|
|||||||
| ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
 |
|
|
أدوات الموضوع |
|
|||||||
| ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
|
|
|
أدوات الموضوع |
|
#1
02-02-2011, 03:02 PM
|
||||
|
||||
مصر الجديدة 00مصر الثورة
هذه الموضوعات قمت بكتابتها لمصر موتورز من قبل ومنذ أكثر من عام وأعتقد أنها تحققت اليوم
------------------------------------------------------------------------------- أحذروا الكارثة:قنبلة متفجرة أسمها مسعود الرايق !!!!!!!!!! ________________________ من منكم سمع عن هذا الاسم من قبل؟! مسعود الرايق هو مواطن مصرى من الدلتا مواطن مطحون نبت من طين الريف المصرى واتعجن بمياه النيل وسوته الشمس الحارقة فى الصيف 00 نشأ فى أسرته البسيطة التى لا تعرف الا الفلاحة والارض وتقديم خيرها لنفع الناس تربى على مبادىء الريف والقيم الاصيلة ولكنه كان طموحا ومحبا للدراسة فشق طريقه بسهولة وقد حصل على كلية العلوم من جامعة عريقة وتخرج فيها بتقدير جيد جدا كثان لدفعته دون واسطة أو تزوير ولكن لم يتم تعيينه معيدا بها كما يحلم!! كان مثله الاعلى علماء أفذاذ سبقوه بداية بمشرفة وسميرة موسى والمشد وانتهاءا بالباز وكان يرى فى نفسه واحدا من علماء المستقبل وفخرا لوطنه وامتدادا لعنقود العلم الزاهر!! لكن تأتى الرياح دائما معاكسه ومغايرة للواقع والمنطق والحق!! ألقى به فى الشارع وحرم من وظيفة هو الاولى بها والاجدر والاحق00 كان يشعر بأنه انتزع من جدوره وألقى فى العراء ليذبل00 قضوا على آماله فى البحث العلمى ومواصلة المشوار00 لم يدب الياس فى نفسه بعد فتقدم لمركز البحوث فطار منه هو الآخر لانه بلا واسطة ولا كوسة00 كم يكره الكوسة شكلا ومضمونا وطعما!! تم أخيرا تعيينه كمدرس بالحصة فى مدرسة اعدادية!! كانت هدية من عضو مجلس شعبا شراءا لبعض أصوات!! يوم بعد يوم كان ينمو فى داخله احساس القهر والعجز والظلم لكنه بلا حيلة! ولم يتخل عن بحثه العلمى وبامكانيات زهيدة وبعد تبديد كل ما ورثه عن والده فى استكمال بحثه العلمى بدأ الامل يدب فى نفسه مرة أخرى لقد توصل لاختراعة الجبار الغير مسبوق!!! توصل لاختراع غاز الذاكرة00الذى يقضى على الذاكرة فى ثوان معدودة وللابد!!!!!! كل هذا فعله باستخدام عبقريته التى لم يكتشفها أحد وفى معمل مدرسة صغيرة بعيدا عن قلاع البحث العلمى التى لم تخرج منذ سنوات ما هو أكثر أهمية!! وبواسطة قريب له تم تسجيله لاحد البرامج فى الفضائيات00 وعلى الهواء مباشرة كان أضحوكة ومثار للتعليقات والسخرية من المشاهدين من المتخصصين والعامة والكل يتساءل عن أهمية هذا الاختراع التافه والمعدوم القيمة واتهامة بأنه جاهل ومعتوه!! قام الرايق بتجربة الاختراع على كلب وبعد أن اعطاه جرعة من الغاز فلم يتعرف على صاحبه وبدا تائها00 خرست بعض الالسنة واذ به يتحدى الجميع ومن يريد أن يفقد ذاكرته فليتفضل بالتطوع00 ظن الجميع أنه برنامج من نوعية الكاميرا الخفية وان الموضوع لعبة وسوف تقلب بهزار لكن احد الاستاذه الكبار تدخل فى تعقيب وقال أن ما يحدث هو مهزلة علمية و هذا المدعى مسعود