان صني وسيبك من النيو اكسينت النيسان برقبتها وكفايا انك راكب ياباني

ربنا يخليك ياباشا انا هستنى يومين واكلمهم تانى اشوف ايه النظام لوفعلا صح يبقى قدامى الصنى او الريو, طبعا الصنى اقوى و احسن واتقل من الريو بس انا بسيت على كذا منتدى لقيت الصنى فعلا بتاكل بنزين زياده حواله من ٧.٥ لى ٨.٥ كم باللتر جوه البلد و اعتقد ده كده منيوال وده رائ معظم ملاكها وانا بمشى كتير جوه البلد فا مش هينفع معايه الكلام ده غالبان هتبقى الريو واهو توكيل انظف من غبور كل ده طبعا لو الاكسنت زادت فعلا.

[خالداعزالناس]

نيسان صنى ..... مازالت السياره المناسبه
سعرها ممتاز .... وثابت تقريبا ..... وسياره يابانيه ..... وتحتوى على فرامل ABS
توكل على الله واشترى نيسان صنى اتوماتيك
سياره ممتازه

[Grey_Fox]

اشمعنى انت ياغبور اللي بتزود الاسعار.. مش عايز يفهم ان الناس بتشتري الهيونداي عشان سعرها مش عشان هي عربية الاحلام... وفعلا في الفتره الاخيره الناس كلها فهمته والبدائل موجوده