نرجو التأكد من الاخبار قبل كتابه المواضيع

[خالداعزالناس]

أرجو من جميع الاعضاء الكرام
عدم كتابه أى معلومات أو أخبار عن المظاهرات أو الثوره فى مصر
الا بعد التأكد من الخبر
لعدم الاثاره والتسابق فى كتابه المواضيع ..... واثاره البلبله بدون أى داعى
مصر بلدنا ..... نحافظ عليخا ونحميها ونخاف عليها
ونتمنى من الله ان ننعم بالخير والامان عاجلا ....

[sad-bird]

خالد باشا انا بنقل الاخبار عن اليوم السابع ودي اغلب مصادرها من قلب الحدث ونوعا ما معتدله في المهنية الصحفية
وتوقفت عن النقل عن الجزيرة والدستور لقناعتي الشخصية ان لهم مآرب اخرى

[سالم سلامه]

المشاركة الأصلية كتبت بواسطة خالداعزالناس أرجو من جميع الاعضاء الكرام عدم كتابه أى معلومات أو أخبار عن المظاهرات أو الثوره فى مصر الا بعد التأكد من الخبر لعدم الاثاره والتسابق فى كتابه المواضيع ..... واثاره البلبله بدون أى داعى مصر بلدنا ..... نحافظ عليخا ونحميها ونخاف عليها ونتمنى من الله ان ننعم بالخير والامان عاجلا ....

الراجل ده بيقول كلام صح

[خالداعزالناس]

المشاركة الأصلية كتبت بواسطة sad-bird خالد باشا انا بنقل الاخبار عن اليوم السابع ودي اغلب مصادرها من قلب الحدث ونوعا ما معتدله في المهنية الصحفية وتوقفت عن النقل عن الجزيرة والدستور لقناعتي الشخصية ان لهم مآرب اخرى

كلامك مظبوط ..... فعلا اكثر القنوات التى لا تذيع الحقيقه
وتؤدى الى زياده الاثاره فى الشارع المصرى
وكله على حساب المصريين

[MIDO-SPICY]

انا طبعا باؤيدك يا خالد بيه
وليه كمان اقتراح تانى انا اسف بس ياريت نقلص شويه عدد الموضوعات اللى بتتكلم عن الثوره انا شايف على القسم مواضيع اكثر من اللى اتعملت فى مصر موتورز كله من يوم ما فتح
لدرجه انى متوقع الاقى خبر قريب فى موضوع لواحده ان حسنى النهارده صحى متاخر الساعه 12 الظهر واول ماصحى دخل الحمام وطلب الفطار
ارجوا ان ماحدش يزعل منى
بس دا افضل للكاتب فى انه بيجعل الموضوع فيه مرجعيه اللى بيتابعنا واللى غاب عننا يوم يقدر يرجع للموضوع بمنتهى السهوله ويتابع معانا
والله كان عندنا موضوعايام الغضب وصلنا فيه لعدد هايل جدا جدا من المشاركات وكلنا تعبنا فيه مش عارف ليه اهمل
وافيد كمان للقراء فى عدم التشتيت فى المواضيع
لان كثرتها بتوه اللى بيقرا داخل القسم