مدّعى وكذّاب وكان طالبا فاشلا لديه!! واذ بمسعود يصرخ فى وجهه ويقول أنه تسبب فى حرمانه من التعيين بالجامعة لصالح ابنه ويتهمه بالتزوير ويحتسبه أمام الله وبسؤاله عن فائدة اختراعة أجاب ان الاختراع سوف يزيل الآلام عن البشرية لتنسى الدمار والحروب والصراعات وتطرح مشاكلها جانبا وتبدأ من جديد فى عالم نظيف برىء لايعرف القسوة والدمار والحوب والكراهية بعد الحلقة حاول تسجيل اختراعة ولكنه فشل وقوبل بالروتين والاستهزاء والسخرية00 وبعد الكعب الداير وتجاهل المسئولين تلقى عروضا خارجية بالسفر وشراء اختراعة لكنه أبى ورفض رفضا شديدا لانه يعرف ان اختراعة أقوى من القنبلة النووية وسوف يستخدم استخداما خاطئا لتدمير الابرياء ونتيجة للتراكمات انفجر مسعو د صعد الى برج القاهرة00 يحمل قنبلة صنعها بنفسه00تحمل الغاز لبثه فى الجو!! وهذا الغاز العجيب يمكنه الانتشار أسرع من الغبار النووى وفى ساعات قليلة سوف يغطى آلاف الاميال!!!!! مسعود معتصم فوق برج القاهرة ولا يجرؤ الآن احدا على الاقتراب منه!! له مطالب اما تنفذ واما يبث غازه فى سماء مصر والعالم مطالب صعبة جدا جدا ومستحيل تنفيذها لكنه فى منتهى الاصرار على تنفيذها فهل يستفيق العالم ؟!! حلم آخر أكثر أستحالة أحذروا أيها الرفاق القنبلة ستنفجر قريبا لان مسعود لن يصمد طويلا ولن يصبر الا قليلا الكارثة التى ستعصف بمصر فى الايام القادمة نعيش فى فوضى وهمجية ولا مبالاة وعدم تكافؤ فرص وظلم وكوسة وخيار وجزر منذ سنوات ممتدة !! لقد تعودنا أو عّودنا على التعايش مع واقع غريب ومؤلم ولاننا شعب صبور جدا جدا ولايبدو أن لصبره حدود ولكن لكل ذروة نهاية تأتى بالنقيض00 أشعر بأن الناس أصبحت تعيش فى عنف ومع تغير العادات والتقاليد وأختفاء الاحترام لللآخرين وأنحسار ثقافة الاختلاف أصبحنا فى حالة عنف يومى لادامى ودامى00 أصبح الشجار لاسباب تافهه فى كل مكان وكنا فى الماضى نتجاوز هذه المواقف بكلمة عتاب او لوم مهذب أو حتى ابتسامة أما اللآن فنستخدم اليد واللسان للتعبير عن أسوأ فى الانسان! زادت القضايا والمشاكل بين الناس واصبحت الناس تخرج فى الصباح للسب واللعن والشجار وأنفاسها تضيق وزفراتها تلفح الوجوه! الدخل قليل والمواصلات جحيم والجباية من الحكومة لاتقف من أرض الفلاح الفقير الى ضريبة العقارات الاخيرة ولانلمس تحسنا فى الخدمات مقابل التحصيل ! بطالة وتأخر سن الزواج وارتفاع العنوسة الى أعلى مستوياتها فى بلد متدين!! ووسط كل البلاوى والقهر والفقر توجد مظاهر اوروبية عند القلة من بحبوحة العيش حتى أقصى درجات الترف مع تصريحات مستفزة من المسئولين ووعود كاذبة لا تتحقق على أرض الواقع ولا يوجد تحسن فى أية قطاع سوى من الكلمات والورق الذى لم ينفذ!! الظهور تحملت بما فيه الكفاية والاقدام تورمت والدموع جفت وخلفت القسوة فى القلوب لم نعد الشعب الطيب 00تسلل الشر ألينا وتوغل وأنعكس علينا فى تصرفاتنا وأخلاقنا وأخرجناها على بعضنا البعض والخطوة القادمة المنطقية على الآخرين00 قد تكون هناك ثورة قادمة ثورة الجياع أو المظلومين او المقهورين أو المكبوتين! لكل مسئول فى مصر مصر لم تبنى بيوتا وتشترى أراضى وشاليهات وسيارات الا من فلوس الخليج واوروبا ولولا هجرة وغربة الكثير من ابناء الوطن الى الخارج لما كانت مصر فيما عليه الآن من السترة فلولا هذه الاموال التى تدفقت على مصر على مدار سنوات طويلة لما أصبحنا هكذا فعندما تمر فى أيه قرية مصرية وتجد منزلا من الحجر فصاحبه تمرمط وتغرب لسنوات فى الخارج ولم يقدر غيره ممن لم يسافر على أنتشال أولاده من برك المياه التى تتساقط عليهم فى الشتاء وجدار المنزل الذى يقع فيصبحوا فى الشارع هناك كارثة سوف تحدث وتعصف بنا لانها كارثة عشوائية جبارة سوف تنطلق لتطول كل شىء وأى شىء دون عقل أو تخطيط أنها ثورة من العشوائية وأنها لقريبة جدا واقرب مما يتصور أكثر المتشاءمين! </TD></TR> أعيد طرح قصائد قديمة نور الحرية ----------- راحت أمانى بعد طول الإنتظار ونفس تعانى من أشواك فى الحصار لكن قلبى نابض بروح الإنتصار بعزيمة الرجال و قوة الأحرار برحيق الإرادة وعدل الأقدار فأنا نور الحرية المولود من رحم القيود نفس كريمة أبيّة موعود بالنعيم الممدود مهما ذقت من كأس المرار مهما خضت فى غمار النار لو كان دربى مسدود وضاقت بى كل الحدود وزافت كل الوعود فأنا موجود مناضل مقاتل باق لأقصى الحدود إشراقة العتمة ------------- لما تلف بينا الدنيا تدور على الجراح لما يتحول مجالنا لأسر ويضيق بينا البراح تبقى عتمة فى عز إشراق النهار كتمة نفس خنقة ما بين أسوار طريقنا يطّوّح يدور بيه المدار والغربة تكوينا من اللهيب أنهار مهما زاد الحزن نشيد الأمل صدّاح مهما بّعد ما بينا الأسر بتلتقى الأرواح تحطم المستحيل مهما الجدران تميل ليل الظلام بتحيل لنهار ساطع جميل <TR><TD class=hr colspan="2"></TD></TR><TR><TD colspan="2"> رايح لحضن النهار ************* طلعت فوق سطوح الليل أستنى فجرى بشعاع جميل لا سبنى ليلى للأمل ولا عنى حملى حمل قابلته بضحكة ف عيون الرضيع لكنه قاسى وطبعه وضيع عمل لى سد عالى ومنيّع وحاش عنى نسمة ربيع بشمسها وحنانها الوديع وفاضل ايه من حلمنا تايهين00 ضايعين00 ومعانا اللى فاضل من عمرنا أكدب على نفسى وأسرق ليومى من أمسى أهرب على جناح الخيال فاضل أمل رغم المحال ع الصخر ح أنحت خطوتى ومها طالت وحدتى ح أدق ف الجدار واقول لا للفرار أنا خلاص خدت القرار ح أهرب بحلمى للنهار ح اكسر حدود المستحيل حامل ف ايدى القناديل عابر لواحة النار مجهول على أسرار ح أوصل لحد الليل وارمى نفسى ف حضن النهار </TD></TR>
__________________
|
|
#2
02-02-2011, 03:06 PM
|
||||
|
||||
|
رد: مصر الجديدة 00مصر الثورة
فعلا يا دكتور تامر عندك حق وانا حاسس فعلا بنفس شعورك ده ولازم مصر تتكاتف وتتحد لعبور الأزمه دى لأن حقيقى حلنا بقى يحزن جدا
__________________
لّا إِلَهَ إِلاَّ أَنتَ سُبْحَانَكَ إِنِّي كُنتُ مِنَ الظَّالِمِينَ
|
|
#4
03-02-2011, 04:04 AM
|
||||
|
||||
|
رد: مصر الجديدة 00مصر الثورة
الموضوع أصبح اكثر خطورة وكل يوم بيعدى الناس بتقول ايه الخراب ده ربنا يستر من عنده و يرحم ارواح الشهداء
|
|
#5
04-02-2011, 04:42 AM
|
||||
|
||||
|
رد: مصر الجديدة 00مصر الثورة
انا عايز اقول انى لسه شايف على التليفزيون المصرى دلوقتى مداخلهمن شاب اسمه تامر مقدرتش اعمل او اقول حاجه بعدها غير انى اخد سيجارتى واخرج اقف فى البلكونه علشان ادارى دموعى وحرقة قلبى واللى مقدرتش انى اوقفهم .. الشاب بيتوسل للتليفزيون وهو منهار تماما من كتر البكاء انه يتواصل مع الشباب قبل بكره ويقولهم يروحوا هو واحد من اللى بقالهم 10 يام فى الشارع ولما احتكم لصوت العقل روح هربان علشان ماحدش يقول عليه انهخاين ومعرفش قرار الحربيه بامكانية انهم يروحوا غير لما راح عند اقارب ليه فى غمره وبيتوسل للتليفزيون انه يوصل التحرير دلوقتى ويبلغ الشباب بالقرار دا فين ناس كتير جدا عايزه تروح وخايفه من امن الدوله بيقسم بالله العظيم اكثر من مره ان فيه ناس مش مصريين دلوقتى جوه المظاهرات وكانوا معاهم من اول يوم بيتكلموا معاهم وكانوا بيتظاهروا معاهم وبيجيبولوهم وجبات وشاى وسجاير وبيعملولهم اللافتتات اللى هما عايزينها وقاعدين ياثروا عليهم طول الليل وقال انهم قالولهم ان بكره جمعه الوداع .. وداع لمين ؟؟؟ وانهى مكالمته وهو فى حالة اعياء من كتر البكاء بالماسبة مزيع القناه طلب منه انه يجى دلوقتى على التليفزيون علشان يتكلم معاه وحولوا الخط على الكنترول علشان ينسق معاهم هيجى ازاى بس الولد مابداش قبول او رفض _________________________ _________________________ ____ انا حاسس يا جماعه ان مصر بتسقط .. مصر تعدت مرحلة الثورة واصبحت فى حالة حرب ......... وحرب على مين ... حرب علينا احنا مش على شويه مبانى ولا على شويه فلوس نقدر بتعبنا وعرقنا اننا نعوضهم واحنا فخورين باللى عملناه دى حرب ابادة للشباب اللى انا فى قمه حزنى انى ماكنتش معاهم علشان افضل فخور بنفسى باقى عمرى ادام نفسى وادام بنتى وادام عيلتى وبلدى حرب اباده للشباب اللى رفعوا اسم مصر فوق قوى . حرب اباده للشباب اللى ماحدش قدر يعمل زيهم مش من 30 سنه لا يمكن من 50 سنه او اكتر حتى ثوره يوليو الشهيره اللى عملها مش شويه شباب عزل .. لا دى قياده جيش ليهم سلطه ونفوذ فى البلد ومعاهم سلاح ثقيل مش عارف اعمل ايه للناس دى علشان احاول اجنبهم ولو ا % من اللى ممكن يحصلهم بكره دمهم هيروح هدر مش لاقى غير انى اقوم اتوضى دلوقتى واصلى وادعى ليهم ان ربنا يحميهم بكره من عنده ويبعد عنهم اى شر ويبيد الظالمين الناس دى مش عايزه حاجه اكتر من انها تحس انها ليها كرامه فى بلدها ودى ابسط حقوقهم وكون ان الحكومه تنفذلهم دا فدا مش تفضل منهم وانما دا واجب عليهم يارب حافظ علينا وعلى بلدنا وابعد عنا اى شر .. اللهم اضرب الظالمين بالظالمين واخرجنا منهم سالمين يارب رجع لاخواتنا فى ميدان التحرير دلوقتى رشدهم وعقلهم قبل ما تحصل الكارثه اللى كلنا هتسيب جوانا شرخ كبير وبطلب من جميع الاعضاء اللى فى المنتدى انهم بكره فى صلاه الجمعه ان امام المسجد يدعوا فى صلاته ليهم وان ربنا يخرجنا من اليوم دا سالمين يارب انا بكتب المشاركه دى فى اكتر من موضوع دلوقتى علشان اكبر عدد من الاعضاء يقروها ويدعوا معايا للشباب دى ويدعوا وهما بيصلوا من دلوقتى لبكره فى صلاة الجمعه
|
|
|
|
